自閉癥能痊愈嗎？

AnsonWong2009

http://www.autismawakening.org/D ... utism40073665371334

Capricorn2521

回復 AnsonWong2009 的帖子

多謝你。

我由始至終對我個仔呢個病都好positive。雖然成日有人爭論是否可以痊愈，但我不想爭論，我只懷著自己的信念，由2歲時醫生話佢IQ冇問題一句開始，我好相信我個仔係可以過正常人的生活。

我同我老公係青梅"足"馬，20多年來見到佢的家人，大大小小佢地細路時候都有我地依家成日話a仔同adhd的特徵，細果d幼時也確診，但10-20多年後，佢地咪正常人一個，只有一個依然話佢係自閉症，但在我眼中他是一個斯文聽話的孩子。

只要現在努力，我們是可以看到成果的。

AnsonWong2009

回復 Capricorn2521 的帖子

真~~嘅???(聽落好似有D前景),依家大多A仔是智力正常的,但係作為媽媽嘅,眼見自己個仔同同年(3歲)嘅小朋友差太遠了,好灰真係好灰,唔知點訓練,TRAIN完返來又係咁,中心話佢哋好多嘢要教,
唉~~咁我成世都教唔完了,我"瓜"佐點算呀佢?

rabbit1411

我也覺得是。不要爭論可否痊癒，最緊要現在訓練，努力追回同年。在過左的星期一，去油麻地見姑娘，測試可否上中班堂，姑娘見他五分鐘就問我現在小朋友是你自己湊，我答是，她對我說小朋友進步得好好，可以上主流小學，比之前進步神速。我由上年十月到現在徐他上學、課外活動之外，我沒有分開過，可能另他有信賴，我教他的事物、生字、特別是常識他特叻。小貼士，小朋友在身邊不要玩電話、電玩等，全心全意在身邊，這樣學習特別好。這是我小小意見

Capricorn2521

回復 AnsonWong2009 的帖子

我只係相信自己對眼。家人的確如此。仲有，當時係冇呢方面嘅訓練，只有比人鬧吓打吓就大了。當然，小學時期都收到好多投訴，但以前嘅年代，好多男仔都係咁樣過。好似我老公咁，佢話愈見到個仔就愈令佢記得細過自己係點樣。我問老公細過有冇比人蝦，佢話比哥哥同亞爸打得最勁。可能，佢有個咁惡嘅哥哥，冇人敢蝦佢。所以我老公主張我地不可以太遷就個仔，要時不時整古吓佢。到咗依家，我個仔識得用返daddy D招數整古返daddy 。Daddy 又會扮比佢整古倒，笑死我。

你個仔依家先3歲，真係有排教。不過，不要灰心！佢會一年一年進步的。