真心教好學生的中學

sowasabe

melodyyy 發表於 12-6-15 16:44
同你個女既情形都幾相似, 中學時朋輩既影響真係好大, 當然一個好既老師都好重要

我女間學校暫時唔係好谷, ...

所以我話要找間同學勤學,有要求既,大家互動影響所產生的威力是意想不到的.好學生遇上好既老師加上學校學習氣氛好則不須向外補習.

hw1115

qq123 發表於 12-6-15 17:40
其實我都咁諗, 因為佢初小時, 試過偏過同d成績麻麻的同學一班, 佢本身平時上堂已經傾計、發夢同畫畫, 去 ...

佢宜家係band one中, 如果上一level就係band one頭, 我又怕太多勁人, 佢會考第尾。

>>>>>>>>>>  哩個係好多家長關心的, 但唔試過又唔知是否近朱者赤.

melodyyy

samuel89 發表於 12-6-15 16:51
我就覺得唔係學校既問題, 又唔係D同學既問題.......
應該系中學課程開始要用"心"去讀, 再唔系小學甘, 基本 ...

問題係佢班同學好多上堂都唔聽書, 反正阿媽比錢出去補習

有D甚至話再唔得就出國讀囉, 重好, 所以根本都唔用心, 功課就更加求其

JustAParent

唔好意思，人老了，看不清「囝囡」，下次不如考慮用「仔女」，比D自由佢地，唔駛揾個野圍住佢

我小朋友剛升中。都知少少D學校收什麼人。學校同你三唔識七，自行收生的，邊間唔在申請人中選最叻的？但收的學生叻，又點推論到學校唔做野，無心教學生的結論呢？

你講皇仁，我身邊就有個畢業生，一講母校就停唔到口，學校有幾好幾好。唔係要谷死個學生先叫「佢做野」嘅，谷死個學生的叫「做瓜佢」。你講Co-Ed，今年頭不是有個高年級的同學在國外發表了一份碩士級數學paper嗎？學校老師唔止自己教，仲同佢穿針引線去大學找教授教，學校無心教好學生？唔駛做？咪玩啦。

我從不相信學生「自己叻」呢套，千里馬再好，還是要有伯樂。郎朗公認是天才，但無佢爸爸千里迢迢帶佢去中央音樂學院，又如果學院的趙屏國教授不是悉心栽培佢，我不信他可成為世界知名鋼琴家。郎朗的成功是典型的孩子努力加上「家」「校」合作。如果真係如你所言，一班叻父母叻仔叻女集埋就掂，世界真美好。我現在就呼籲BK有碩士博士學位的家長和band1頭子女的站出來，合資租個地方開間學店，咁就名校一間，重駛咁多家長日煩夜煩找好學校。

其實你情況好奇，自己唔想插手孩子的學習，但又不能容忍學校唔理。以前的父母不理小朋友，可能是生活迫人，佢未必係無付出，相反可能已經付到盡。現今的人生活環境相對比以前好，你還是不理，單就你所言，先不論你兒子成績好唔好，至少學習態度就有問題。你那套能否叫「教佢獨立」「無為而治」？

「依家重有無Band1中學真心教好學生？」我聽到第一個反應係，好似有人行入街市大聲問，呢度有無邊個檔口唔呃人？你做檔主你會點？真心說，辦學很難。老師付出的其實很多...很多。除了很少很少極端的私校（我聽過的），學校基本上都真心想教好小朋友。但學校各施各法，有「谷」有「氹」，有學校學生底子好可以教多D，有D只能慢慢來，父母可以不滿學校做得不夠好或不適合小朋友，但不用懷疑他們的誠意。

始終，孩子是自己的，付出最多的若然不是父母，你教我應該是誰？

jojo127

回復 JustAParent 的帖子

good comment,can't agree more!

Old_pama

教導子女責任真是千斤重，比我自己任何事都重要，只是希望她們有愉快的一生。 所以我時常與她們分享我的感覺，是否成材一半看自己，一半看命運。 這已令我短壽十年以上了!

ohnono

總之又係保良八三總理的翻版。

abcd0001

記得前人有一句深得我心...像是蘇軾的(錯了請諒)

但願生兒愚且魯
無災無難到公卿

祝大家好運

abcd0001

原文如下

「洗兒詩」  蘇東坡

人皆養子望聰明，

我被聰明誤一生。

但願生兒愚且魯，

無災無難到公卿。

JustAParent

abcd0001 發表於 12-6-15 21:50
原文如下

「洗兒詩」  蘇東坡

哈哈，愚且魯還望做大官 ? 蘇東坡發洩下，你咪當真。而且香港的官位都被更愚更魯的佔了, 沒你孩子的份。

我做人唔貪心，只望，

「 人皆望子入名校，

   愧我孩子遊魂多，

   但願小兒早開竅，

   無風無浪上初中。 」

catcatmom

回復 qq123 的帖子

家長情況同我個大小朋友類似, 大仔細個時後, 我要返工, 個仔讀書自動波, 從來不用我擔心, 從不用跟佢備課,默書係自己讀,自己默. 到程分成績都唔錯, 到頂級直資名校都有IN, 而鄰居九龍塘私小十名, 運面試都無機會, 最後入了一間地區BAND1中學, 入了最TOP果班, 但因小學階段係佢係自動波, 所以佢唔想父母幫. 見到佢好吃力, 讀得辛苦, 想幫吓佢, 佢都唔想比我地插手.

好啦! 到我細小朋友, 完全不是自動波, 想堂不專心, 經常比老師投訴. 默書測驗要跟到足, 跟少D, 都唔掂.
真係可以甘講, 一樣奶養百樣"B".   

20091

回復 JustAParent 的帖子

始終，孩子是自己的，付出最多的若然不是父母，你教我應該是誰？

orangebb

回復 JustAParent 的帖子

始終，孩子是自己的，付出最多的若然不是父母，你教我應該是誰？

非常認同 !

老實講, 老師一個對幾十人, 除咗備課教書改卷, 平日仲有一大堆行政工作, 家長等...........我自己都唔會懷疑老師們的教學熱誠, 始終做老師呢類工作, 真係要有使命感架, 唔係真係好難捱架 !  

sowasabe

orangebb 發表於 12-6-17 15:34
回復 JustAParent 的帖子

始終，孩子是自己的，付出最多的若然不是父母，你教我應該是誰？

每一個孩子都是不同的,也因為生長在不同的家庭,背景而培養出不同品德性格的孩子.太復雜了不可能一種態度一種方法用在每個孩子身上.同父母生的孩子都可以外貌,性格不同.總之父母最應該盡力去教,品德重於成績.

至於老師都是凡人一個, 當中有好有不好,有熱誠既,有為口既,我相信每間學校都有,只是比率是多少而己.有些老師收到乖既學生自然會有心機有熱誠去教,有些好老師對住成班壞學生如何有心都無用啦.
名校收到的學生首要成績+操行好,正常去到中學中意讀書既機率相對也高些吧.自然帶動老師有心教啦.
所以,大多家長追求名校也是有此因由吧.

cccccl

最近為孩子請了一位屋邨津貼Band1學校畢業生補習英文，他說多得學校老師用心教，即使他從未外出補習過，他會考英文取得5*，他同班同學過半數取得5或以上佳績。這就是我心中在學術上真心教好學生的中學(或說老師)，能令屋邨孩子也取得優異成績。
至於名校老師不知付出有幾多？差不多個個孩子也外出補習，考得佳績能歸功於誰？

ABC-DAD

我小時候，老師是很受人尊重的，現在好像是生產線的科長，到底能生產多少A，才是有價值的人。學生因自己的取向找"外判"加工，就是老師對自己的專業不負責任，好奇怪的論調。

JustAParent

JustAParent 發表於 12-6-16 22:51
哈哈，愚且魯還望做大官 ? 蘇東坡發洩下，你咪當真。而且香港的官位都被更愚更魯的佔了, 沒你孩子的份。
abcd0001 是愚是魯?你説  我不是他们一份子
看到網上有人解説 大家細讀 http://www.wretch.cc/blog/altimit/23643870
無驚無險又到5点...易嗎? 發表於 昨天 19:49abcd0001 蘇東坡不是發洩下，你咪當笑料!  那是大智慧  
香港的官位都被更愚更魯的佔了?
他們多是30年前真正名校出身而且大學畢業...  精英制中的精英.!  發表於 昨天 19:40
...

好好，不要拿東坡居士開玩笑。 正經說一說「洗兒詩」， 欣賞一下中國文學, 古人大智慧。

蘇軾被貶官，「洗兒詩」是其四子蘇遁出生時寫的。 寫「洗兒詩」之前一年，已寫下另一傳世名作「定風波」。

莫聽穿林打葉聲，何妨吟嘯且徐行。
竹杖芒鞋輕勝馬，誰怕？一簑烟雨任平生。
料峭春風吹酒醒，微冷。山頭斜照卻相迎。
回首向來蕭瑟處，歸去。也無風雨也無晴。

蘇軾一生遭遇挫折困苦，差點死在獄中，但仍「誰怕？一簑烟雨任平生。」「回首向來蕭瑟處，歸去。也無風雨也無晴。」心境是何等平靜， 何等豁達脫俗，超然物外，怎可能是嚮往「無驚無險又到五點」的心態。四子取名遁, 此字何解?「期望孩子聰明的很平凡，熟讀四書五經，可以高中科舉，懂得同流合污，大隱於市 」? 不會吧。尊重古人，不要屈先人機 !

「洗兒詩」明顯不是講孩子的，當然「但願生兒愚且魯，無災無難到公卿」 也不是發洩，是嘲諷 --- 公卿的愚且魯。可惜，蘇遁學不到父親的脫俗，未到一歲...死了。

香港的高官是否精英，不是看他們讀名校不名校，有無讀大學的，任何事都拿名校大學來量，正是我們思考的盲點。香港高官是精英制中的精英 ? 還是愚且魯的公卿 ? 你出街問問市民好了。

我無蘇軾脫俗，孩子可否「無災無難到公卿」現在不多想，當下之急仍是「無風無浪上初中」。

Yanamami

老師盡心與否, 問用家最好了.  又不是家長在上課, 在這裏問家長有何用?  我問女: 中學老師可好?  初開學時已說, 比小學的更好. 到現在快升班了, 又突然說: 其實某某老師也很好(之前complain過她點點點), 總括個個都好(女已不是讀精英班了), 好俾心機講解, 唔掂又自動同你補課. 做媽的, 听了很安心.  高form的師姊mama說要出去補, 是因為班內個個勁人猛料, 不補不成, 卻沒說過老師不成啊~~~