大家認為小一生應該揀普通話定係廣東話教中文？

kikiboy

另外, 你哋覺得廣東話還重要嗎?
我發覺我小朋友有d字唔識讀廣東話(都有其家長有同感),  當然在其他科目或日常生活中都能學到廣東話, 學校學字主要在中文堂, 但普通話班已經冇人再教佢哋廣東話讀音了. 有時我覺得好矛盾, 今年的中學文憑試, 當日我聽了錄音是廣東話的, 到了他們這一代會改為普通話嗎?

莎莎莉莉

有得揀, 我揀廣東話.
因為, 我希望個仔可以享受學中文的樂趣.
中文, 應該係講求對文章的感應, 有感受, 有深入思考,
繼續寫作, 表達自己的思想與感情.
無野好得過用自己的母語.

要改善中文,不二之法係多閱讀.
普唔普通話, 不重要.
要講好普通話, 迫佢聽多D, 睇多D電視, 就OK 了.
我自己都係咁.
到大D, 習慣左用普通話讀自己睇既野, 自然就可以tune到用普通話思考.
係一個自然的過程.
但, 起碼係, 我由過去學會左熱愛文字, 愛看書先囉.

莎莎莉莉

我睇過一間小學用廣東話上中文, 真係好活潑, 有多互動同師生交流
我都希望小朋友係咁樣上中文, 而唔係老師只會開住隻電子課本, 係度播課文朗讀, 全堂學生就係度讀讀讀讀讀....

SnowWhite.hebe

我絕對贊成P1起中文用普通話教授, 因為我女學校係咁, 雖然最初起步學拚音都幾辛苦, 但一學識咗,上口好快, 簡直係超乎我想像, 現在P2已經講得一口流利普通話, 佢自己都好有滿足感, 係好事嚟架. Keep going!

JustAParent

我孩子小學都用普教中，中學也申請入國語班。選擇普通話上中文課，純實用主義考慮，算向現實妥協了。其實，廣州話保留了大量中古音和不少古漢語語法，以之學唐宋詩詞，基本平仄無誤；讀元朝以前文章，也有一定優勢。但自己孩子對中文沒有多大興趣，只好退而求其次，學好普通話或國話，至少去台灣旅行可以自己去買個漢堡包

chanwendy

我都覺得學普通話同學好中文係幾碼子的事, 講真普通話有幾難學啫, 但中文係另一回事.  所以我為亞女選小一時, 就願要廣東話教中文的, 都唔選有一班全英文班但普教中的小學.

Charlotte_mom

我都覺得, 廣東話/普通話教, 同學好中文, 根本就兩樣野
好簡單, 小2已經學擬人法, 小5,6學晒排比對偶擬人擬物, 各樣成語點寫議論文, 同用咩話教, 有咩關係?
反而選材好影響, 本地一d"作家"文筆有幾"好", 唔駛多講了(唔好一竹篙打一船人, 我講一d), 事實上內地人寫既文章真係比較優美, 如果教中文唔好咁"攻利", 而去選擇一d質數好既文章, 對小朋友長遠都有好既影響

如果有家長覺得小朋友聽廣東話一定比普通話好, 我又分享下: 我校有位老師, 係北京藝術學院畢業的, 之前一直想教視藝, 但只有中文老師空缺, 所以幾年黎佢一直都係用普通話教中文, 幾年後視藝老師有空缺了, 中文老師去教, 佢轉用廣東話, 大家都唔慣, 後來有家長提出, 既然佢一向講普通話, 學生又一直聽普通話, 點解老師唔直接用普通話教視藝? 其他家長都一致讚成, 校方亦讚成, 於是呢位老師而家係用普通話教視藝 <--當學生聽/講普通話對佢地根本唔係障礙既時候, 用咩話教咩科目, 唔會係問題, 我女咪又返黎講畢加索d畫有咩特色! (佢唔講我都唔知原來畢加索既畫, 半個面係正面, 半個面係側面, 下次大家留意下) 無聽唔明架wor

HaYi

JustAParent 發表於 12-6-7 10:27
我孩子小學都用普教中，中學也申請入國語班。選擇普通話上中文課，純實用主義考慮，算向現實妥協了。其實， ...

我自已亦是傾向普教中, 小朋友現幼稚園是普教中, 小學亦會.  

如你的意見, 我覺得普教中在某程度上是同大中華接軌, 如果小朋友有日寫文章, 尤其是應用文, 內有好多廣東話, 我相信無論多古雅, 去一些非廣東話地區亦不能令大部份人認同, 語言的功能好似達不夠.  

反而如果想學古雅的廣東話, 可能要靠大時他自己去進修中文專業啦. 好像學拉丁文一樣, 非人人需要.

jaycee_mami

我自己小朋友就快揀小學, 是否普教中, 是我其中一個大concern.

我贊成以母語 (廣東話) 教中文, 因為我小朋友專注力一般, 你用母語教中文, 游魂極都聽到幾成, 而且容易投入, 易D發問; 但普通話教你要豎起耳仔仔細聽, 稍一不專心就飛左去外太空去.  再加上回到家, 我可以再幫佢溫習, 用普通話的話我就無能為力了.  對我來說, 最緊要是小朋友上堂時專心和投入, 佢投入到自然什麼事都容易辦.

我唔擔心小朋友長大後唔識普通話, 因為粵教中不代表學校無普通話學.  而且長大後, 我努力聽歌睇電視去學, 一樣可以學得好.  

Charlotte_mom

原帖由 jaycee_mami 於 12-06-07 發表
我自己小朋友就快揀小學, 是否普教中, 是我其中一個大concern.

我贊成以母語 (廣東話) 教中文, 因為我小朋 ...

我仔真正係專注力失調+細個語言障礙，而家要食藥果種，咪一樣普教中學到lot lot聲，有時係家長過慮了！

kikiboy

我想問問廣東話還重要嗎?

qwe2132007

認同您的觀點。普通話不完全等於中文。母語是普通話的人也不一定中文好。

wu_winky

原帖由 preciousstone 於 12-06-05 發表
我自己小時候和我現在小一的女兒都是用普教中, 我覺得對學中文學普通話都有好處.  ...

我認同，我女小一都係普教中

nungma

普教中 !

wingogo

如果普通話個底5好
怕連語文do拖跨

mietwins

普通話

mokchingyin0910

我覺普小好，當小朋友習慣了普通話，她會常常說起普通話來，不理音準如何！她都能有條理說出來，我覺得少了廣東話，對他們作文有幫助

靚靚C9

maywon 發表於 12-6-6 17:19
我一定選普通話教，小朋友吸收快，不用擔心唔識教，亦無需在家用普通話溝通，隨時她教返你呀！！ ...

AGREED

kikiboy

kikiboy 發表於 12-6-7 20:36

我想問問廣東話還重要嗎?

點評
chanwendy  咁你自己覺得呢?  發表於 17 小時前

我喺前講過, 我覺得好矛盾, 中學文憑試聆聽係廣東話的, 所以睇有冇其他人的意見.

manman0808

其實當年教局要大部分中學轉為中中，跟住又有咁多小學用普通話教學，香港已不斷的大陸化了！悲哀！