ADD小朋友, 有冇媽媽試過靠食療和supplement控制?

elmostoney

我食呢隻ADDed Attention因為冇B12, 所以要另外買.  醫生叫我食B12一定要放舌底, 可能因為咁, 所以呢隻ADDed Attention冇卦.

1.  Added Attention 每朝一湯匙
2.  B12 - 100 mcg
3.  鎂(magnesium) 250~500mg, calcium就一半左右, e.g.200mg magnesium配100mg calcium, 要有calcium鎂就容易吸收.  呢條我發覺唔易搵, 多數都係calcium多過鎂.
4.  鋅(zinc), 我個女可以食50mg, 要配vit C食, 但我比30mg.
5.  魚油 - 醫生開左隻nordic Pro DHA, 一粒DHA 450mg/EPA90mg, 佢叫我個女可以分兩次食, 每次兩粒, 不過我就只比佢食一次, 一次食哂兩粒.

如果係睇daily value, 可能好似好多, 但係一來落左胃, 好多會排出來, 吸收唔到.  醫生話除非直接打針, 咁就會吸收哂.  

另外, 因為我個女好容易傷風流鼻水, 同缺鋅可能有關, 所以醫生開大d劑量. 我建議大家要睇左醫生先食, 唔好跟我, 畢竟每個人情況都唔同.

myson727

elmostoney 發表於 12-6-7 17:48
我而家亦有比消化酵素比我個女食, 因為佢不嬲大大唔暢通, 我懷疑亦有機會引至佢ADD.  所有人身體都有酵素,  ...

我睇過本關於"生物療法"的書,好多兒童發展上的問題, .., ADD, 都因消化系統出現

Ivy.cheung

elmostoney 發表於 12-6-7 17:48
我而家亦有比消化酵素比我個女食, 因為佢不嬲大大唔暢通, 我懷疑亦有機會引至佢ADD.  所有人身體都有酵素,  ...

唔好意思, 想確應一吓, 係咪有個小朋友, 背境有好多生果 $21.40果款 ? 可以點買 ? 唔該晒 ~

elmostoney

http://www.iherb.com/Buried-Trea ... 6-fl-oz-473-ml/5657

Ivy.cheung

elmostoney 發表於 12-6-9 08:12
http://www.iherb.com/Buried-Treasure-Added-Attention-16-fl-oz-473-ml/5657

剛購買了, 謝謝你 ~

elmostoney

大家買之餘, 希望留意下小朋友反應, 不竟每人情況唔同, 我唔係醫生, 只係提出我個女嘅例子.  好似我個仔咁, 佢冇物野, 我都冇比佢食.

myson727

原帖由 myson727 於 12-06-07 發表
我睇過本關於"生物療法"的書,好多兒童發展上的問題, .., ADD, 都因消化系統出現 ...

所以醫好及保持腸胃健康好重要,例如減低腸胃的work load,所以有GFCF,如果腸驗倒惡菌，惡菌會引起腸炎，使腸吸收功能受損,好多正常的營養吸收不足,惡菌也會排出毒素,影響大腦

elmostoney

非常同意myson727所言, 唔講係咪ADD, 就算為身體健康都要攪好消化系統, 我女兒就係呢方面唔好, 最高記錄試過去旅行時十日去唔到, 返來就發燒! probiotics我又試過,仲要四五隻牌子, 都冇物用. 而家食酵素好好多, 佢差唔多每日都有得去, 每次都唔洗坐咁耐.

要知身體係會不停咁吸收大腸d水份, 如果宿便係裏邊, 就即係吸毒水直接入血管, 全身(包括個腦)運行.  我都睇過一本書, 意思基本上係話腸道暢通, 就會少病小病. 所以各位重視小朋友係咪ADD之餘, 亦再留意此點.

elmostoney

至於我個女而家食緊個隻, 暫時我發現對佢睡眠有d影響, 佢太alert!,瞓少左, 所以我打算將劑量調低試下.

至於學校方面, 以前成個月先得兩三日係老師覺得ok, 而家係成個星期都好好, 我屋企個普通話老師話阿女歷史性地以極快速度寫完字, 仲要係寫得幾齊整, 唔係好似以前狂風掃落葉. 以前某段時間最多做兩樣野, 而家可以做完四樣. 時間見洗好多, 大家都舒服d.  以前我唔知佢有問題, 仲成日以為佢懶, 原來佢係控制唔到自己.而家真係一個正常嘅小朋友.

elmostoney

我冇每樣分開試 都係同時食. 不過最初係食 added attention先, 已經好見效.  最好大家上網查下每樣效用, 用supplement都要理解背後原因, 唔好亂咁食, 而且都要睇小朋友身體狀況, 最好consult下呢方面嘅醫生, 一般西醫係唔識睇架.

ktv

請問維他命B12是液體狀嗎？是哪一隻？可否把相片及資料的link post上來？每日100 還是1000mcg? 含在舌底讓他慢慢溶嗎？空肚吃好些？

Added attention 和   B12 在香港有得賣嗎？邊到？我見有網站賣得更便宜，Added attention $16.55美金。www.evitamins.com。這網站應該ok吧？

吃了多久見效果？謝謝回答。

elmostoney

我買液體狀, 但醫生冇話一定要.  每日食100~200mcg, but again, 我係帶左個女去比佢睇左之後, 醫生建議份量, 每人不同.  我冇問空肚定點, 總之朝早一次食哂.

added attention我唔知香港有冇, 我一直都係美國訂屋企所有vitamins, 一來選擇多d, 二來平d.  B12有機會香港有, but as i said, 我都係一次過訂.  evitamins我未聽過, 或者都會睇睇, 最重要係運費同時間, iherb運費又快又平.  

我個女食added attention, 3日見功.  我買隻b12 liquid, 唔係醫生介紹嘅牌子.

http://www.iherb.com/InterPlexus ... 6-fl-oz-17-ml/31266

elmostoney

呢條thread, 如果關於食物vitamins同用量, 我唔再post啦, 因為都寫得好清楚.  最緊要係所有野都係以我個女為准 (年齡, 體重, ADD嚴重性), 我係一邊睇醫生, 一邊食, 唔係自己隨便執比佢, 所以鎂, 魚油, zinc, B12都係睇左醫生後先得出呢個用量, 每個小朋友未必盡同.  大家可以參考, 但我仍係個句, 我唔係醫生, 所以唔想係到作出物野指引咁, 只係希望分享下我個女嘅例子, 大家可以考慮用唔同方法, 唔洗一定靠食藥.

scheong

我係囝囝未夠五歲去做評估，都話佢有ADD的特徵但未算係，要我地觀察同改善生活習慣同常規，一年後今曰情況越嚴重，短期記憶超差，呢頭寫完呢個字，下一秒全無印象，老師的評語都話上堂得
Minimal engagement. 正想搵OT training，見到呢個post，好想睇你呢個醫生，我囝囝依家仲有飲 Formular milk，大便算正常，可唔可以請你pm我你位生物療法醫生資料我，萬分感激！

elmostoney

scheong, 你個仔聽落同我個女一樣.

scheong

Elmostoney， 多謝你介紹個website可上網訂維他命，我之前新年去美國玩，順便去大型藥店買brain development 啲supplements 俾囝囝，食咗半年都冇效，我一定會試你嗰隻！

我囝囝讀英基幼稚園，k2時上phonics 班個外籍老師多次提醒我話佢需要OT training，嗰班一共有四個小朋友，全部都係英基，其他同學都get 到，唯獨我囝教極都唔識，老師唯有重覆問囝，結果引發佢反抗情緒同哭。由於我囝當時唔識講中文，我就帶佢去搵英文人做的評估，phonics 老師好好，幫我寫一封信詳細講我囝的問題，結果評估報告話有特徵但不確定，要觀察同訂常規加獎勵表。到升year1,一開學就同班主任講佢的問題，班主任係紐西蘭人，初初我有啲抗拒，但朋友話澳紐啲老師，special needs 喺必修的學科，所以試試要求老師叫我囝坐前面，我知道老師上堂都經常問囝問題，等佢留心！由於學校用繁體教中文，阿囝被編到中文母語班，功課對佢來說有啲深，如要寫（樹，菜，雞蛋，狗，etc)，當佢的功課量開始多，就發現更多問題，啱啱睇到老師的term report，雖然話有進步，但我知上咗year 2呢個評估就一定好唔掂，現在趁暑假同佢急救一下。

謝謝你提供好多有用的資料！

elmostoney

我個女未到你個囝囝咁嚴重.  phonics算掌握到, 同佢讀中文我就知衰, 未寫極都唔記得 (不論中英).  不過老師都係話佢神遊太虛.  評估我搵過本地人做, 又有外國人做, 都唔及老師咁準.  OT我都做過兩個, 冇物用.  

你去iherb訂, 做左VIP買野有discount, 大概可抵運費.  我有coupon code, 第一次買野可慳US$5, 不過我冇post出來, 唔想人地以為我搵著數sell野.  我上呢個網睇d用家review, 再自己search下, 得出個大概, 再問醫生.  我個女呢輪好好呀, 老師話日日都掂.  不過我都減隻added attention份量, 佢食完瞓少左, 太精神, 但其實唔夠瞓, 我慢慢調節中, 又唔想影響佢返學.

我個女勉強跟到學校進度, 不過回想返以前幫唔到佢, 真係浪費左好多時間.  暑假我都打算同佢執一執, 等佢程度提升d, 信心都大d.

scheong

其實我知你已經做得好好，跟得囝囝囡囡好貼，又了解佢哋的能力，仲經常分享你的經驗。初初我都有諗我會唔會擔誤阿囝發展，但諗深一層，儘管一切已經有一套完整的計劃，但有時情況要去到嗰個位，我地先知到佢地的發展同問題，如同摸石過河！媽咪呢份工唔易做！幸好我囝同你囡讀國際學校，可以有時間同空間俾佢地慢慢成長同改善，老師都係用鼓勵的形式教導佢地，做到就俾佢上高一個層次，唔得就俾時間佢發展其他方面。我唔敢想像如果我個仔讀本地，佢會點？另外我唔明，我囝讀英文書可以讀一些深的字，佢認字ok，但係要佢串就好唔掂，唔知係唔喺，唔同部分的腦做唔同工作！

elmostoney

scheong, 我個女同你個仔真係太似啦.  佢讀書ok, 串字唔得, 就算好簡單嘅字, 如HAD, 重覆又重覆都會串成hed.  曾經諗過比佢去補英文串子, 但發覺坊間的補習班, 都係cater比本地學校, 串字串d好深,而唔係combine埋phonics嘅原理為主, 同 is 唔係幾對路.  最後我搵左d外國串字workbook, 好正.  fit 哂 is 要求, 由能做到由深入淺.

我今日去見老師, 我估唔到我個女之前連PE都唔掂, 我見佢一路都好鍾意pe, 以為呢樣唔洗點用腦, 點都ok, 原來佢發夢到冇聽instructions! 老師話呢兩三個星期, 佢簡直唔同哂, 各方面都好專注, 肯做肯聽.