ADD小朋友, 有冇媽媽試過靠食療和supplement控制?

elmostoney

有冇人對feingold diet有經驗, 又或以某些草本精華及supplement為本 (如brahmi, gingko, 魚油 (epa+dha 一天合共500mg)等).  女兒暫被定為有mild ADD, 最大影響係上課完全聽唔到老師講物, 又成日唔記得好多野, 我帶左佢去做一次感統治療, 以後會定期一週一次, 想試下配合diet & supplement, 唔想咁快諗食藥.  有冇人可以分享?

myson727

試下戒牛奶及小麥，即GFCF。
supplement方面 (視乎情況，我仔食緊以下supplement:)
- 如果腸道有惡菌，可食殺菌藥及補充益新菌。
- 魚油 、亞麻子油補充奧米加3 & 6
- 維他命:B12、B6
- 礦物質: 鎂
- ....

小倩

myson727 發表於 12-5-3 12:51
試下戒牛奶及小麥，即GFCF。
supplement方面 (視乎情況，我仔食緊以下supplement:)
- 如果腸道有惡菌，可食 ...

阿仔最like麵包牛奶

myson727

回復 小倩 的帖子

我仔都好喜歡食麵包，之前仲每日飲盒牛奶，喜歡食麵、意大利粉。

後期驗屎，才知有腸痰(即腸內膜免疫力指數Secretory IgA 超高)，所以要戒。
原因如下:
"進食含穀膠蛋白 (包括小麥、大麥、黑麥、燕麥) 及含酪蛋白(牛奶) 的食物後，不能代謝及消化此兩種蛋白質，從而產生麥醇溶蛋白 (gliadin)。當人體腸道菌落生態失衡，有害酵母便會伺機植根。酵母會分泌毒素，而這些毒素會在腸壁鑽小洞，導致「腸漏症候群」。先前不能被消化的殘餘蛋白質，形成鴉片縮氨酸 (opioid peptide) ，其性質好像嗎啡一樣經由小洞進入血管，最終傳送至腦部，影響荷爾蒙分泌及調節，導致失眠、專注力弱、過度活躍、躁狂、自殘行為等。這些殘餘物質好像毒品一樣，導致上癮，如身體缺乏這些物質便會出現像「吊癮」一樣的行為問題，因此，戒絕含穀膠、酪蛋白的食物初期，亦會出現一些負面反應 (dieoffs) ，這是無可避免的。嚴格控制穀膠及酪蛋白的攝取，會降低鴉片縮氨酸水平，..."


http://www.littlegiant.com.hk/common/fz-zb-detail.html#fz1

faye525

魚油真係唔係個個adhd小朋友岩食...

我個女食完魚油....仲衰過未睇醫生前...

一停左...一星期到變返好...

myson727

Supplyment都是藥，都唔可以靠估，幫我仔做生物療法的醫生，按我仔驗血、屎、尿等的報告，按他缺少的營養，開藥給他。

chansiub

You can try homeopathy.  I heard that the result is good on kids with behavioral issues.  I brought my kids to see homeopath when they are not feeling well.  But you have to be careful when picking homeopath. There are some bad one in the market.

HgI

回復 chansiub 的帖子

請問你睇緊邊位homeopathy醫師?  可否PM我?  Thanks!

elmostoney

i put my kids on homeopathic otc medicine only when they are sick (regular cold and flu).  Result seems to be quite well.  

I go to see IMI.  May be I should get her tested for food allergy as well.  

Myson727,  where did you get your son tested?

至於牛奶, 我幾年前已幫兩個戒左, 因為我知唔好, 不過就唔會戒得好清, 有時食飯有芝士牛油, 不過又唔係日日食, 我就由佢.  我都知gluten唔好, 曾試過自製gluten free 麵包, 但阿女唔食.  最近一年, 我開始買糙米pasta比佢, 帶返學校食就一定係會帶brown rice pasta, 係出街或有時有客人來食, 先會食返wheat pasta.

myson727

回復 elmostoney 的帖子

我是經幫我仔做"生物療法"醫生，寄D屎、尿、血去外國驗重金屬、食物敏感、腸道惡菌、新陳待謝系統、營養....。因每個test都有特定的樣本收集工具與方法。

戒牛奶及小麥，要100%，如腸道有惡菌，要食藥殺左D惡菌才有效果。

chansiub

Are you seeing the homeopath at IMI?

myson727

回復 elmostoney 的帖子

關於牛奶的問題，可睇睇以下條片

http://www.youtube.com/watch?v=7bt-8ZFDN-c

elmostoney

myson, 我有興趣做個test, 可否pm資料比我.  之前有人介紹我用 neurogistics.com, 但我未做過.  牛奶問題, 因我個細仔係lactose intolerant, 所以四年前得知後, 我都做左好多research, 如果小朋友飲奶係飲羊奶, yogurt極少食, cheese同牛油都係因為煮開野, 味餸有先會食d, 平時返學唔會特登整芝士麵包呢d.  都怪牛奶lobbiest太強大, 廣告同係外國政府勢力都好大, 所以大家先有誤解.  而家我自己都唔飲奶.  casien本身係至癌, 再加上牛有四個胃, 所以佢地嘅奶根本唔meant for人類飲用, 而且而家d牛太多激素, 牛奶本身都難免有, 絕非如廣告所言有益.

chansiub, i don't regularly go there.  dont' see the need.  

elmostoney

actually, 我學識左一樣野, 就係唔比小朋友打vaccine! 而家有research 初步顯示, add/adhd/autism同vaccine中水銀或其他作為preservative的chemical有關, 因為佢地會破壞D nerves, 咁對成長中小朋友影響會更大.  而過去二十多三十年, 小朋友要打的vaccine係要倍數增加.  我個女就係針針都打哂, 連肺鍊都打埋, 佢而家好大可能有add/adhd, 只係唔算好嚴重.  我個仔出世到而家打左兩針, 佢好地地, 物事都冇.

chansiub

Homeopath is effective in treating ADD/ADHD.  Why don't you give it a try?

smallfoothk

朋友的小朋友有少少,但佢冇食藥,佢知藥有副作用,佢改變小食習慣,少吃冇益小食,每日吃omega3鱼丸,生果味c片,小朋友鈣片,司各脫軟糖,即食紫菜....以上當小食及糖果,佢話都有幫助成績變好咗(以前不合格,現合格),勤力咗温習,....不妨一試,大要看医生

elmostoney

同大家分享一下我個女嘅進度.

早幾個月已睇左兒童心理學家, 佢話唔能夠百份百肯定阿女有ADD, 只能話一半一半, 要等多一年, 佢大d先能確定.  學校老師話佢教書30年, 好肯定阿女係ADD, 佢話如果再過一兩年都係而家咁, 就最好考慮食藥, 佢話叫到好多小朋友, 食左藥, 真係差好遠.  中間我都係睇過下therapist, 做d運動咁, 但冇物幫助.

作為阿媽嘅我, 食藥絕對係不在我個列表上. 於是我上網做左好多research, 睇下有物自然療法, 得出結論係:

ADD/ADHD小朋友而要大量維他命B雜, 其中最關鍵係B1, B6同B12, 另外鋅, 鎂都有幫助.  呢d全部都係幫助腦部同神經嘅.

兩星期前我訂左一隻維他命配方, 就係大劑量B雜加一d草藥, 網上評語用家媽媽話對ADD/ADHD小朋友有好大幫助, 同時我亦約左我地睇開個自然療法醫生.

我個女食左呢隻ADD/ADHD配方維他命後, 真係180度轉變, 性格當然唔會變, 但係專注力好左好多, 老師有一日直情係上午就call我, 特登我同我報喜.  因為我個女讀國際學校, 不嬲唔係幾鍾意讀中文, 我教佢都教都嘔血, 補習老師來, 佢夠膽賴皮, 話唔做就唔做, 大家都冇哂佢辦法. 曾經一段時間, 我懷疑係咪老師唔夠惡, 而家食左呢隻配方, 無論係我平時自己教, 定係老師來上堂, 佢態度都好左好多好多, 可以話正常到極. 讀書唔會拖拉, 寫字都肯, 而且明顯比以前寫得齊整左, 做野爽手左好多. 學校老師以前話一個月, 阿女得兩三日專心, 其他日子好似夢遊咁,而家連續性咁alert.

我個女平時有睇脊醫, 佢地都有讀nutrition, 亦都祟尚自然療法, 我比佢睇條配方, 佢話呢條配方好好, 仲問我攞埋名. 之後個日我去睇自然療法醫生, 今次剪左阿女d頭髮去險, 我又問佢, 佢都話呢條方好正. 我亦順帶問左佢食鋅, 鎂同魚油嘅分量. 唔講唔知, 如果係為腦部發育, 小朋友食嘅魚油, DHA劑量要比EPA高, 以我個女為例, 一日可以食1000~2000mg DHA.  食B12, 我買左支liquid, 佢話唔好直接吞落肚, 因為咁唔吸收, 要滴係舌底.

myson727

回復 elmostoney 的帖子

Hi elmostoney,

維他命B雜、B6、B12、鎂...supplement，我仔都食左1年幾，系幫我仔做"生物療法"個E生開比佢食，幫我仔驗尿後，發現尿中有很多"有機鹽"，"有機鹽"是食物消化後的營養，因身体的"新陳代謝"出現阻塞，"有機鹽"未能轉化成身體有用的營養而排出体外，引致身體得不到足夠營養，影響身體發展，特別系"腦"。

elmostoney

我而家亦有比消化酵素比我個女食, 因為佢不嬲大大唔暢通, 我懷疑亦有機會引至佢ADD.  所有人身體都有酵素, 好多原因(我唔係到細說, 大家可以上網查下), 缺乏足夠酵素, 食物不能完全消化同吸收, 身體得唔到足夠養份之餘, 宿便等於慢性中毒, 我個女試過食probiotics都冇物用, 反而而家食左酵素好左 (大大方面).

如果大家有興趣買我個女食緊條方, 可上www.iherb.com,  search "added attention", 彈出來第一隻產品就係.  我又唔係做廣告, 所以唔怕係到公開.

大家唔好灰心, 我曾經都發癲咁滯, 我已經好運, 阿女讀國際學校, 壓力冇咁大.  其實佢未夠五歲, 當時我已開始帶佢去心理醫生, 曾懷疑過佢係dyslexic, 跟住又懷疑佢係感統, therapy又做過, 錢同時間都花左唔少, 就係冇結果, 但係我知道有野唔對路, 又講唔出係物 (因為我有個細仔, 一拍埋就睇到好唔同).

我覺得而家食維他命同補充劑只係開始, 我等緊驗頭髮結果, 再睇下下一步係點, 但暫時睇來, 佢情況算受控左先, 咁都冇咁心煩.