囝囝五年級考得不好！！

etK@n

請提點下我，囝囝五年級考得不好，中B英C數B常B音B視B操行B+，應該是BAND2；而六年級第一次就好些，中B英B數A常B音B視B操行B+，全級20/127。依家第一輪找自行兩間都唔知點選，如果第一間沙蘇，第二間林漢光，唔知會唔會太高攀？(想選基督教學校或無宗教的學校)

khmama

回復 etK@n 的帖子

兩次呈分試計埋係band幾?

etK@n

老師無講係band幾呀！叫囝囝要在六年級第二次的考試保持狀態，就無問題了。我估五年級係band2頭，六年級第一次試成績係band1中。

khmama

既然係咁, 你選兩間band1應該都唔會錯, 但林漢光抽獎放第3都入到, 自行可以報一間再好少少都得. 如果你冇信心第三次呈分keep到band1成績, 咁自行報林漢光應該可以唔使大抽獎.

etK@n

你認為沙田蘇浙公學好唔好？看排名是在林漢光之上。

khmama

沙蘇可以考慮.

rexmami

想請問一些中學在自行收生時會唔會都睇小學ge banding ga? 雖然小學是沒有banding 之分，但如果是地區名校會唔會有分加呢?

etK@n

好多謝你的分享。我想知多一些有關沙崇的情況，佢地係唔係只收band1頭的尖子。係唔係好難入？

khmama

回復 rexmami 的帖子

小學冇banding既, 但有o的學校會特別喜歡收某些小學既學生, 因為o的師兄師姐做得好, 你可以留意自己小學升中入邊幾間特別多, 搏o個幾間可能就會較易入.

khmama

回復 etK@n 的帖子

好多band1中會選沙崇, 競爭都幾大.

etK@n

哦！今晚真開心，囝囝都一齊來認識khmama，還一齊討論他對中學的看法。看來按起初的選擇都不錯，囝囝話會努力架。真的好多謝你，你好好人啊！

rexmami

Thank you! Khmama.

請問你認識官塘福建中學嗎? 有甚麼評價?

khmama

回復 etK@n 的帖子

你囝囝咁識諗, auntie khmama都要比個佢.

khmama

回復 rexmami 的帖子

官塘福中屬band1尾band2頭, 呢間唔錯架, 尤其是英文班成績更好.

rexmami

Thanks. 另外本人有個問題想問, 一些小學考試是給分數的(在成績表上), 一些則是用letter grade (A/B/C) 來表示, 用letter grade 的準則是甚麼? 幾多分以上是A, 幾多是B...... 知道有些是拉 curve 的, 不知khmama有何見解?

Wish you a joyful New Year of 2012!

khmama

回復 rexmami 的帖子

happy new year! 間間學校既grade會唔同, 阿女以前小學90分或以上係A, 75分至89分係B. 有o的學校85分或以上已經係A, 所以冇咩參考價值. 但係對一o的要求科科A叩門先派表既學校, 85分當係A就會著數o的. 不過自行學校會睇全港次第, 成績表既grade唔係好大影響.

rexmami

唔知教統局係點樣統一計算學生嘅排名及分banding 呢？校長話學校都唔知喎.

khmama

回復 rexmami 的帖子

都幾複雜, 簡單講就係以2008年 同2010年既中一編班試既分數, 將呈分試成績標準化, 然後先將本區學生呢個分數排高低, 頭1/3係band1, 次1/3係band2, 最後1/3係band3. 呢個banding就可以用o黎乙部抽獎. 如果將全港學生去排高低再分三份, 個banding就用o黎甲部抽獎.