仲係好似小學生咁!!! 點教?

csy_ma

仲想講既係講大話，老實講，我冇咩發現一個細路係完全唔會講大話既。而通常，講大話既頻率同駛唔駛承擔責任有關：如果講實話出大黎唔駛承擔責任既，佢地會稍為樂於講真話。所以，我通常會踢爆阿囡之後，針對佢點解要講大話，而對真相既責任歸屬問題就會略過。

唔下下追究責任，只聚焦如何解決問題，可能會減少之前既大話矯飾？

仲有，好明顯，妳阿囝唔覺得佢唔乖，或者有問題？我細個都係－－以前我成日都粗心大意，成日撞瘀唔在講，幫手攞野又會失手，試過成煲湯打返咗……當大人鬧我時，我只覺得意外既發生不過係自然既，唔係我可以阻止既，都覺得幾無辜……呢個係人既性格問題，都唔容易改善；到咗好大個，我仍然成日唔見銀包電話，好似換過五次以上身份證？？不過，我做野方面又幾ok，好多時都俾上司擺上台做人板去訓其他同事（當然，自己知自己事，我只做自己有興趣既工作，或者做之前設法說服自己果份工其實幾有趣），咁呢d係唔係十隻手指有長短？？

老公成日同我地講，佢到中四至開竅，之前放學做既事只係一樣：踢波，佢學校可以幾科唔及格都升到級既，之前佢全級考倒數廿名前後到（果個年代，父母忙於搵食，邊有家長指引？後來到中四，突然知驚，就收心，雖然都要重讀（佢母校好怪，專收本校成績唔好既學生，拒絕標青既外來生），最後都有機會考到大學。

所以話，父母最緊要保持溝通同對話，有參與佢既成長過程，咁就已經好好多？

我既成長過程，其實好自把自為，同老爸傾返，先知道兩個哥哥就算轉工都會搵佢商量，但係我無需佢援手既事通常只會通知佢地，包括結婚；但之前我真係唔覺自己唔尊重佢地喎，並認為，佢地係我一生中最重要既支柱，令我面對未知既恐怖如內地國安時，俾我最大既精神底蘊。呢個亦係我最希望自己可以俾到個囡既，令佢響多變既人生裡面，可以安然面對卒然臨之既起跌

Bluestar

回復 Teresa 的帖子

Teresa,

How long has he been behaving like this ?  4 - 5 yrs ?
If so, have you considered the possibility that he is, however subconsciously / consciously, seeking your attention ?  I mean 100% of yr attention vs only half of it now that he has to share you with little brother ?

Teresa

Bluestar 發表於 12-2-15 00:33
回復 Teresa 的帖子

Teresa,

自從小二開始就黎料喇! 佢小二mid term exam, 唔做卷, 就咁伏喺檯, 老師冇問佢係咪唔舒服, 只見返黎張卷係bare pass. 跟住擅改手冊, 唔抄/抄漏手冊等自己做小D, 唔交功課(就算做左都唔care係咪交左), 欠帶書(除非之前嗰晚睇實佢執書包), 當然仲有千千萬萬個大話(同老師講, 同社工講, 同我地講), 佢會呃到人, 因為佢好"誠懇"架, 講野10個叻. 比佢去演講, 佢好有自信. 不過永遠唔做preparation, 所以表現好反覆. 成日淨係諗計....

評估? 以前見過Clin. psy (真金白銀去搵private clin. psy), clin. psy反而話叫我同佢轉校, 話咁多功課乜乜乜, 講真, 佢小學真係唔算多功課, 佢只係拖拖拉拉攪到自己好似好多野做, clin. psy冇suggestion比我, 只覺得我地"要求高" (不過我都講過, 我冇比個仔喺外面學好多野, 只係學琴. 我都同個仔講, 我唔要求佢做top, 只要認真做好, 有average就得喇). 跟住clin. psy見我仔, 見完之後我仔反應好大, 佢係咁閙個clin. psy話佢好煩, 以後都唔想去見呢D人.....

花左幾千蚊, 仲要比人咁comment, 個仔又抗拒, 老公又潑我冷水..... 咁我可以點?

有時唔係唔想信個仔講既野, 但原來當我講: 好! 我信你. 你唔好呃我! 其實佢已然講左大話. 狼來了都試左無數次, 叫我點? 信左佢, 原來係比佢呃. 佢仲好多時惡人先告狀: 你憑咩話我講大話? 比D證據黎啦! (之後又閙爆發脾氣狂喊狂閙)... 咁又點? 到最後原來又係做戲, 真係講大話!

好痛心架! 唔係話佢而家, 係擔心將來, 佢會唔會周圍同人講大話, 呃朋友, 呃家人?

502

原帖由 Teresa 於 12-02-15 發表
自從小二開始就黎料喇! 佢小二mid term exam, 唔做卷, 就咁伏喺檯, 老師冇問佢係咪唔舒服, 只見返黎張卷係 ...

Teresa

睇到我都心實埋！

其實除了clinical psy 外，有沒有想過找類似family therapy 之類的幫助，因為看下去，你應該也會被他的問題壓誇！

Bluestar

回復 Teresa 的帖子

Teresa,

Any idea what triggered his behaviour ?  Did anything happen JUST BEFORE his P2 Mid-term ?
e.g. news that he will be having a sibling ?  That's exactly 5y ago woh.
Have you ever thought back to the time before and after that 1st mid-term when he started to behave like that ?

Lies to cover lies -
that's becos he feels pressure, and wanted to delay the agony, just like an ostrich.
Quite common among kids woh.

Always saing that other ppl are 煩
- also very common.  Mine is like that too.

csy_ma

回復 Teresa 的帖子

Teresa：

http://life.mingpao.com/cfm/ebook3.cfm?File=20120214/happy/happy.txt
明報呢期＂教得樂＂頁11-12上半版文章所載小朋友的問題，您看看跟您囝囝有沒有相似的地方？

好明顯，跟您既題目完全相反，您囝囝唔單止唔白痴幼稚，而且仲好聰明。佢小二既時候，考試伏響枱度咁耐老師都冇理，似乎老師都少做咗野？我懷疑佢當時係同老師角力，唔答題係示威？之後，規則破咗，就有少少似破窗效應咁，發現唔守規則原來都冇人奈佢何！咁就食得唔好嘥，繼續行使"特權"。

您可以留意下，佢唔做既功課，係唔係有唔同既科目分布？會唔會有d科目佢勤力d？有d科目佢就"善忘"d？科目分布會唔會每年不同？如果係會每年唔同既，佢可能係針對老師，如果每年都差唔多既，咁佢可能係興趣問題？（您話佢鍾意畫公仔，咁視藝功課係唔係交得最齊？）

我覺得佢同您行到呢步都好唔易－－仲可以保持唔錯既關係，而且您嫌佢既都係偏於小節既事－－例如執房咁，係您俾自由同責任佢（我阿囡都好懶，換完既衫次次要叫先放入洗衣籃，返學前係我呢個工人一號響衣架度拿出，仲要放埋手帕同紙巾入袋，書包同功課則由工人二號檢查……佢成日問點解日日都要沖涼至於佢間房，我而家都會由佢既書枱亂糟糟，但唔會好似您咁放手），呢個應該係您同佢都有努力維繫既。

看您既形容，囝囝似乎正在改善？我覺得方向很好，學校既老師似乎幫到忙，可以引導佢，咁咪好囉。我覺得您最重要仲係調節自己同身體好了，學業，要話俾佢聽係佢既責任，好壞係由佢自己控制既。加入童軍，亦係行啱了一步棋。我提議可俾佢試試玩話劇？因為您話佢口才好好，咁可能都有表演慾，話劇可以令佢響表演中得到自信，而且，以佢既聰明，假如有興趣既話，可能幾次已經將所有人既台辭都背晒，根本唔駛出乜力。

我囡學英文朗誦既學習中心，老闆娘個仔都有類似情況。佢仔極聰明，小學係級十名內，到咗中學，天資要加上努力，而佢唔肯，所以成績跌（跌出精英班），好彩佢似乎仲未敢破除功課規罩，有少少譜，但係響屋企鬧到翻天，鬧阿媽鬧到令人好傷心（佢口才好好，但命宮巨門入廟化忌，以口傷人既技巧似乎很好）。佢就好鍾意玩話劇，可惜玩吓吓，唔知點解人地唔受佢玩？佢之前中文唔及格，佢阿媽叫我幫吓佢，就組咗個班玩吓文言文遊戲。我每課都係有一至兩篇文言文，先係輪流讀，輪流譯，然後輪流答問題，佢好想贏（上課前每人要科款三十元，之後按分數比例分，佢通常都攞到第一或第二，分到五至六十元，佢話上一堂就賺到多過最低工資，所以上課時就好積極），所以好積極咁答咁估，但係從來就唔肯寫（佢默字看來極差，小學生也不如，我亦好少要求響堂上寫），課後亦從不帶走練習。結果，佢中文成績ok（佢果班得兩個人及格，佢係其中之一），但作文就死咗（我冇理到佢地既作文好耐）……

我覺得，您個囝同以上果位小朋友類似？都唔係冇學習動機，但係要幾活既教法至啱佢，一要佢辛苦去寫，已經走咗:;pppp:，但係寫之前要佢講，俾十分鐘準備就講出好多野，不過先決條件係有競賽氣氛，想贏先會肯投入，否則叫佢地齋寫，可能寫二百字就收工？我諗呢個其實係小朋友既天性？您個囝只不過係早就打破咗某d無形既規限，所以自由咗少少，我幫人義務上中文進補班，要佢地做功課就預咗好多都唔會交……您不如集中搵係您囝囝既興趣係咩野，搵樣野俾佢投入去學，學出自信同自尊，進而會要求自己其他都做好d好過？您可以同佢表示您既擔心，但係亦要話佢聽呢個係佢既責任，您尊重佢既選擇，不過假如佢邀請您同佢一齊參與佢既學習計劃既話，您好樂意提供協助（例如同佢搵個靚靚又溫柔既家教）。趁初中，試吓俾佢摸底既感覺（我覺得您對囝囝會有信心，覺得只要佢肯，以佢既資質係可以由低位反彈既）mg:" />？

lauerica

樓主可否改下個標題,其實小學生並唔係你所講既白痴同幼稚,
個個都係叻仔叻女。

Teresa

csy_ma 發表於 12-2-18 13:09
回復 Teresa 的帖子

Teresa：

csy_ma:

多謝你咁有心回覆我. 我想開條link, 不過係訂戶專區.

對住我個仔, 我既感覺係: 心痛+心淡!!!!!!!!!!!!!!!!!!!!!

上星期見家長講左3個幾鐘(老師/社工/discipline master). 我差唔多講多喊. 老師對佢既impression係: 對教左既野係嚴重水過鴨背, 教左佢野問返佢, 係零吸收!!!!!!!! 只係鐘意講大話(其實老師知道佢講, 只係唔拆穿), 功課提左好多次唔交, incomplete交. 社工話同佢傾過, 佢話佢知自己衰, 知道自己令父母心傷, 但又知道父母對佢好, 好鍚佢, 仲會教佢買野比佢, 對我地係"又愛又恨"..........

自從考完試, 佢話好唔開心, 知道自己考得勁差, 話會努力, 唔想留班... (下刪一大堆好岩聽既知衰說話). 班主任鼓勵佢要加把勁. 我問過佢有冇派考試卷, 其實我係想知學校出過D咩, 佢有咩唔識, 弱點係邊呢D問題. 呀仔話冇派卷. 我以為呢個係佢學校既做法, 冇質疑過.  點知尋晚好嬲時, 摷佢書包, 抽返哂一張張既爛紙出黎, 見返哂D考試卷. 見唔係問題, 佢考得差亦已經係事實, 其實我都唔會再追究. 但係一睇佢D卷, 唔係半張卷空白, 就係求其做, 跟本可以話好似人地一開學冇教過書就考試咁去答題.  我以為份卷好深, 但一睇, 絕對唔係, 佢有心去做, 一定唔止bare pass, 就連英文卷都比佢小六時淺, 亦比我搵比佢做既supplementary淺!!!

我好嬲, 一路喊一路閙, 問佢究竟有冇明白爸爸日日偷幾個鐘人釘人由零開始幫佢溫書(佢瞓左爸爸先做自己工作既野, 仲要做到兩三點先有得抖, 同佢踩行油2星期後仲病埋), 仲有佢話冇做冇交唔見左既作業worksheets, 我厚住面皮打人情牌contact佢D同學媽咪求佢地叫個仔send 返copy返D野比佢溫書? 但係我咁講, 佢都冇反應!!!! 佢究竟係咪舊木黎架?

明日又係quiz喇, 叫佢要溫書, 問佢老師有冇派過D咩worksheet比佢地讀, 佢一口話冇! 結果, 我又喺佢疊紙度搵到幾張worksheets, 其實係有野比佢地溫. 如果佢一早拎出黎, 佢可以唔洗浪費大半日去sort out textbook既content!!!!!!!!!!!!!!!!! 點解佢硬係要咁喎????!!!!

其實有冇D正面D既例子可以比我知道, 咁hea既初中生都可以有彎轉?

Teresa

502 發表於 12-2-15 12:32
Teresa

睇到我都心實埋！

我主動同學校講, 我真係好無助, 要佢地幫我refer去學校Edu. psy.

Hengying

你試試先放手，觀察他一段時間。不要再叨嘮他！

peaceandlove

板主最後改寫了標題，讓人感到很舒服

lauerica

多謝接受意見,真係舒服好多,Thanks

peaceandlove

別心痛，不用心淡
事情永遠不如想象中的差
只要找到問題核心
用正面有效方式面對
一定會有光明的轉機

chuntam

回復 Teresa 的帖子

我諗我家中果個以前「正」過你果個閒閒地十倍呢!小一一開學就黎料,hea爆上到小六,考試次次都走唔出尾五
去補習又一日到黑扮肚痛唔去,叫佢做功課又訓教
一味話盡晒力,事實係考試早放就打Online game打到夜晚訓教
居然夠膽話打跑Online學maths
一團糟咁hea完小學,升中就入Band 3中中
佢梗覺得冇臉啦!表哥表姐一個二個讀QES,LSC,MCS,SMCC,SHCC,再唔係就會考幾枝火箭……
D老友又入band1 英中……
咁啱又比佢響書店見到呂宇俊本《會考0分與神奇小子》,睇完簡直脫胎換骨,更主動要求補習
一晃眼她也是band1 英中學生了,而且成績中上呢
所以世事無絕對啊,我們要對孩子有信心,他們早晚會發奮的!

peaceandlove

回復 peaceandlove 的帖子

Teresa 衷心感謝您! 剛才同佢傾左一陣, 其實我地都有心平氣和既時間.

別客氣，經了解後知道你是位用心的媽咪，以我的經驗告訴我，這個case不如想象中的難搞。

csy_ma

BABA124 發表於 11-11-28 18:48


.

Hope I can share some of my view points here.  Parents should really learn to let the children grow by themselves.

I am teaching in a band 1 school and note many similar cases everyyear. The parents try to solve the problems for their sons, like applying tutorial classes for them, monitoring their homework, etc. It would only give them a misunderstanding that studying is not their responsibilities. You should know you can't feed them knowledge forever, they should learn to study themselves. Change his attitude and self management skills. It is much more important than giving him knowledge.

Many parents want to push them hard to have better academic results in primary schools, and applied too many interests class and turotial classes for them. However, learning attitude and self-management skills are the most important thing they have to learn in primary stage.

Try really talk to him/her to let them know they owns their lives and they can't relying on you always. Your responsiblity should come to an end when they have gone to secondary school

csy_ma

回復 Teresa 的帖子

Teresa：

不好意思，篇文係講一個慣性說謊既小孩，佢成日話自己漏帶功課，搞到周圍隔離既同學都覺得佢講大話。最後結果係：佢原來係資優兒，學校功課對佢黎講太淺，冇挑戰性。

我之前引既係呢個樓既回應，您可能都睇過？

想同您計下數：
您＋您老公既付出＞您地既期望＞您囝囝既學業表現

由您既文字，可看出
1.您地俾您囝既自由度相當大，例如，縱常說謊，但您地會尊重佢，不檢查佢書包，也希望相信佢
2.您地有針對佢既學業問題，幫佢溫書，以及盡量令佢交齊功課

結果……

睇返一路以黎既討論，我覺得Bulestar很厲害，佢既懷疑：囝囝想以學業問題引起您地既注意，搶回轉至細佬既目光－－有其合理性，而您地又咁捆綁咗多年

其實您既解決方法可能徘徊係：1.繼續落去，幫得幾多得幾多，塞得幾多得幾多，都知道咁樣唔可以令佢追得上，但唔通唔理佢咩；2.對佢失望，真係唔理佢

我提議第三種：呢個方法我未試過，只係以前響書度見過，就係：完全唔理佢學業既表現，話佢聽，呢個係佢既責任，佢開口提出既話，會應佢既要求商量，否則，當冇呢件事發生。對待佢如同正常一般，不過，留意佢既進步，無論響生活定係學業方面，有進步既就一定大讚，只係忽略佢其他唔好方面，並認為呢個係佢既責任。

實行呢個方法既係美國家庭，就算係咁，佢個方法都係幾創新。當然，既然寫得書，佢既方法最後自然係有效既。本書仲有提到其他，就係三文治溝通法：先讚佢做得好既地方，然後講不足，最後又提到佢已努力做好，點出佢有努力到既地方……本書我攞咗去囡囡既跳舞老師度，如您需要，我本周六試去找找，然後寄給您？

我覺得，對比起佢學業上既表現，佢經常說謊，同故意在考試上放棄以令雙親失望既行為，更值得重視。考試上既表現一定有因由，但似乎係幾潛伏既，不容易搵到答案？至於佢經常說謊，又禁不絕，最簡單既係滅掉說謊既動機－－佢唔想面對功課同測考，至同您地玩貓捉老鼠消耗戰，您地咪拒絕再玩，話俾聽，佢絕對有自由選擇自己對學業既態度……

咁做有咩代價，有，就係放棄咗佢呢個學年既學業，佢非常大機會留班。不過，您地就算好似以前咁出盡力、搞到自己身心都好大壓力咁幫佢，佢係唔係又可以逃脫留班既命運？既然佢答卷既能力都好似冇學過咁，咁您地仲有乜好輸呢？

講咗代價，講返咁做既"好處"。對您地係減壓，俾返個責任俾阿囝，您地要做既，唔係俾面色佢睇，同佢一樣可以有傾有講，不過講到學業，係佢既責任，佢唔想負，您地咪當睇唔到咯。咁，起碼有返個正常既家？不過，響之前就要同佢講數，仲要佢響暑假出黎做暑期工，話佢聽，佢唔想讀書，就要響法定年齡後出黎做野，暑假就體驗下讀唔到書出黎做野既生涯。響佢唔願意面對學業既日子，俾個期限佢，叫佢諗吓自己究竟想點？想做乜？對咩有興趣？有乜係好想做或者好想學既？您地可以商量吓，假如佢真係唔想咁讀書同測考，咪轉校囉。與其要好成績，不如您地要返個誠實、願意面對自己既囝囝？而家有D直資學校會有D職訓味道既，您地同阿囝一齊搵資料一齊商量，總好過而家強逼佢做＂正常＂既學生，忽視佢既獨特性？

成績差係唔係好可怕？我覺得唔係，肯盡力，不過係資質同智力年齡未到既問題，不過，您囝囝係態度或者價值觀有問題（可能係消極反抗您既精明？）？好明顯，佢唔認同學生讀書要盡力，不過，您都話佢肯做您額外加俾佢做既補充（呢樣野我囡就一定唔會受，雖然佢做功課算係幾認真），佢即係佢其實幾願意聽您地話，或者講，佢唔想同您地鬧得咁薑，但係佢以不斷講大話黎換取＂自由度＂。

我囡有個幼稚園同學（而家都係小六）有過好似您囝囝既經驗，不過程度輕好多：佢響某個長假後半部，有次瞓覺半夜走去搵阿爸，話好對唔住佢地，結果，佢爸媽氹吓氹吓，至知道件事係：個小朋友自上學期開始不斷少寫手冊欠交功課，累積咗好多份，不過佢爸媽係委托私人既補習姨姨睇佢功課既，察覺唔到，小朋友謊話同功課都愈積愈大，搞到果排都瞓得唔係好好，後來受唔住卒之漏出黎。不過佢爸媽都唔算好睇重學業既人，只係同佢清點積欠幾多，又負責同老師溝通，請老師寬限，再鼓勵佢逐小逐小還清功課債。

老實講，個小朋友本身好乖，好錫媽媽同細佬，溫柔又有同理心，佢媽媽好多時響言談之間都會讚佢（響佢屋企，小朋友們在玩，有可能聽到也有可能忽略了）。我都覺得小朋友唔曳，但係佢都會因為逃避一個謊話蓋一個謊話，最後可能係佢同屋企關係好好（佢好欣賞同錫媽咪），先忍唔住爆出黎……

您囝個case可能較以上既複雜，但係，出發點可能都係近似，最初只係唔想面對？不過您囝已經成為慣犯，就會一個謊話疊一個謊話，拖到最後（呢個可能係人之常情？您個囝可能將來都有機會競選特首）……您要斬纜既，應該唔係好似偵探咁對口供，而係直頭叫佢自己同自己獨腳戲，您地再唔想睇勒

學業唔得係呢世就冇好日子過？未至於吧？我以前有個老細，佢以前接受訪問時就話中學階段係逢二進一，第一年留級，第二年至有得升。結果佢都係考唔到香港既大學，要去台灣讀。後來佢卻做咗老細，屬下既公司響香港同美國都有上市，仲成日幾百萬幾百萬咁捐俾年年留佢級既母校，甚至捐過一億俾同母校同一機構既大學添。所以，父母最好都係首先聚焦響小朋友究竟諗乜？幫佢搵出佢自己究竟想點？因為咁，佢先至會有效率咁行出最啱佢既路。

照您既形容，您囝囝絕對唔笨，只要佢肯，追上已落後既成績應唔難，咁何不放手讓佢跌一跌？讓佢自己醒覺自己繼續落去會有乜後果？而而家既情況係，佢將佢既精力集中響點講大話，點樣拖得就拖，根本係一個慣性，自己都唔係好知自己做緊乜，唔好同佢玩落去勒，將佢既責任俾返佢，由佢跌到落底？

csy_ma

仲想補充：我中學果時都係極之唔重視學業既：會考前有同學搵埋我一齊去圖書館溫書，佢真係成日對住本書，我就睇小說，一般睇完三書左右就夠鐘走，有時會再借書返屋企睇，有時唔會；但老爸老媽就以為我日日去溫書……
我細個時係好反叛好令屋企頭痛既人，以上所講已屬小兒科，但我當時一D都唔覺自己有咩問題，只係都幾自豪我在乎既野同人地唔同，絕對唔想去做老師既犬儒……不過後來大咗，搵到自己鍾意既野讀，成績又幾OK。

我信命，小朋友響唔同階段（唔同既大運）唔同磁場有唔同反應，假如您地繼續落去都未改善到，可能就要試吓換另一個環境了……

Rainy

我是路過的... 雖然我小朋友還未到這階段, 但亦喜歡在這區逛.. 想知多一點.. 可以常常提醒自己..
看見teresa孩子的問題, 睇到心好酸, 想起我小時候.. 亦幻想我兒子將來是如何... 雖然幫不上什麼忙.. 希望teresa 不要放棄.. 我知道好難受.. 自己付出了這麼多, 換回來竟然是這樣... 別人未必可以完全了解你心入面的難過.. 但希望你都試下放開一下, 突然想起, 不如跟孩子去一下旅行, 不談學業, 不談負責, 讓大家回勾起一下童年時開心快樂的情形, 改善到親子關係後, 可能佢會明白你的感受, 然後就會好過來, 起碼不會做出一些傷害你的事情....

另外, csy ma, 我都信命, 想請教一下, 若果計算無誤, 看見前面有一大事必定發生, 可以點做?

csy_ma

回復 Rainy 的帖子

勇敢女尖子　當癌魔透明
死亡邊緣走兩回　不放棄牙醫夢2012年03月05日

【本報訊】會考前一年，腸癌突然來襲，且是末期；高考後，癌病復發。是英中尖子的譚淑婷，兩度從死亡邊緣走回來，於公開試取得優異成績，去年入讀香港大學牙醫學院。癌病令 20歲的她更堅強，對於身上的計時炸彈，她學會視作隱形，將精神和時間留給美好事物。癌魔令淑婷放棄醫生夢，但她希望用一對巧手治療牙患病人。　
蘋果日報記者：倪清江

東華三院設立 140周年獎學金，獎勵去年高考成績優異學生修讀大學。在 86個提名中選出 10人，每人獲二萬元。沙田官立中學畢業生譚淑婷（英文名 Tiffany）是其中一名得獎學生，她之前亦獲得建造商會「 09年教育資助基金」獎學金。
Tiffany是校內尖子， 08年初因強烈腹痛入院，「醫生話係腸癌末期，仲有擴散，冇原因㗎，係基因突變」。由於當時年紀小，除了被嚇一跳，就「只係想快啲好，快啲去玩」。醫生先切去有癌細胞的一段大腸，之後接受化療，正值 18芳華的 Tiffany頭髮脫光，當然笑不出。
Tiffany在該年停學，要於病榻中自修，同年 9月新學年，帶着剛康復的身體重返校園，升讀中五。翌年會考取得 3A3B，升讀中六。高考更獲 3A2B，大學夢不成問題，惟癌魔悄悄再來襲：醫生曾告訴她最快半年會復發， 2009、 2010年安然過去，但去年檢查發現腸癌復發，擴散至肺部，這次要試標靶治療。
大學聯招一如所願，獲派首志願港大牙醫學課程，而 Tiffany最初屬意醫科：「發病前心想做醫生，發病後也有一段時間確立自己志向。但高考之後，諗下自己嘅體力，及各方面承受壓力，擔心做唔做到醫生嘅標準呢？」經過一輪掙扎，她選讀牙醫，「兩科都係醫療，自己都幾適合」。但入讀後她才知，當牙醫對瘦弱嬌小的她很吃力：「所以我要操 fit自己，打羽毛球、壁球，練好手力。」

「有更好嘅嘢值得我注意」
復發過，又有擴散， Tiffany深諳癌魔難纏，「有時會諗真係好似有個計時炸彈，但一去玩嘅時候，就忘記佢嘅存在。雖然係唔可以完全忽視佢，但我唔會將佢放喺思想主要位置，我有更好嘅嘢值得我注意。」
信仰、興趣、學業都是 Tiffany心目中美好事物，「我有好多嘢想做，可能就係呢份意志令我捱過咗。」
會否覺得人生路特別崎嶇？「我嘅人生路係有唔同，有障礙，係一啲經歷。」沒把患病當成秘密，不時跟同學分享，希望激勵他們。 Tiffany一家四口居於沙田公屋，父母從事基層工作，妹妹讀中六，她會利用獎學金購買牙醫器材。

譚淑婷抗癌經歷

08年 3月
肚痛入院，檢查發現患上腸癌四期，手術切除 6cm腫瘤，並接受化療

08年 9月
如期升讀 F.5

09年 8月
會考放榜獲 3A3B，原校升讀 F.6

去年 4、 5月
腸癌復發擴散至肺部，接受標靶藥物治療

去年 6月底
高考放榜獲 3A2B，改以港大牙醫為第一志願

去年 11月
完成治療上大學

今年初
獲東華三院 140周年獎學金，本周六領獎

資料來源：譚淑婷提供

http://hk.apple.nextmedia.com/template/apple/art_main.php?iss_id=20120305&sec_id=4104&subsec_id=11867&art_id=16126447