要求全面取消小學派位世襲制及宗教計分制！

yinglongma

其實這個題目, 不時都會有人提出來討論, 又總會有人贊成, 及有人反對, 根本無可能有統一睇法.
http://forum.edu-kingdom.com/vie ... &extra=page%3D1

所謂取消所有計分制, 咁係咪要所有人純抽籤去入一些"名校"呢? 如果咁樣, 申請抽名校的人只會更多, 做不到分流的效果. 而且現行的大抽獎也分了區去抽, 分區抽又公不公平呢?

我認為現行的計分制只佔總學額的兩成, 大抽獎反而有五成, 學校只留兩成學額比所謂同信仰和舊生的去抽, 咁都要比其他無關係的人眼紅?! 那實在太過份了.

其實我覺得現行制度已平衡了各方的利益, 如果好不滿意這個方式, 咪不要參加這個遊戲LAW. 我都是所謂名校小學畢業, 但我最終放棄了自行, 因為我的母校與我的信仰不同, 加上我不喜歡本地教育制度, 所以選擇了IB 學制的, 所以我不是既得利益者, 我只從第三者的角度發表上述意見.

ANChan59

原帖由 chinaX 於 11-11-28 21:17 發表
大家想想來一個升小試如何；不分區、不分長子次女、不分宗教、沒有世襲、不分男女。一次性全港一齊考，考得好揀先。
再來學券，直資一起考一起使用。
入到小學大家不分你我，學生沒有banding，成績不用排名。
直至再考一次升中 ...

Better than purely lucky draw.

The best win......

dad1234

原帖由 chinaX 於 11-11-28 21:17 發表
大家想想來一個升小試如何；不分區、不分長子次女、不分宗教、沒有世襲、不分男女。一次性全港一齊考，考得好揀先。
再來學券，直資一起考一起使用。
入到小學大家不分你我，學生沒有banding，成績不用排名。
直至再考一次升中 ...

請問升小試考什麼?我想同我剛出世BB報補習班

icbb1230

絕對唔同意升小試，而家d小朋友同家長仲唔夠大壓力咩，想逼死人咩！而家有d學校講運氣都入到，亦有d直資和私校可憑實力去考入，就同你所謂嘅升小試差唔多。如果有升小試，對貧資源不足的家庭來說，一定是輸家，呢批小朋友咪仲冇機會接受到平而優嘅教育囉，咁咪仲唔公平！

我今年同阿女考小一，雖然已接近尾聲，差不多塵埃落定，但心仍有餘悸，都知道難度有幾高啦，無謂再搞咁多嘢嘞。

我是一個爸

原帖由 dad1234 於 11-11-28 21:47 發表

請問升小試考什麼?我想同我剛出世BB報補習班

中文考用文言文作五百字，
英文考listening,oral,composition,comprehension.
數學考到微積分咁啦。

yinglongma

如要變, 相信不是取消某些計分方法, 而是全面打破現行制度才能實行罷.

天馬行空的想法有三:

一, 參考特殊教育的分配方式, 將各區學校分為不同智能的學校(或其他能力也可), 所有學生入學前先由評估中心做智能評估, 由政府MATCH相同智能的學校. 這樣相信學校也容易集中教學生. 到時家長冇得揀, 不會令所有家長集中只報名校.

二, 全面行學券, 申請程序如現時的幼稚園一般. 但即靠面試表現, 這樣亦有許多家長感到不滿.

三, 強行將所有學校的課程, 教材, 課本, 教法, 制度, 上下課時間, 課外活動等各方面全面統一, 即變相使所有學校一模一樣, 不再出現名校不名校, 人人皆入讀最近住址的學校.

不過天馬行空完, 都覺得各方法均存著不少問題. 方法一, 最關鍵的是入學前的評估, 到時家長又會在此努力一番. 加上此方法背後的信念是學生天資與學校課程的相配, 但同時否定了教育的重要性, 教得好可提升學生的能力, 也過份高舉了天資的重要性.

方法二, 增加了學校之間的競爭性, 也增加了學生之間的競爭性, 更加強調了羸在起跑線的觀念. 家庭能投入多少資源在學前培養小朋友成了關鍵, 對缺乏資源的家庭更不公平.

方法三, 完全漠視了小朋友的差異, 認為每個人均要一模一樣才可; 相信學校也難有進步空間, 因為自己進步別人不進步會成為差異, 有了差異就會破壞整個制度. 不過大家先前的討論其實似乎是相每個人都接受一樣的教育才算公平. 要落實的話, 方法三是最貼近大家想法的. 但提出這方法大家又一定會反對.

我是不滿意現時方法的, 不過我覺得現時方法其實平衡了各方利益, 也保存了各種差異. 其實差異是必定存在的, 也不是不公平, 有差異, 大家才能選適合自己的東西.

其實替小朋友選學校是要選合適的, 不是要選最好的名校(而名校是不是最好的, 也說不定). 我相信每一所學校都有BAND 1學生, 每一所學校也有BAND 3學生(包括名校), 最要的是如何培養孩子成為自己校內的BAND 1生(雖然我認為BAND 1生不算什麼, 重要的是孩子的質素, 能否建立自己的人生).

我覺得作父母的, 眼光應放遠一些, 不應只看重成績, 所就讀的學校, 而是培養孩子成為能對自己的人生負責, 對社會有貢獻的人.

choy1024

睇黎何謂「公平」根本就好難定義。有錢與無錢，已經唔係「公平」。攪咁多野，好學校就變晒私校、直資。咁你有錢咪報囉！無錢就等所謂「好公平」的攪珠啦！

不如總結一句：唔變好過變啦！

留番d氣教個小朋友好啦！

kkhon

如果d家長不斷嘈攪到d學校轉晒做直資，到時仲慘。

[ 本帖最後由 kkhon 於 11-11-28 23:37 編輯 ]

chinaX

升小試不可以考宗教科啊，以防歧視。

青青河邊草

其實, 一係全部大抽獎算啦.
但, 兄姐帶弟妹入學都有實際需要.
這項可以保留,
其餘甚麼校網, 宗教, 就唔好再計了.
全港就像直選咁, 分幾個選區, 一齊抽抽抽吧啦.

chinaX

如題，那麼首名子女加5分這一項，應該廢除嗎？
姐姐考到女校，弟弟反而被扣5分？或應該考慮不要再辦只收男生或女生的學校。

yy0601ba

一直覺得派位制度的不合理所以一早作了決定不參與這遊戲而替女兒報讀直資及私校。這制度固然有其不合理之處但是必須承認在沒有一個更合理的制度之前,這是必須忍受之「惡」。幸而現在多了直資及私校的選擇，家長可以用腳投票。在報讀直資及私校時雖然感覺收生制度合理得多，但亦有其隨意性（例如小女面試當天的狀態及面試問題的種類），小女雖能進入心儀的學校但報讀成功率低於百分之五十。曾經想過不是每個家庭都能負擔直資及私校的學費，這些學校的出現會否對某些學生不公平呢？但回想人生何曾是在相同的起跑線上開始？總之多了選擇整體而言無論對學生或學校總是較好的。而香港教育制度亦應該繼續往這方面走，增加選擇，讓家長用腳投票選擇適合自己子女的制度及學校。

potpot

同意以上家長說要改就全面改, 不单单針對一兩項計分制. 本人傾向學券制, 不是現有幼稚園那種,是真正佛利民提出的學券制. 學券制的重点是容許學校與學生自由選擇, 但同時不因一些窮苦學生因財力不足而喪失入學校機會. 它鼓勵受歡迎的學校增加學額, 辦不好的學校縮班甚至关門大吉.


有家長說這樣不是把所有學校推向私營嗎? 對, 分別是政府透過學券資助學生去選擇. 其實外國出名的學校大部份都是私營的, 私辦學校阿懼之有？君不見今日香港私營半私營(直資)也爭崩頭, 唯一最懼怕的是政府, 因教育也是一種工具,不是所有政府願意放手的！


不知唐生梁生有沒有機會入來看看, 他們要看家長對敎育心聲、意見, 這幾頁的討論已勝過落區做show收集所謂的民意！

gattermond

而家話取消世襲制0既人
試0下比佢0既小朋友好彩大抽獎入到名校 , 佢仲會唔會話取消世襲制.........
無左計分制 , 唔通0下0下有錢有面拉關係就入到 ar , 大陸0羊
宗教從來就係比甜頭非信徒信教 ga la...有乜問題

TOKIN

張議員而家話小一計分制度不合時宜, 令到入名校不公平;
之前又話要名校中學減班, 令到其他學校免殺校;
究竟佢想點 ?????

不分地區一齊去大抽獎, 到時住大嶼山抽到九龍塘, 住九龍塘抽到大埔, 公平嗎 ?

明知人地要宗教分, 可以返教會上宗教班, 令到自己有得加分, 係可以選擇 !  人地有付出過 !

舊生都係之前努力, 先令到學校出名, 難道要扼殺佢地為學校付出 ?

要公平, 首先家長自己應先對所有學校公平, 不要分名與不名 !  

為何對那些不是名校的老師校長先 label, 認為佢地唔能夠教出好成績學生 !

dad1234

原帖由 potpot 於 11-11-29 11:25 發表
同意以上家長說要改就全面改, 不单单針對一兩項計分制. 本人傾向學券制, 不是現有幼稚園那種,是真正佛利民提出的學券制. 學券制的重点是容許學校與學生自由選擇, 但同時不因一些窮苦學生因財力不足而喪失入學校機會. ...

請問現今有冇國家/家區係用學券制?

我是一個爸

原帖由 TOKIN 於 11-11-29 11:57 發表
張議員而家話小一計分制度不合時宜, 令到入名校不公平;
之前又話要名校中學減班, 令到其他學校免殺校;
究竟佢想點 ?????

不分地區一齊去大抽獎, 到時住大嶼山抽到九龍塘, 住九龍塘抽到大埔, 公平嗎 ?

明知人地要 ...

仲有，張議員提出一個很廢的建議---獨生子有分加，咁點先證明個小朋友係獨生，將來一定冇弟弟或妹妹，唔通要家長去做結扎手術，攞醫生證明只會有獨生子先有分加？

abioole

遲d可能有婚姻服務公司提供以下服務:

- dbs/ls old boys 老公出租服務
- dbjs/mcs old girls 老婆出租服務

**(為期十二個月包結婚及離婚手續, 冇手尾跟.)**
- 如要有同學校宗教背景, 要額外加$6000.
- 如要有醫生, 律師背景, 要額外加$6000.

wanmum

Good idea! I want to rent one.