可唔可以分享下Tom Lee JMC 課程

lovelywinnie

囡囡係 TL 學ing JMC，已開始 book 2，但覺得仲係似番 ing d playgroup 唱遊班，請問有冇家長讀過，可唔可以分享下你地覺得好唔好呀？因為我依家心大心細，想搵 d 一對一咁學，唔想—再浪費金錢和時間！謝謝！

熙媽媽

我仔仔學緊JAC，自己亦有1對1學琴。他ENJOY一班小朋友一齊學嘢，由於一班人學，佢地可做到合奏，聽到人地彈咩，自己幾時入，呢個對仔仔後來學小提琴、敲擊樂合奏有幫助。另外，讀呢個課程對小朋友辨音能力有幫助。

記得JMC一開始，老師已經強調呢個課程唔係著重教小朋友彈琴技巧，而係令小朋友有音樂感，懂得欣賞音樂，ENJOY音樂。
我記得JMC畢業時，老師先建議小朋友學一種樂器去實踐堂上所學，於是我嘅小朋友係呢個時候學琴。(不過有D小朋友係學JMC同時已自己1對1學琴)

好似自JXC起(JMC升班至JXC)，小朋友開始學作曲，我仔仔好鐘意，因為佢可以將自己所學嘅用係寫歌度。我覺得呢樣嘢係1對1學琴時比較少做，好多時係為應付5級樂理時而做。

仔仔有個JMC同學係二年級時已經考完五級琴，不過他對作曲無興趣，JMC畢業就無再讀。

如果時間許可，2樣都學都好GA。如果唔得，睇睇想達到咩效果同小朋友興趣呀。

[ 本帖最後由 熙媽媽 於 11-11-27 07:36 編輯 ]