st paul's church interview

PercyPer

果日IN完, 總吞鬆左口氣, 我只幫呀仔報左兩間, 呢間係第一間INTERVIEW.
之前都見有家長話, 會問家長點解揀佢地學校, 同埋對個小朋友有咩期望, 同老公都諗定左點答, 點知呢兩個問題, 老師都冇問我地.
如果今次唔收, 問題應該係係我身上, 因為呀仔98%做到哂同答到老師既野, 係我答老師問題唔好, 老公都話我好緊張, 冇計啦, 緊張係事實.
一入去, 呀仔識得同老師講午安, 之後老師讚佢叻, 問佢叫咩名, 幾多歲, 再問佢, D眼, 耳, 口, 鼻係邊, 之後又係拎左SPOON同碗出黎問佢要黎做咩, 再拎隻公仔話佢肚餓, 叫佢餵公仔食, 再問呀仔餵公仔食咩? 之後又俾個盒佢叫佢打開, 入面有條毛巾, 問呀仔食完野要點? 呀仔答左, 老師就叫佢幫公仔做, 之後又要放番條毛巾入盒, 俾番老師.
之後拎左個袋出黎, 叫呀仔伸手入去拎一樣出黎, 係香蕉, 會問呀仔係咩黎, 又問係咩色, 之後又拎另一樣, 係架火車, 但呀仔就只係答車, 平時佢識講係火車, 呢樣算係有D不足, 之後都有叫佢推車, 玩左一陣~

PercyPer

玩完就開始問家長問題, 先係問我老公.
問佢如果學校打黎話小朋友打架, 咁會點?
又問會點教小朋友,
到問我, 就問平時邊個揍, 同小朋友去邊度玩, 對小朋友自理能力有咩睇法? 對體罰又點睇?
整體上我覺得問左好多野, 但成個流程都好快, IN完都唔洗10MINS.
有樣野要擔心係, 呀仔俾出面D動物所吸引, 入到去係咁搵動物, 周圍望, 要老師問佢搵咩, 叫佢一陣先出去搵, 同老師傾左計先.
但我自問答得唔好, 可能預左既, 老師冇問啦, 但我真係好鍾意D老師, 佢地好NICE, 有耐性.
好快就知RESULT啦, 希望26號有得再去間學校, ^_^

bopui0607

你小朋友表現好好啊 ! 叻 !

原帖由 PercyPer 於 11-11-14 10:42 發表
果日IN完, 總吞鬆左口氣, 我只幫呀仔報左兩間, 呢間係第一間INTERVIEW.
之前都見有家長話, 會問家長點解揀佢地學校, 同埋對個小朋友有咩期望, 同老公都諗定左點答, 點知呢兩個問題, 老師都冇問我地.
如果今次唔收,  ...

豬妹妹

我同你差唔多, 我個仔又係表現得好唔錯, 係佢in咁多間最好的一間, 佢一開頭講自己個名好大聲, 老師都笑了! 之後所有野都做到, 老師比個貼紙佢都有講thank you, 拍chair, bye bye. 不過我地兩個家長就緊張到爆, 仲口窒窒添, 唉!  阿仔咁神勇, 比我地累左佢就真係好唔安樂....

原帖由 PercyPer 於 11-11-14 10:47 發表
玩完就開始問家長問題, 先係問我老公.
問佢如果學校打黎話小朋友打架, 咁會點?
又問會點教小朋友,
到問我, 就問平時邊個揍, 同小朋友去邊度玩, 對小朋友自理能力有咩睇法? 對體罰又點睇?
整體上我覺得問左好多野,  ...

Nath

阿仔嗰日唔係好肯答老師問題, 同埋當老師同我地傾計時佢又對枱上既玩具冇興趣, 想走出去玩......所以我諗應該唔會收.

PercyPer

原帖由 豬妹妹 於 11-11-14 11:07 發表
我同你差唔多, 我個仔又係表現得好唔錯, 係佢in咁多間最好的一間, 佢一開頭講自己個名好大聲, 老師都笑了! 之後所有野都做到, 老師比個貼紙佢都有講thank you, 拍chair, bye bye. 不過我地兩個家長就緊張到爆, 仲口 ...

yea, 我呀仔又係識thank you, 拍chair ,←呢個真係唔知點解佢識, 因為我唔記得教佢, 同埋呢次係第一次in, 同byebye都有講, 佢仲攪笑到, 周圍同d工作人員bye...

如果唔收佢, 我真係好自責, 累左佢...
你有冇tick pm class都ok呀?

豬妹妹

你個仔都好叻叻, 第一次in咁犀利!
有得tick架咩?  我老公交表個時上午寫1下午寫2咁lor

原帖由 PercyPer 於 11-11-14 11:17 發表


yea, 我呀仔又係識thank you, 拍chair ,←呢個真係唔知點解佢識, 因為我唔記得教佢, 同埋呢次係第一次in, 同byebye都有講, 佢仲攪笑到, 周圍同d工作人員bye...

如果唔收佢, 我真係好自責, 累左佢...
你有冇tick p ...

PercyPer

原帖由 豬妹妹 於 11-11-14 11:20 發表
你個仔都好叻叻, 第一次in咁犀利!
有得tick架咩?  我老公交表個時上午寫1下午寫2咁lor

佢果度有問, 話如果上午冇位, 會唔會考慮下午班, 我地tick左會囉.

上年有in n班, 但n班in既野唔同呀, 而且又唔會點問家長野, 所以我幼稚園唔敢報好多, 一黎我老公唔想我咁癲, 二黎係自己都好怕interview.

豬妹妹

你指申請表?? 定係面試個日呀??
你仔仔咁叻, 真係唔洗in 咁多

原帖由 PercyPer 於 11-11-14 11:23 發表


佢果度有問, 話如果上午冇位, 會唔會考慮下午班, 我地tick左會囉.

上年有in n班, 但n班in既野唔同呀, 而且又唔會點問家長野, 所以我幼稚園唔敢報好多, 一黎我老公唔想我咁癲, 二黎係自己都好怕interview. ...

PercyPer

原帖由 豬妹妹 於 11-11-14 11:27 發表
你指申請表?? 定係面試個日呀??
你仔仔咁叻, 真係唔洗in 咁多

多謝你讚佢, 係我抵受唔到咁大壓力, 至唔敢報咁多, 同埋有d本住, 如果in果d唔得, 就都可以讀番而家n果間, hehe.

係申請表度有問願唔願意呀.

豬妹妹

係喎係喎, 有呀有tick願意呀!  希望大家都有好消息啦!  有消息報告聲呀....等待是折磨的!!

原帖由 PercyPer 於 11-11-14 11:31 發表


多謝你讚佢, 係我抵受唔到咁大壓力, 至唔敢報咁多, 同埋有d本住, 如果in果d唔得, 就都可以讀番而家n果間, hehe.

係申請表度有問願唔願意呀.

janice007

點解你哋被問咁多問題既﹖
老師當日只問左自理問題同埋上學時打電話俾我會點處理這兩條問題。

小朋友就連餵公仔都無問﹐只係問布袋裏3件物件係咩﹐叫小朋友分享俾老師﹐爸爸和媽媽。邊個帶佢黎和問一些紙板書上的物件等。

感覺好像簡單得多﹗如果問題如此不同﹐咁點去決定收邊個學生呀﹖﹖

CoffeeCake

我女INTERVIEW內容同PERCYPER幾近一樣！我個女都係有做晒所有野，但我係超細女（10月），估去陪跑多D。

淋魚魚

我女都係答曬d 野..但好細聲...最後連拜拜都冇講...
果日心情麻麻!!!!!

Silverhawk

曾經有位老師同我講, 他們主要是要觀察小朋友的內在表現 eg, 有冇耐性, 是否夠專注力,  情緒控制等. 我估問咩問題唔係重點, 答識晒亦唔代表一定收, 最緊要小朋友(及家長)合乎他們這方面的要求.

原帖由 janice007 於 11-11-14 12:24 發表
點解你哋被問咁多問題既﹖
老師當日只問左自理問題同埋上學時打電話俾我會點處理這兩條問題。

小朋友就連餵公仔都無問﹐只係問布袋裏3件物件係咩﹐叫小朋友分享俾老師﹐爸爸和媽媽。邊個帶佢黎和問一些紙板書上的物件等。

...

bopui0607

又未必既, 你個女咁細個都識咁多野, 叻 !

原帖由 CoffeeCake 於 11-11-14 13:29 發表
我女INTERVIEW內容同PERCYPER幾近一樣！我個女都係有做晒所有野，但我係超細女（10月），估去陪跑多D。

florence118

12/11一入去, 呀仔識得同老師講午安問佢叫咩名? 幾多歲?边個同你來?仔答Ｄａ，老師問媽呢?仔答返工了（Ｄａ講比老師知媽工司有事要回去所以無來）老師就再無問爸爸問題, D眼, 耳, 口, 鼻係邊, 之後又係拎左SPOON同碗出黎問佢要黎做咩, 再拎隻公仔話佢肚餓, 叫佢餵公仔食，問仔仔看看圖書好不好,問一些書上的物件好似有４至５種動物,之後拎左個袋出黎, 叫呀仔伸手入去拎一樣出黎, 水果問了５種叫什麼名，之後老師送了個貼紙比BB,叫他貼在紙上,還問他貼紙下的紙有無用，無用怎處理?，仔拿了去垃圾桶,最後叫仔取回接見證比爸。再見，無問Ｄａ問題了。

如果今次唔收, 問題應該係係我身上, 因為呀仔95%做到哂同答到老師既野，但我缺席

bopui0607

唔明, 爸爸去不行嗎 ? 我也是自己去, 我老公沒有去, 但老師沒有問.

原帖由 florence118 於 11-11-14 15:14 發表
12/11一入去, 呀仔識得同老師講午安問佢叫咩名? 幾多歲?边個同你來?仔答Ｄａ，老師問媽呢?仔答返工了（Ｄａ講比老師知媽工司有事要回去所以無來）老師就再無問爸爸問題, D眼, 耳, 口, 鼻係邊, 之後又係拎左SPOON同碗出黎問佢要黎做 ...

PercyPer

其實我都覺得問小朋友嘅唔算太深，應該會好多小朋友做到，加上個老師都有提會重視家長嘅諗法，所以我覺得家長答嘅都會幾影響到個結果！

catbon

5 NOV我都帶阿仔去in 咗st. paul church，無論交報名表/面試日，都安排得好好。阿仔當然表現係3間裏面做得最好的一間，但輪到問家長問題，我就答得唔好，可能其他2間完全都冇問家長問題，而係我問老師問題，所以完全冇準備。為次，IN完個日，我仲好upset先。不過儅係一次經驗吧，心儀也好，主要是小朋友能學得開心。