細細BB真係好可憐⋯⋯冇學校想收

橫風王道

如果根據 YW 林校長既講座，女仔比男仔早熟年半，即 12 月出世既男仔同 1 月出世既女仔相差接近 2.5 歲，細男同大女 in 同一間學校，贏到都算神童！

ANNAFRIEND

原帖由 橫風王道 於 11-11-2 12:17 發表
如果根據 YW 林校長既講座，女仔比男仔早熟年半，即 12 月出世既男仔同 1 月出世既女仔相差接近 2.5 歲，細男同大女 in 同一間學校，贏到都算神童！ ...

點解我唔覺我女女比男仔早熟o既? 因為我兩個女女都似足男仔, 連老師都話佢地似boy多過girl .

longwing

如果今年考唔到直資或私校，讀住一年級，出年是否可以再考直資或私校的小一呢?會唔會有學校會收呢?有沒有人有經驗?請分享。

kat0318

我老公成日係到話差幾個月就差好多....
佢只係同佢班佬傾, 然後就咁話, 細仔好蝕底.
但我自己睇到, 之前又同k2班主任傾過, 洗唔洗留班一事.
我見到阿仔學習上, 知識領域上比其他大仔強, 但因係細仔, 手仔寫字有難度.
我真的唔想因為大定細b問題, 浪費佢的'青春'~

而家interviews結果係咁, 我唔覺得因為佢細所以就被out.
佢識答, 次次都話好玩....
但唔知係咪in個時唔識收斂一下佢自己的'叻'.....
因為佢呢幾個月, 學野都學得快, 有時都口快快好囂咁話"我知喇~"
如果真係in個時, 咁寸.... 真係實無行喇

原帖由 smartcash 於 11-11-2 11:00 發表
我想小學主要都係睇interview表現，因5歲小朋友有幾個月差距唔算大，反而幼稚園interview的影響比較大。我都識人的小朋友係12月出世上年比DBS收左。所以千其唔好氣餒，加油! ...

kat0318

我阿仔係28/12(不過你的女兒應該大過我阿仔一年).
我阿仔手腳協調較大仔差.
其他都ok....
所以我無俾佢留班.
而且佢而家參觀過咁多間小學, 都渴望緊入小學讀(同買小食 ).
留班可能對佢好殘忍~

原帖由 lokheima 於 11-11-2 09:21 發表
我女是1229. K1是細女.  成績中間.  她還算跟得上, 但總是做事不能得心應手.  
決定重讀K1. 做大女. 第二年K1及K2, 讀得很好, 個人好自信, 和第一年K1的她很不同.
今年報了3直資, IN 得心情輕鬆, 3 戰2勝.
如今年細 ...

wh0709

My girl is only K2 now (Nov BB), she has already discussed with me about primary school life!!! I can't imagine if she need to repeat K3. For our case, I think repeat P1 at another school is more suitable and easier to explain to her.

smartcash

但係其實係唔係有必要留班去考多次名校呢?

fatanna123

我本人覺得, 如你是玩名校的遊戲, 便最好讀多一年K3, 因就算你好彩上到小學, 都無可能追到成績, 考得好個幾位都幾乎份大B, 你無得爭, 這是本人的親身經歷.

tabodaisy

原帖由 橫風王道 於 11-11-2 12:17 發表
如果根據 YW 林校長既講座，女仔比男仔早熟年半，即 12 月出世既男仔同 1 月出世既女仔相差接近 2.5 歲，細男同大女 in 同一間學校，贏到都算神童！ ...

Really???

sumyiuma

未必一定是入名校的考慮，實際D唸，你只想要他讀得倒，還是有更高的要求，要他讀得好，如果是後者，可能大B是個好選擇。

guorong

我的小朋友是一对龙凤胎，好明显个女系成熟过个仔的，佢地都系11月尾的，而且当年仲系早产左将近一个月，是否重读一年我一直犹豫左好耐，从K1一直问老师尼个问题。但个女从N1一直到K2年年考试都有前10名，个仔就差D，一直都入唔到前10，不过个个老师都话唔需要重读，于是就一直读到衣家，直至开始去in小一，听简介会以及询问朋友，原来D直资和私校真系唔中意细仔细女，尤其系我心仪各间蔡继有，校长几乎讲到明话唔中意细B，我终于下定决心要比小朋友重读一年K3.
同时我今年都有去in小一，除左有一间收之外，几乎间间都唔收，所以我觉得重读真系有必要。而且我亦问过住在隔离的医生，佢话小朋友在10岁前大仔同细仔的差别真系大的，过左10岁就无么差别了，佢自己的女系10月的都重读一年，后来考到女拔。

Judou

我女17／12出世，我已決定如果自行派位落選，又無直資私校收，就會repeat k3, 出年做大女再報過！手續亦已問妥了，但repeat會選原校國際班，轉少少環境，減少重覆學習既沈悶，阿女亦己了解。

tinyuichan

要考慮多一問題:
香港小一考生一年比一年多! 出年仲多人爭!!!!

shirley02

如果repeat, 會唔會比他讀小一, 下年再報過直資私校的小一, 好過repeat k3 呢? 我都想比呀仔repeat, 但唔知k3 or 小一好

原帖由 Judou 於 11-11-3 15:33 發表
我女17／12出世，我已決定如果自行派位落選，又無直資私校收，就會repeat k3, 出年做大女再報過！手續亦已問妥了，但repeat會選原校國際班，轉少少環境，減少重覆學習既沈悶，阿女亦己了解。 ...

jpang0107

REPEAT P1 好過 REPEAT K3..學D野都深D.

原帖由 shirley02 於 11-11-3 16:10 發表
如果repeat, 會唔會比他讀小一, 下年再報過直資私校的小一, 好過repeat k3 呢? 我都想比呀仔repeat, 但唔知k3 or 小一好

Hihiha

原帖由 guorong 於 11-11-2 22:39 發表
尤其系我心仪各间蔡继有，校长几乎讲到明话唔中意细B，我终于下定决心要比小朋友重读一年K3.

我是蔡繼有家長，從未聽過校長說不喜歡細B。她只是呼籲細Ｂ的家長要有心理準備，要接受細Ｂ在小學頭三年有差距。但今年９月入小一嗰批，肯定有12月細Ｂ，重要係男仔！

hialice

其實大細B都只係頭幾年有分別, 隨著年紀漸大, 大小B分別不明顯...不過在選小一的過程中, 年紀就佔有相當的影響性。如果今年咁唔好彩, 一間心儀的學校都唔得, 我都會讀住大抽獎的小學, 之後再報心儀小學重讀小一。

Michelle_Hung

原帖由 kat0318 於 11-11-2 13:54 發表
我老公成日係到話差幾個月就差好多....
佢只係同佢班佬傾, 然後就咁話, 細仔好蝕底.
但我自己睇到, 之前又同k2班主任傾過, 洗唔洗留班一事.
我見到阿仔學習上, 知識領域上比其他大仔強, 但因係細仔, 手 ...

"叻"過頭已經係分別啦! 始終小朋友的社交能力同反應會隨住年紀進步, 人地大仔果班都唔排除係"比大自己幾個月"的小朋友"學習上, 知識領域上比其他大仔強"架喎, 但係因為佢地再大幾個月係會定性少少, 同對老師的指令, 反應方面好過細B(當然有些細B本身係比同齡成熟一點就無得講!)我仔係10月細仔, 我自己在今年4月時帶佢去參加朗誦比賽時, 基本上係想即時拎個紙袋笠住自己個頭!! 果組得20位小朋友, 好明顯佢係最弱果個, 仲要差人九條街, 我果時已經打定輸數佢一間私小/直資都考唔到, 話唔定連自己行入去考都喊果隻!! 但到了今年8月尾真係要考小一時, 我已經覺得佢同4月比賽果時唔同o左好多! 好明顯各方面(思維, 反應, 溝通能力)都進步o左! 雖然成績都係唔理想, 已比我想像中好(好彩自己KG小學收返, WKF waiting, TSL 2nd In), 我覺得如果比佢出年做大仔, 考到名小學的機會其實都唔係無(今年係0% chance!)
但我唔會比佢repeat做大仔了, 哩個係我個人陰影! 因為我細個時係"大女"(12月尾), 我覺得自己好怪, 點解個個同學都細我"一年"(就算係人地係一月都唔同年份), 好驚人地以為我係"留班生"! 哩樣o野我自己介意o左好多年, 而且老公係"細仔"(佢11月中), 佢唔覺得做"細仔"有問(佢小學都係年年第一), 而呀仔so far學習上都OK, 只係考唔到"名校", 有書讀都好感恩啦~~

[ 本帖最後由 Michelle_Hung 於 11-11-4 00:02 編輯 ]

divemaster9

我個都係　0612　細B,

是否我門錯了要他造細B,要接受此
失敗感！！！

突然認真想想是否要Repeat　K3.

頭痛！！！！！！