有無小朋友投訴午餐好難食?

catcat0814

今年呀仔已經小四,之前三年都係係學校叫飯,但今年轉左新5餐呢間訂餐之後,便主動要求我送飯俾佢食..佢話今年呢間D飯好難食(所以11月開始改左家長送飯)...其他家長有無咁既情況?D小朋友有無覺得唔好食?

BLouie

我聽過幾個高年級家長講小朋友投訴今年飯商好難食, 現改自行帶飯, 而我問過囡囡(小一)和幾位同級同學無投訴喎反而讚好食.

星人mama

我個女日日食C餐, 佢話淨係C餐好味喎!
有紙同膠... 等我叫個女留意下先!

貝拉

高年級的同學試過有頭髮, 另試過係一堆菜下面有一把鹽.
上星期有一日, 我做義工順便帶飯比阿囡, 但又唔記得取消個飯, 結果我攞咗返屋企食.  個雞柳炒麵得一條2cm的雞柳同埋2粒細過一毫子的雞粒, 同食淨麵分別唔大, 都幾過份.  我個friend話遲d會同校長反映.

BLouie

原帖由 貝拉 於 11-11-3 11:10 發表
高年級的同學試過有頭髮, 另試過係一堆菜下面有一把鹽.
上星期有一日, 我做義工順便帶飯比阿囡, 但又唔記得取消個飯, 結果我攞咗返屋企食.  個雞柳炒麵得一條2cm的雞柳同埋2粒細過一毫子的雞粒, 同食淨麵分別唔大,  ...

嘉理子: 我都有聽聞過, 但唔知真定假.
貝拉 : 聽你講如果係事實飯商真係好有問題喎.

chelleb

我個女係一年級學生, 佢話d飯好好食喎! 不過, 佢同我講話想我煮飯斜佢帶喎

SandyCPS

我聽過高班家長話呢間唔好，
但阿仔小一，無食過以前既，
佢覺得好食。

但如果有紙有膠就真係離譜，
如果好似食淨面，又係離譜。

HOMAHOMA

阿仔小一, 佢話都可以啦, 但又不下一次要求"家人送飯"............我都唔知即係好食定唔好食

catcat0814

我見將餐單係三至六年級,所以一至二年級的餐單係同三至六年級唔同既..咁一至二年級應該好食D掛...
雖然家人送飯,呀仔食得好開心,同食晒..(以前學校飯係食少少,回來要吃包,現在回來不需要吃東西了)不過日日咁送,真係好辛苦,間學校太偏,坐車又貴,行去又辛苦,我地無工人,咩都要自己做,不過見送飯時,全部都係D工人姐姐,感覺自己好異類...HAHAHA

貝拉

今天, 我送飯比阿囡, 但又唔記得9點半前取消, 所以帶咗盒飯返屋企食(A餐-茄汁豆甘筍肉粒紅米飯).  我啱啱食完, 今次盒飯都幾好食, 大概有10粒肉粒(合理份量),  同埋個餐盒由兩格改為三格, 即汁連肉, 菜同飯分開, 好食好多, 有改善.

另外, 聽聞高年級昨天試食, 有高年級的學生話今次d飯好食.
我相信飯商接獲好多投訴後, 漸漸有改善.

HOMAHOMA

仔仔讀小一, 都係食 order 的午餐, 想請問原來九點半前打電話可取消午餐? 那我是否打去供應商? 謝.

貝拉

係呀! 9點半前打去飯商度話退餐就得架啦! 要講邊間學校,  班別,  號數, 名字同留底電話就得.   飯錢兩個月後先扣數.

HOMAHOMA

明白了, 謝謝!

取消了那天, 我照平時"家人送飯"那樣就可以了?

貝拉

取消了那天, 我照平時"家人送飯"那樣就可以了? 是的.

shatinbetty

有....但因為冇時間送飯俾佢...唯有照食

qkhui

我家姐妹妹是讀小一的. 我只知有幾次小朋友帶回來的生果是發"毛" 及爛的. 巳跟老師投訴, 希望有改善,