York York York!

大白豬

其實英文程度係點, 我覺得唔可以單靠學校, 家庭的配合都好重要. 如果小朋友係家中用英文溝通佢既英文水平一定好過係家中用廣東話溝通的小朋友.

況且我之前睇過有個post的家長話佢小朋友讀學劵學校, 佢安排小朋友去一間center度學英文, 當中佢話有幾個係sc的小朋友, 所以小朋友的英文好有好多唔同因素, 唔可以只睇表面.

仲有york都係去年先有國際班, 之前一直都係中英文幼稚園, 佢net的數目一定唔夠sc多, 所以sc的小朋友英文勁過york一d都唔出奇. kv係廣東話教學, 出名強中數, 英文較弱.

唔好意思, 我唔係睇唔起人, 不過我有個question, 保母車姨姨有幾多時會用英文同小朋友溝通? 點評論小朋友的英文水平?

其實我地唔係搵最強的學校俾小朋友讀, 只係搵一間最適合自己小朋友的學校. 小朋友喜歡讀書, 喜歡學習, 學自理, 學禮貌, 老師有愛心已經足夠. 一山還有一山高, 好難比較.

可能k1係較易入, 因為位多. 但PN得160個位, 就算佢一班收30個學生, 都係得240個位. 我諗無可能人人報都收呀? 我相信佢地唔止2xx人申請. 其實我地去interview時都見到好多人.

大白豬

上次聽簡介會校長有講到letterland都會慢慢帶入pn. 唔知cherryird係咪指呢樣呢.

ta__ta

原帖由 大白豬 於 11-10-14 12:14 發表
其實英文程度係點, 我覺得唔可以單靠學校, 家庭的配合都好重要. 如果小朋友係家中用英文溝通佢既英文水平一定好過係家中用廣東話溝通的小朋友.

況且我之前睇過有個post的家長話佢小朋友讀學劵學校, 佢安排小朋友去 ...

講得好好呀.
我今日應該收到信掛 (24 號 in), 希望今晚我都可以上黎報喜. 不過我都唔敢有大希望, 我個仔 in 得麻麻.

ta__ta

其實PN 班我都唔期望佢學都D乜學術上的野, 佢愛上返學, 守規矩, 準備好 K1 學習學術上的知識已經好好了. 我係咪期望太低?

陳雙兒

ta__ta, 你不應因為別人的睇法而改變對自己小朋友的期望, 無話低唔低, 因為個個小朋友都不同, 性格及家庭背景都係好大因素, 我的期望比你還要低, 我只期望呀囡開開心心返學放學, 身體健康便是我最大心願了!

[ 本帖最後由 陳雙兒 於 11-10-14 12:30 編輯 ]

elysion

我家人係近九龍塘一學卷學校做幼師, 當佢知我同個仔報york時, 佢話佢地行內形容york唔好, 係人都收, 但我聽完個簡介會同係bk/同事(york 家長)到了解過york後, 我仍堅持會比個小朋友讀, 我好鍾意york既教學方式, commerical又so what, 現今社會係需要證書, 無錢又點經營呢, 總之錢我唔介意比,而係是否值得, 尤其是pn, 米當用一年時間親身睇下york係點囉! 另希望多些york既家長可以分享下

原帖由 cherryird 於 11-10-14 03:42 發表


我仔今年係讀pn, 我覺得我無選錯, 我仔8月返學時只講幾個單字, 好似成舊飯咁, 但而家返左2個月之後, 真係叻左好多, 問佢簡單英文佢聽得明, 用普通話問佢眼耳口鼻佢識答, 又有phonics, 我覺得唔好同其他學校比較,  ...

大白豬

人人對自己小朋友的期望都唔同, 只要自己同小朋友開心就夠. 知識永遠學唔完.

希望你呢個星期都收到好消息!

loveannis

homepridealice, taptap83, 雙兒, cherryird, 大白豬, 多謝你地發放咁多正能量，我而家又對York充滿信心啦！

ta_ta, elysion, 你講得好啱，我地可以用呢一年時間York，如果真系唔符合預期先再算啦。但其實pn會易入D，因為考歲幾BB無咩好考，但K1要轉其他學校就相對難啦，因為要同人地本校pn競爭，又要識英文先可以答到老師問題，而再唔系好似pn咁做指令就得啦。

chichiho

事實係咪大部分都收呢？
好想快啲知道收唔收阿女呀!

Jenjo

我都覺得係, 只要覺得適合小朋友就可以. 我見好多York家長都話小朋友好喜歡返學, 又學到嘢. 如果兩歲人仔一開始已經討厭返學就不得了啦.

ta__ta

原帖由 ChunTong 於 11-10-14 16:49 發表
YORK係比較受大家歡迎，上年我幫個細仔搵幼稚園果陣都想報佢，不過睇過d資料，發現原來呢間幼稚園都幾貴。學費3千幾再加埋買書、校巴、雜費等等起碼成6,7千，仲未計課外活動、劍橋英文等開支。最尾同c6商量後無報到，因為大仔 ...

我同老公都係 full time working parents, 而且冇工人姐姐幫手.
York 的最大好處係返上午班, 下午班佢有個課外活動 package 比學生 join (or vice versa), 而校車係啱啱好接到時間. 雖然係貴左, 但我就唔駛煩佢放學後的課外活動安排. 我地都唔係有錢屋企, 但因為得一個小朋友, 乜都比哂佢咋.

taptap83

我之前睇其他FORUM講佢開學就畀左5000蚊6個月雜費，課外活動又要幾錢呢？

chichiho

我聽見校長話係$4200/month，唔知有無聽錯

loveannis

$4200應該系學費only，
至於多元智能班好似要K2先開始，
父母們，努力系呢兩年儲定多D錢比小朋友將來讀興趣班啦，預估要多兩三千一個月。

大白豬

多智能班好似係學校invite學生參加, 唔係想讀就可以讀。

大白豬

多智能班好似係學校invite學生參加, 唔係想讀就可以讀。我估個d係學校重點培訓的學生。

kartimmi

好贊同樓上mammi的意見，最緊要適合小朋友同小朋友鐘意返學

我地係working parents,冇姐姐，平時係婆婆湊，所以York的環境和配套非常適合我地

至於學費，雜費可能貴d,但我想York係值得的

ta__ta

好開心york 收左阿仔呀，pm 班。 希望出年同到你地小朋友做同學。

york 真係好啱 working parents. 其實佢好多野都好就 working parents. 有d 幼稚園安排 weekday interview, york 就寧願每個星期六都做 interview.