應該如何選擇--名校還是band 2 學校

3pigmama

我知道要入名校,要做好多好多野, 如果個女考到入佢, 便要做更多更多.  最後都係希望佢入到一間好的大學, 然後找份中上的工作.

如果係這樣的話, 我可能可以做少好多.

我回想以前我只係讀官小, 入Band1尾/Band 2頭學校, 都以會考全部AB升到三間大學其中一間. 我只係高中有找人補習. 小學,幼稚園全無課外活動可言.

依家自己做左媽媽,都好想個女將來好D, 安排playgroup. 又考名幼稚園. 其實已覺得好吃力. 吾通之後15年都要幫他安排入名校的活動和學科, 做個人地 所謂的直昇機父母 .

我有時都好想佢讀番我以前間官小, 吾使煩. 但又怕將來佢的程度低, 升中時吾夠人叻.  好矛盾.

好似有D屋村學校,K2才學ABC,同我3x年前一樣, 但名校的K2,已經考Cambridge Starter. 但走名校條路, 便要安排好多好多.  自己以前讀書都好辛苦, 真係吾想成世都係 禁 辛苦, 好似自己又讀多一次書. 不斷跑呀跑呀.

好多在BK的父母都係好好的爸爸媽媽, 都可能為子女找學校而努力中, 好希望聽下您地的故事和想法.

[ 本帖最後由 3pigmama 於 11-7-22 00:02 編輯 ]

estherlai

身同感受!我有2個小朋友,大果個都未讀k1,現已開始煩緊將選小學,因為選小學與幼稚園有一定的關係,所以要有所部署,但另一方面亦不想做直升機父母,所以都很矛盾.回想自己連幼稚園都無讀過(因為在內地出生,小一才來香港),小學只讀新界村校(現已關門大吉),小一連abc都未識,咪一樣讀到大學,但想到為子女選校,都唔知應唔應該谷他們上名校,知道當中的過程一定很艱辛.

小曳人

其實我自己都係官中出身，最近睇過一編文章(出處唔記得喇)話官小程度已經高過一般津小 DD~我自己都好想小朋友入官小，可惜無分，幸好搬屋之後~官小變成同網！
名校，我會報，入唔入到就睇佢造化，同學校有無緣喇，呢d嘢唔到家長強求嘅..

flowerpolly

不知是否仍有工作?你覺得你所接觸剛畢業的大學生, 是不是叻到會飛呢? (理論上應該是, 因為20出頭的人應該已是新一代教育出來的, 我所指新一代教育, 就是由細已學好多野, 父母怕子女執輸而安排最好的給他們, 咁佢地應該好叻啦). 但唔知點解我所見的都唔係囉. 我接觸不少見習生, 有名校有不是名校, 見到佢地做野的態度, 我就覺得, 安排一切做好, 學最多野的教育方法, 原來出來的"產品"並不比上一代好. 所以即使父母無錢, 或不能安排最好的不用太擔心, 因為我們以前都是這樣被教育岀來, 郤不覺得自己比新一代差. 所以名校對於全人教育來說, 可能只是百分之十的作用, 有其他更重要的因素如果做得好些, 名校與否並不重要.

talknwrite

為什麼要生兒育女?  可以唔使辛苦做父母, 現代的父母都好似以前咁生十個八個.

時代唔同咗, 你個時代, 大部份的父母都是沒有受過良好教育. 想教都教教唔倒, 大部份小朋友都係靠自己, 起跑線都差不多.

現在社會要求高, 競爭也高了, 你唔幫, 人地幫, 一個幫, 個個都要幫, 社會要求又再提高, 競爭又增加.  是良性/惡性循環? 就睇吓自己坐在哪個位子.   

一個群體社會內, 總要有人墊底, 睇吓係邊個.

無奈!

Haz-mama

其實選校真係好睇個小朋友本質, 如果個小朋友本身係資優, 又喜歡讀書, 報名校應該不難, 當然, 家長亦要有相當的經濟能力; 15年真係好漫長, 依家D教育制度經常變更, 可能若干年後又唔同晒! 有D名校專收運動叻的學生, 以便提高學校的知名度,  Band1學校可能會谷得好勁, 所以, 要有"陪跑"的心理準備...

我的個人意見 -- 我先會發掘一下小朋友的興趣及所長, 報一些興趣班, 看看小朋友對那方面較有興趣, 然後, 揀選一些合適的學校; 據聞一些家長為了入名校, 不惜用了很多方法, 有些小朋友為此有很大的壓力, 健康變得很差, 所以, 報學校前必須要先了解孩子的資質及意向, 不要給太大壓力給小朋友, 否則弄巧成拙; 其實band2學校也有大學畢業生, 最緊要小朋友讀得開心,  所以, D教育學者經常提醒家長們,一定要以小朋友的意願為依歸...

pandabonita

不過最好睇清楚邊 d Band1尾/Band 2頭但想上Band1頭的學校...

piggy-ma

Agreed. 起跑線唔同，今時唔同往日。

近年所見MT，有HEA，有唔HEA。這是家教多於是否讀名校的問題吧。

新近見識了大銀行暑期工：名牌大學 + 明年碩士畢業 + 有背景 + 工作博。點同佢爭啊？

想讀唔谷學校又唔想墊底，我都想。

w_y

呢D 先最谷死人無命賠!

原帖由 pandabonita 於 11-7-22 15:25 發表
不過最好睇清楚邊 d Band1尾/Band 2頭但想上Band1頭的學校...

3pigmama

我希望小朋友吾好太差, 又吾想佢太大壓力.不過真係好難.

不過,我覺得最重要的,是 同小朋友面對"所謂的失敗",我自己都學習緊. 同埋我都要學下點樣同小朋友"玩"和"學".
我比較呆板, 吾係好識同小朋友玩.

另外, 談到壓力的問題, 由 1歲開始幫個小朋友遞表排隊報2間playgroup, 要排成12-18個月,便感到踏上"名校"之路的壓力.; 報私小,直資.叩門,又要整porfolio, 又要安排指定的動作(課外活動,考Cert), 否則又只可以靠大抽獎.

有時, 真係吾明交禁多稅, 政府都吾可以聽下我地依班70後的意見.搞好香港的基礎教育, 同埋入小學的派位辦法.澳洲和加拿大的基礎教育真係好過香港好多,人地交左稅就已經吾使好似香港D父母禁辛苦, 我地自己真係做多好多野.才可有合理程度和水準的教育.

真係要 互相鼓勵.  大家都係一齊面對.

talknwrite

相比加拿大和澳洲,香港人交稅其實是很少. 英美澳的家長, 都不喜歡入公立學校, 都是爭入私校的.

香港的教育水準及程度是非常好的. 不是入不到名校就要接受次等教育.

學校與學校之間的不同, 除了名氣和校舍外, 最重要的師資,其實是沒有分別. 令到學校有不同結果是學生自己和他們家庭的質素.

名校紛紛轉直資的原因是顯然易見, 是100%自行收生.

小朋友是要在"適度壓力"下才可以茁壯成長的, 在沒有壓力情況下讀書. 我買失敗會多過成功.