返playgroup比其他小朋友打

kokobear

我個仔16個月大，1個禮拜返1次playgroup每次我都陪佢1個鐘。上兩次返pg，一次比人扯頭髮、一次比人打個頭；佢無喊但又唔識say no，我响隔離就可以阻止啲小朋友啫，都唔知應該點教佢保護自己

angel_laam

你可以睇下你小朋友既反應, 我覺得你唔需要太擔心。我個仔細個時都係比人打唔識還手, 就算我個女而家比人搶左距心愛既野都唔會還手。 而家你個仔比人出手打, 你由得距, 事後個仔喊既時候你可以同個仔解釋剛才出手個小朋友做既事係唔0岩, 叫距唔好學, 同時都要學會say no, 同個仔講有時可以讓, 但太過份時唔可以忍。可能距而家聽唔明, 但多一段時間距會明白架喇~~ 我覺得你唔好同距出頭, 呢d都係同人相處之道, 比距自己感受下, 你下下同距出頭小朋友唔識大。而家仲細比人打幾下我覺得無問題, 你唔可能一世都係距身邊, 呢個世界就係甘, 可以叫弱肉強食, 有好人都有壞人, 父母做既應該係係距身邊教距對同錯, 必要時先出手保護, 下下同小朋友擋無可能, 到距地長大時都仲要你幫距出頭, 到時就唔係只係扯下頭髮甘簡單。
好似有一次, 我個仔係公園玩既時候將一件玩具放左係長椅上就去左玩, 我睇住有個小朋友偷我個仔既玩具, 不過我無出聲。我個仔玩完想拎番件玩具發現比人偷左就喊左好耐, 我無再買番件玩具比距, 之後距唔會再亂甘放野, 。(當然事後幾日我有同個小朋友媽咪講番距個仔偷左我個仔既野, 因為個小朋友甘做係好唔應該, 拎番件玩具我都無比番個仔) 。唔見一件玩具好小事, 如果我出聲話個小朋友我個仔到大個時都仲係甘既行為, 始終都會唔見野, 我唔可能一世係距身邊, 但到果個時候就唔會只係損失一件玩具甘簡單。小朋友要放開d, 好多時要放手比距地適應呢個世界, 有時你幫距=害左距。

raychok

惟有安慰自己個仔品性純良!

topkidsmom

我都有過類似的經驗, 所以好明白你嘅感受。所以亞囝三歲時我帶咗去學詠春, 用來保護自己, 因為同學都知佢識工夫, 都唔敢"蝦" 佢, 當然你個囝仲細, 唯有教佢有人打佢就去揾身邊嘅大人求救啦!

   

goolima

我都有呢個煩惱, 我哋唔係返 pg, 而家每星期都會同同齡小朋友出黎玩, 我個囝又係經常比朋友仔 wear 面, 打面.... 每次睇到真係好心痛, 阿囝又係唔識 say no, 只係有時會大喊, 我通常都會安慰佢唔好喊, 佢唔應該咁做... 你原諒佢好唔好...

其實我覺得咁樣教都唔係咁好, 因為正如樓上媽媽分享, 我無可能一世喺佢身邊保護佢, 有次同老公分享呢 d 事, 佢突然間話寧願係個囝蝦人, 起碼識得保護自己, 唔會做弱者, 但我就覺得, 寧願佢係比人蝦 (雖然都係好心痛), 但起嗎容易教過主動打人嗰 d 吖...

唔知係咪有過咁耐經驗 (被人打), 我發現上星期佢同小朋友玩, 試過 meet 人, 我真係好驚佢將自己經歷發洩喺別人身上呀~

囝囝mama

原帖由 raychok 於 11-7-9 14:34 發表
惟有安慰自己個仔品性純良!

還要加上有家教!