SPPCS 升中自行派位

Rattie

laumanwinnie 發表於 12-3-29 11:02
Rattie,

好清晰的分析, 多謝!

"其他的 (都冇幾多間) 我又覺得校風不及讀緊的這間"
e d 都係點解好多家長們一心一意過去隔離嘅原因
當初都係我揀 sppcs 嘅理由

今次係最後嘅呈分試，已經同自行再冇關係
考成點都應該係同自己學校嘅同學比較
即係大家面對同一份券
深 d 就可以見高下
之不過想攞張靚靚成績表出去叩門就有 d 難度囉

考 spcs 係我嘅主意
接受 offer 時都一樣有你哋同樣嘅顧慮
不過好在有 YongXin 同其他 mami 嘅鼓勵／意見
至敢俾個女過去
d 學費真係值得俾嘅

Rattie

F3 都係開始比較多人會選擇過外國讀書
不過過往晌香港畢業都有一定嘅數目
我同阿女講過唔捨得咁早俾佢走住
或者 F5／6 吧
最好就晌香港讀喇

大抽獎。。我冇填過
不過知道有 band 1 家長甲一乙一都填隔離
之外再冇填其他 number（學校）
老師都冇佢符
不過俾我就甲一就填 bps（咪當抽六合彩囉）
我所知 d band 1 同學有 d 填咗十間八間就算
之後嗰 d 真係揀唔落啊
張個 number 填兩次機會大 d？
errrrrr 好似攪笑咗 d
乜相同 number 可以填多次嘅咩？？

隔離絕對唔容易讀架
成績表總分 1400，聽聞有學生得二百幾分 only

鬧不鬧得？
e + d 青春期嘅暴風少年個個都唔鬧得架喇
講吓道理佢肯聽都真係要感恩
我已經當佢係朋友多過係女
我都仲想佢同我傾多 d 計
你覺得你朋友鍾唔鍾意俾你鬧呢？

Rattie

嘩 攪清楚 d 先
大抽獎係分甲乙兩部分
甲部有三個選擇 不限區域 人人有份 學位有限 仲要同全人類一齊抽
乙部有三十個選擇 一係跟小學網 一係跟屋企網
抽到甲部（e.g. BPS）就冇得去隔離
乙部第一個選擇一定要填隔離你至歸類於直屬嘅位
乙一你唔填隔離就等於你自動放棄嗰 99 個直屬位
如果乙一你填 BPS（灣仔他區得嗰 3 個位）
抽唔到 BPS，輪到乙二隔離（灣仔本區 12 個位）
仲係要同全灣仔區嘅 band 1 女一齊抽

真係冇乜家長夠膽乙一唔填隔離
就算個女考全級頭十都好
so far 我淨係識得一個

會唔會 d 家長嘅意思係甲一乙一都係填隔離
咁咪即係多咗一個機會囉？？