家有自閉傾向的小朋友......

承承媽媽

講少少開心o野你地聽呀!

尋晚我個仔食完晚飯同爸爸玩緊時,我聽到佢忽然講句:太陽伯伯,太陽伯伯,你去咗邊...... 當然佢d語音係好唔正確,不過第一次聽佢講到一句廣東音嘅歌(係講唔係唱),都好開心吓!   

另外尋日佢學校個園長借咗份玩具俾我同佢返屋企玩matching,最初俾六個圖佢match,佢好快就配好,後來再加多3個俾佢(即係9個),佢都可以無誤的配對,仲玩得好開心添!不過再玩多一兩次就開始亂嚟,將d牌仔周圍攝去d櫃底呀,櫈底呀!攪到我即刻將份玩具收都狀唔切呀! :evil:  :evil:

hinhinmummy

承承媽媽

軒軒有一日又係唱xx伯伯, xx左邊, (x不識唱個字, 其餘的近似)!

不記得係邊度見到你提過承承到依家都未識叫媽媽, 呢個問題我上個星期先講過, 但前日, 軒軒對住奶奶叫麻麻, 我就同佢講, 你連媽媽都不叫, 叫麻麻.  跟住佢就叫我媽媽!

我第二次聽佢叫媽媽.

第一次係佢拿lunch box個袋比我時, 叫媽媽.

呢次你第二次.

比心機, 大家努力呀!

承承媽媽

軒軒媽,

我個仔又係呀!最近呢個禮拜二去睇醫生,我放咗工趕到去學校湊佢搭隧巴過海,上到去醫生樹佢爸爸已經到咗,佢一見爸爸就講:爸爸!攪到佢阿爸即刻攬住佢呀!我呢個做港傭嘅就哼都無一聲呀!    :evil:  :evil:       

hinhinmummy

承承媽

mamee講過, 佢地未講媽媽, 係因為未識發'媽'音, 一但佢識叫'媽媽', 可能'媽'到我們wan呀!

kmwun

近日朝早返工同仔仔講"囝囝乖啦！"，點知仔仔回敬一句"囡囡乖啦！"

佢地都會好攞命架！   

HeiMarie

kmwun 寫道:
近日朝早返工同仔仔講"囝囝乖啦！"，點知仔仔回敬一句"囡囡乖啦！"

佢地都會好攞命架！   

Sometime they are really surprising!
I cant type Chinese and  cant tell my son's shocking word / responses!  Anyway,  its good to see about all the other kids progress!!  Keep it up!!

shing shing ma ma -  sorry I didnt call you today because I was super busy that I totally forgot!!  

承承媽媽

marie, hinma,
係呀!尋晚阿仔又有驚喜啦!
尋晚同佢瞓時無啦啦佢自己唱返隻'神愛我和你',仲一邊唱一邊做動作,d神情好好笑o架!

承承媽媽

各位,
香港痙攣協會在05年一月會有一個'自閉症傾向毛幼兒家長證書課程'

簡介
8/1/2005(六) 2:00-4:00
自閉症兒童的特性及需要(心理學家)

9/1/2005(日) 10:00-12:00
促進自閉症兒童言語溝通表達的方法(言語治療師)

15/1/2005(六) 2:00-4:00
如何促進自閉兒社交發展(高級幼兒工作員)

16/1/2005(日) 10:00-12:00
如何處理自閉症兒童的情緒和行為問題(心理學家)

22/1/2005(六) 2:00-4:00
培養自閉症兒童的基本原則和家居訓導技巧(中心社工及過來人家長)

20/2/2005(日) 10:00-4:00
家長結業禮暨合家歡旅行(中心社工)

地點:橫頭磡香港痙攣協會引導式教育中心舊教學室
費用:全課程$100,每節$25(不包括旅行費用)

有興趣家長可致電23382185向該中心職員報名

承承媽媽

我尋晚行反斗城時見到星咭promote呢套玩具,用星咭買都係$399,仲包埋裡面d傢俱同公仔,我見都唔算太阻地方,所以都有買,值得考慮呀!(可以同阿仔玩d要想像的遊戲)

承承媽媽

各位,
前日同阿仔去香港痙攣協會見言語治療師做評估,嚮做緊評估時治療師叫佢將d物件俾爸爸,佢忽然講:俾媽媽,然後遞俾我,佢都未試過o架!   :  :wink:

HayBMum

hi 承承媽媽,
I want to buy the same one as you.  Have you bought it yet?  I am looking other places (like sogo, jusco etc.) to see any similar one with cheaper price.

承承媽媽

HayBMum,

我見過觀塘有間在廠廈的玩具店有類似這份玩具賣,不過是更大份,更貴,無記錯唔使$1200都要$800,而且太多太大,我屋企無地方擺.   
其實我都見過宜家有類似呢份玩具,不過又係好大件,同埋連屋連傢俱買晒都係要$800-$900,所以我至忍痛買咗呢份咋!

janet7903

我囝囝昨天在雅蘭街評估左有自閉傾向的，現在排早期訓練及特殊幼兒中心。
我想問下你地會唔會去協康會做一次綜合智能測驗比較一下呢？

hinhinmummy

janet7903

如果做左評估, 個人應為無需要再去協康做多一次, 因為無論你再去做的結果都會係一樣, 因為佢地地已經label左你個仔係自閉症傾向, 同埋佢地都係用果d玩具同你個仔做評估.  不如留返d錢, 自費出去做training好過.

如果做training之前, 個姑娘又會同小朋友做多一次評估, 但呢次的評估, 係針對training而做, 所以同你係雅蘭街的會不同.

甘你個仔幾大? 同埋有無幫佢去搵d私人的training?

協康的幼兒訓練幾好架, 你去排啦, 但我果時都排左幾個月架.

承承媽媽

janet7903,

我除咗在中九龍評估中心做評估外無再去其他地方做評估啦!正如hinhinma話齋,留番d錢同佢去其他資助機構做training仲好d!
另外除了協康會外,你還可以考慮香港痙攣協會,因為我個仔的園長也推薦他們的訓練.

janet7903

多謝himhimma及承承媽媽的意見。

等我上網睇下有無訓練課程先。

12312

承承媽媽:
痙攣協會要排幾長時間呀?

承承媽媽

12312 寫道:
承承媽媽:
痙攣協會要排幾長時間呀?

12312,
我唔知要排幾耐~~不過九月尾幫阿仔排言論治療,上個禮拜六同佢做咗評估,下個禮拜六開始training.

janet,
你在評估中心做完評估有無見佢地駐中心的社工?社工會有d資料俾你o架!

janet7903

承承媽媽
我有見社工呀，佢都比左D資料我，但我找唔到痙攣協會/協康會的語言治療幾多錢同時間.....
請問可以比POST D 資料出黎嗎？