多謝你解釋, 好有用
我仔岩岩食ritalin, for佢case, 並無好desperate既野, 佢有多手多腳, 有心散, 好多時唔可以獨立完成作業, 我見過佢落堂後要去搵老師補做堂課, 見過佢張worksheet亂做一通(用口問佢咩都識答), 去到d唔需要坐定既堂, 問題更大, 例如體育堂, 舞蹈堂, 佢坐唔定, 騷擾同學, 有時會有d唔開心(例如迫黎迫去, 俾老師話, 話完連評估都無心機做之類), 亦會衝動地做出d人地唔鐘意既行為(事後問佢, 咩都識解釋架wor)
好差咩? 又唔係, c-咩? 未至於, 但我覺得情況可以做得更好
食藥第1,2 日, 老師有話佢唔想食, 情緒起伏大左, 呆左d, 之後d狀況已經消失, 我仔俾人讚多左, 自信心多左, 佢自己識講, 食左藥, 成日都精神左, 上課做好左, 佢自己都好有滿足感
另外, 上次見醫生, 醫生話我仔社交弱, 唔識"睇人眉頭眼額", 但唔係阿氏保加, 因為阿氏保加唔識亦唔理人感受, 但我仔係識, 不過唔想理(衝動, 自己跳左考慮果一part), 而社交呢樣野係好抽象的, 唔可以教佢點社交, 而係要靠小朋友自己去經歷同探索, 再觀察咩叫好, 咩唔應該, 而adhd小朋友由於缺乏集中力, 所以社交過程中, 無去留意身邊事物, 所以亦學唔好社交投巧, 呢樣醫生開藥時有提過, 一方面俾佢上d社交課程, 一方面靠藥物令佢集中, 再留意多d身邊事, 對佢社交發展都有幫助
我有朋友做協康, 都好多學生需要食ritalin, 所以都俾左d資料我, 內容大致同你講差唔多, 都係4小時, 無咩長遠副作用, 所以我都放心
我同意, 呢個係好複雜既問題, 不過個人黎講, 我唔排斥食藥, 我又講左以上意見, 希望家長可以參考下
原帖由 lillymarie 於 11-1-26 05:01 PM 發表 
點樣既情況先係desperate呢?
例如 學校操行去到C-
媽咪揍佢揍到depression
小朋友開始有對抗性反叛行為(被人鬧得太多), 好自卑, 成績太差.
校長老師 都頂不順叫佢食藥
之類之類 |
發表於 11-1-24 09:14
