阿仔返學狂喊

mumchow

各位 daddy, mummy, 因我個仔係細仔, 上個月足2歲, 今個月先啱啱返PN班. 佢第一日要自己留o係課室1小時, 已經喊到嘔, 今日第二日亦差唔多喊咗1小時, 老師話佢仲有D發脾氣 tim. 我有無咩可以做? 定o係由佢喊喊吓就會ok?

bee918

觀察下先啦, 同老師多D溝通. 我隻bee足兩歲去上n班, 返學斷斷續續喊左半年.

mumchow

Thanks bee918, 個仔而家返咗1個禮拜好D啦, 不過學校今日又打來話我個仔 waitlist 到上午班 (因為而家只係讀緊下午班), 下個月可以開始, 攪到我15/16, 又想轉返好d時間, 又怕佢對住新老師, 新同學, 又喊過.

jaycee_mami

我個仔和你same case, 細仔又係中途插班, 初時返pm, 喊左兩三個月, 慢慢適應了, 點之等到am有位.  

那時都1516, 但am真係好過pm, 唔會扭計想訓晏覺, 而且返am一起身就上學, 返學前無得睇電視玩玩具, 個腦大把位吸收知識, 所以精神應該係最集中.  至於喊, 真係要俾時間佢適應, 初初返學喊2-3個月好常見.  雖然要再次適應新老師新同學, 但唔緊要, 取左am個位先.

josonbb

我個女歲半我俾左佢返一個playgroup響荃灣, 個模式同n1好似, 返1-5, 每朝3粒鐘, hehe, 我可以湊完佢返學姐姐湊放學, 佢喊左頭一個星期, 由第1日喊個半鐘到第5日喊10分鐘就收聲, 家下返左個幾月, 小朋友好快習慣, 因為每朝佢都勁鍾意咩住個書包周圍走, 我問佢見到miss會點佢又勁開心say "hi"

所以..唔駛擔心...至於am/pm, 我個人一定揀am, 因為有幾個朋友為左間出名d嘅學校俾仔女讀左pm, 結果小朋友搞到要夜晚11點幾先瞓, 我就覺得mama地啦....

mumchow

Thanks Jaycee Mami and Josonbb, 我今日同佢confirm咗轉 am, 希望ok.