deleted

someoneelse

點講呢....再難既功課/學習，如果只係搬字過紙，我相信只要多練習多提點，孩子還是可以過關的....但，正因為場地係學校，家長們並不可以很掌握內裡孩子的一切情況 (所有都要靠老師轉述)，所以我會採取比較保險的方法....
其實名校響大家心中，一般會用功課多/深 + 老師嚴/要求高 + 競爭大/急來形容及介定...世界咁大，當中有否例外呢，一定有喇...分別只係多唔多或你有無咁好彩遇到？！
不論名校與否，取錄你孩子其實不等於你孩子適合於該校就讀....無投訴/不抗拒不等於學校會用心/懂得教育你孩子...有朋友試過，孩子入讀了整個學年，學校對孩子沒什麼（學校知情的），但年終時校方告訴家長孩子原來從來是零交流的！我囝同班也有一孩子，由我觀察的年多當中，他跟其他同學仔也是零交流的..最近甚至會自我幻想一些情景出來同自己玩 (因我見他周圍跑，問他，他說因為某某追佢，但某某根本不在場)...想講既係，孩子如果唔擾亂課堂而學習又跟得上的話，有些學校是會包容的...但你估其家長知道孩子在學校是這樣的嗎？而其家長又想唔想孩子咁生活呢？
講黎講去，無人會有一個肯定的答案或對策的，不論對天資聰敏的好，抑或是有特殊學習需要的，一切要家長多了解各學校特質，再加家長對孩子的期望/打算，從而找出比較適合孩子的一間...
另有一點我成日都同人講的，就是學校不是一生一世既事....一試無妨，最緊要家長懂幾時收幾時放...一見唔對路，就要即刻轉 plan B！

[ 本帖最後由 someoneelse 於 10-12-6 18:04 編輯 ]

kelvin_hmlau

十分認同你的意見, 我寧願學校能夠多說他的不當行為, 大家商量對策, 好過抦埋一邊無人理.

包容不是縱容. 責備不是無愛心.

星期六帶個細仔面試二歲班. 成班老師圍在一起, 很有興趣地說這個就是XXX個細佬, 個樣好似, ...

我相信老師無特別歧視他吧.

Capricorn2521

我也很認同你的見解。100%同意。因為我也曾經有十分相同的經驗 --- 老師知情，包容，沒有投訴，十分感謝。但問到某些上課情況時，老師支吾以對，不想說，我知道是老師處理不來，也不想令家長不安。但我自己心裡有數，於是一邊讀，一邊計劃自己個 Plan B!

原帖由 someoneelse 於 10-12-6 17:07 發表
點講呢....再難既功課/學習，如果只係搬字過紙，我相信只要多練習多提點，孩子還是可以過關的....但，正因為場地係學校，家長們並不可以很掌握內裡孩子的一切情況 (所有都要靠老師轉述)，所以我會採取比較保險的方法....
其實名 ...

someoneelse

那你一定頗滿意大仔的學校吧？！將細仔放於同一學校，有時真係要睇家長點睇...祝順利取錄！

原帖由 kelvin_hmlau 於 10-12-6 17:50 發表
十分認同你的意見, 我寧願學校能夠多說他的不當行為, 大家商量對策, 好過抦埋一邊無人理.

包容不是縱容. 責備不是無愛心.

星期六帶個細仔面試二歲班. 成班老師圍在一起, 很有興趣地說這個就是XXX個細佬, 個樣好似, ...

kelvin_hmlau

多謝, 兩歲班都係搵d 就腳學校學下自理,社交. K1 就搵間好d. 當年大仔放棄了的九龍塘宣道, 書包同校服都未丟棄. 希望細仔去考吧.

大仔學校其實不完美, 大班教學 (不像你的兒子讀國幼, 應該是小班,無壓力吧), 老師未必就個別問題處理到. 因為其實已放棄了 Plan B (S 位), 隨住年齡漸大, 現在只好在主流勇往直前.

momoismybaby

deleted

kelvin_hmlau

不用客氣, 都係經驗分享:

基本上, 我估計小兒如果沒有特別行為問題, 老師也會將他視作普通學生. 最大問題依然係情緒同專心.

我們亦請了RDI consultant 同老師商量對策. 今晚又要上堂學RDI. 希望未來年半可以 tune 得比較理想 for 主流小一.

你可以將我的做法視為賭博 (我自己都覺得係, 不過好多家長都係咁做), 因小兒其實未完全 ready. 但我確實希望他在主流環境中學習生存.

sauyue

原帖由 momoismybaby 於 10-12-7 10:31 發表
多謝以上有愛的家長分享，
唉！心灰嘞！以上都是忠言，
會好好考慮的。
最緊要適合阿仔！

想跟大家分享我的体會, 小兒現K2在2.5歲時即n1初期証實為自傾, 他在一間要考入去的(那種千幾人爭百幾個位) 學校讀, 因在家附近, 已向老師講左情況, 基本上如沒大問題老師都沒投訴, 因小兒在行為上是沒大問題的, 最明顯為固執同少眼神加上語言delay, 一年的過去小兒不懂說話也沒大進步。
因妹妹的出世需要將小兒由半日學轉去全日, 出去考當然考不到因不懂說話, 雖然當時已懂超過50個英文生字但都考不上, 好彩原來另一間分校有全日班的而且自己學生有優先申請同不用考, 所以k1轉去另一所分校, 由他第一個月返學, 他由一個十分多固執行為的小孩 : 只飲一種牌子的水杯, 只用自己家的bowl, 耍抱住家的pillow 睡, 等等等…..當然由第一日返學我已寫左4 張A4紙比老師說明兒子的問題及弱項
, 好好彩原來給我們這些孩子最好的, 不是學校有名與否, 而是學校本身老師的愛心.
原來n1小兒全年都無在校飲過水, 因他不懂用杯, 但此我是全不知的。到新學校, 老師每天call 我告訴我他的情況, 足足一個月而且老師用匙每天一匙匙的讓他學習飲水, 到現在他在校自已飲水食飯, 不用pillow 都可睡, 不用帶飯出街, 本以為K1 老師好, K2 都不可有要求了, 點知K2 小兒的情緒因搬家及轉工人而有很大的問題, 老師因此事同我通電不下10 次, 還主動叫校車ee多多照顧小兒, 我＋分lucky 入到此校, 一年內由五個中文都講不到, 到現在我一返家就問我, 買左咩比佢。
我想由我經歷的給你分享

kelvin_hmlau

樓主又唔洗灰心的. 將來你個仔大個, 都唔會有你理佢讀邊間幼稚園: 名校, 國幼, 一般, S位.

最緊要選一間可以幫個仔掃除學習障礙.

比心機 tune 好d個仔. 正所謂, 每個人都會有過去, 英雄莫問出處.

jcm_leung

十分多謝各位寶貴的經驗○ hello, kelvin_hmlau: 可否告知我什麼是 RDI ? 謝謝!

someoneelse

經驗分享係別人的歷史...但你孩子的將來係由你跟他一起創造出來的！
像 sauyue 孩子，正正引證了塞翁失馬焉知非福...如當初不是因為妹妹的關係，孩子不會轉到另一間分校，對嗎？！

原帖由 momoismybaby 於 10-12-7 10:31 發表
多謝以上有愛的家長分享，
唉！心灰嘞！以上都是忠言，
會好好考慮的。
最緊要適合阿仔！

someoneelse

同意！做人要宏觀一點！

原帖由 kelvin_hmlau 於 10-12-7 17:14 發表
樓主又唔洗灰心的. 將來你個仔大個, 都唔會有你理佢讀邊間幼稚園: 名校, 國幼, 一般, S位.

最緊要選一間可以幫個仔掃除學習障礙.

比心機 tune 好d個仔. 正所謂, 每個人都會有過去, 英雄莫問出處. ...

kelvin_hmlau

其實RDI (Relationship Development Intervention) 係以父母為師傅的親子教育模式, 所以父母要上堂同拍 movie 學做好師傅. 對自閉兒的動態智能, 人際關係, 溝通 (社交)有幫助.

開始時係我發現快四歲的大仔的溝通能力竟然不及歲半的細仔, 所以幫佢報左RDI 社交班. 現在這方面的發展漸入佳境.

apple~y

你又唔使諗得太灰
好多0野無人預計到,就算第一個無事唔等如第2個無事
我仔仔之前番私人s位,都認識好多家長第一個好叻,第2個出問題
又認識一對龍鳳胎,個女好叻,男仔就自傾
所以話無0野係百分百肯定
相反我0地經歷第一個小朋友遇到的問題
從中學識很多技巧,相關知識
人都會變得堅強,就算第2個小朋友係有事
都會第一時間知道點做,去搵服務
再唔會好似第一個小朋友感到徬徨無助
唔知點處理,唔使再橫衝直撞
最重要一點係同老公諗法一致,有共識生唔生多個

[ 本帖最後由 apple~y 於 10-12-8 12:30 編輯 ]

ktv

可否詳細些講講關於你仔仔上RDI? 請問用左幾耐先入佳境? 同埋未上RDI前佢係點? RDI 後變成點? 是否在協康上? 謝謝!

jcm_leung

thank you kelvin_hmlau!!

請問那兒有 RDI course ? 我很想 參加, can you PM me the info?? 謝謝!!

kelvin_hmlau

我記得看過的最新數字是自閉兒(ASD) 比例 1: 90, 男女比例 4:1, 如果第一胎係自閉兒, 第二胎都係 1:12.

所以第二胎都係自閉的機會會大些, 好好考慮吧.

PS: 我太太有第二胎時不知大仔有自閉症. 但都吃了一年多驚風散, 所以都要"還神".

"還神" 最好的做法都係好似其他網友咁, 好好分享自閉治療的經驗, 等其他媽咪參巧一下.