deleted

momoismybaby

deleted

Capricorn2521

人人都會有情緒問題，如果醫生冇話有問題，why don't give it a try ?

原帖由 momoismybaby 於 10-12-3 10:52 發表
小兒是剛三歲的進步B,
有少少情緒問題，
其他冇事，
今年去考K1學校,
好彩地有六間學校收佢,
當中有幾間幾好，
如：靈糧堂，救恩，明月仙，靈恩..
St Paul Church 等 result.
小兒是學嘢快，記性好，
但注意力不好，
做阿媽當然想阿仔讀 ...

angels'mom

如果只係上學前哭，未適應的小朋友總會有這個問題；但係你入得"自閉寶寶"這個forum，當然小朋友係有些不同啦﹗

我之前一直未帶兒子考幼稚園，都係怕佢入到之後被叮出來，因為自己都覺得佢未預備好幼稚園生活。老師好的話，可能會叫家長帶佢去評估，唔好的老師，可能由得小朋友自己遊雲~~

所以你說得對，要找一間好的學校，老師要包容有愛心。希望你和小朋友一齊努力。

momoismybaby

deleted

Capricorn2521

原來是這樣..... 我以為小朋友只有注意力吾好同少少情緒問題罷了。我對你提及的學校沒有太多認識，幫不了忙。

原帖由 momoismybaby 於 10-12-3 13:42 發表
謝謝分享，
小兒是有自閉傾，
由於兩歲便發現，
早訓練，
所以進步得好。
吾知道收他的學校老師夠不夠愛心。
有冇家長知道呢！

crystal媽咪

你提及的咁多間學校, 我只對靈糧有d認識.
呢間學校唔錯, 我學生的媽咪有朋友在入面教, 都有收有自閉傾向 / 亞氏保家症的小朋友. 老師都幾包容的.

bobolam

請問你安排了甚麼訓練給小朋友?

原帖由 momoismybaby 於 10-12-3 13:42 發表
謝謝分享，
小兒是有自閉傾，
由於兩歲便發現，
早訓練，
所以進步得好。
吾知道收他的學校老師夠不夠愛心。
有冇家長知道呢！

momoismybaby

deleted

someoneelse

個人覺得樓主有點矛盾...
如果孩子情況可以好到返主流 (起碼面試也有咁多間學校收) 既話，情緒問題應不會太影響孩子的學習的，否則進步不會咁大/咁快...所以家長特別要求有愛心的學校/老師已不成立了 (假設正常的學校，老師們有正常的愛心與耐性)....
但如果孩子的情緒/專注問題值得家長要花心思去選取學校的話，那你為何一定要孩子入讀出名的學校呢？！(假設出名的學校，老師們沒空間/時間去兼顧孩子異常的情緒問題)
又是人生交叉點的時候...樓主先要找出對孩子的教育有什麼期望...當中那一項是最重耍的...老實講，在這裡，很多家長只是尋求一間孩子能“企得住腳”的學校...正所謂學校越出名，難度亦越高....
我最近也有類似的思想出現...我囝上興趣班的中心，老闆 (以前是教書的，他兩女兒正讀保良局蔡繼友) 跟我提出我囝是有能力應付深一些的課程 (我囝現讀正宗國際幼稚園)，問我要不要考慮轉校....回家後跟爸爸談起，爸爸認為我先要尋回當初為何要囝囝讀國際學校的主要原因...當初我們認為孩子應接受輕鬆而開放的教育，深與淺不是問題，最重要係囝囝能否愉快地學習？！現在囝囝看似好掂，係因為之前既催谷，再加現時的零壓力學校生活....最後我那“沾沾自喜”的諗法只維持了一晚而已，呵呵呵...
再者，如果係真正有自閉背景的孩子，問題未必能於現時發現/出現的...什麼聽寫障礙、社交障礙等的問題，可機會遲些才浮現的，樓主要三思！

charisma07

我想要知那些學校的老師夠唔夠愛心與包容，要到果d學校forum度搵搵。

但A仔被老師排擠的情況，係有的﹗﹗我當年阿囝就係咁。

當年我囝都不過係讀"區內名校"，由於係三語幼稚園，我兒子更難catch up，當年老師每星期都有"意見"，最後校長直程"勸退"我走，講到明學校無資源，又話新校所以要維持高水準，希望我明白(<--最記得呢句)，而當年我仔都未做評估，學校經已趕盡晒。

現在我為兒子轉了一間區內不出名的幼稚園，但老師似乎較有愛心，至少老師不會每星期說他有幾多幾多問題，只係話佢專注力差。而我覺得兒子在那兒也開心一點，自己亦較少壓力。

我相信名校中都有有愛心的，問多幾個家長吧﹗加油﹗

pocoyo123

講真, 媽咪可以同時去INTERVIEW 6間學校, 自己的動機已好明顯, 我相信媽咪唔試入去讀下係唔會開心, 不如自己選一間最心儀入去試讀, 反正已收左, 試下都無妨, 如你已評估, 你可KEEP 住做訓練, 不過, 正如有些媽咪話, 好多小朋友的行為&其他問題, 會月大月浮出來, 自己對小朋友多些留意

momoismybaby

deleted

momoismybaby

deleted

momoismybaby

deleted

Anpanmama

我仔仔當年１歲10個月去考靈量堂CWB, 當時未發現仔仔有自傾。
當日係小組型式唱歌/遊戲見老師、主任.....。
到校長interview(都係成班家長+小朋友唱歌)時, 因仔仔怕嘈喊，佢叫主任叫我地出房先，我只覺唔好意思咁出去，當唱完歌仔叫番我地入去, 因為校長會逐個見小朋友。
到我時, 房內仲有十個左右嘅family响處， 校長問我有間仔仔一啲問題, 就當住大家面前同我講:「你個仔似係有自閉症, 我地呢處幫佢唔到架嘞！ 你同佢去check吓啦！」
到今日, 我都仲好「多謝」佢嘅專業意見, 令我馬上揾評估同訓練。
只係覺得响愛心、包容同同理心方面, 可唔可以考慮到私隱同家長嘅感受, 唔使响大庭廣眾聽佢嘅「專業意見」呢？
果日我兩公婆流住眼淚同個仔响學校行出嚟果個情景, 永遠都記得！

pinkdoll

有少少分享

我個仔十月尾去完cac評估 係發展遲緩+自閉症

在過去一個月聽到好多朋友的意見忠告 大部份都說入主流幼稚園啦 個個都話我個仔唔似好嚴重啫

我都想過不如試下啦 一試無訪 唔試過點知喎 或者有人收呢 不過靜深一想 如果我要仔仔去比較出名主流幼稚園 可能我要調較一下自己心態  因為.....若果我決意入比較出名主流幼稚園 在於我自己來說 即是我想我小朋友和正常小朋友一起讀書 受同樣的"待遇" 可以話"公平的待遇" .....但若果我個仔可能坐唔定 可能唔跟老師指示 又可能自理跟不到 種種情況都可能發生架 .....咁樣的話..我想老師怎樣待我的仔仔呢? 我當然想老師及學校完全包容佢 明白接納佢做唔到以上的事情 ..但我又覺得我這個想法有啲"矛盾" 因為....我既然想我仔仔去一所比較出名主流學校讀書 和正常的小朋友一起接受教育和成長 那麼我仔仔無論發生甚麼事都應該和其他同學一樣 無論"賞"和"罰"都應該一樣吧....那我又怎可要求學校去特別遷就和包容我的仔仔呢...

最終我去了一所不出名的屋村幼稚園 有收i位的學生 校長和老師都知道仔仔的情況 仔仔讀得很開心 當然他仍然都有情緒問題 社交問題 言語問題.....仍然等待s位中 若仔仔情況不樂觀 我會安排他入s位 因為如果情緒不好 跟本在學校學不到東西 不可能要求老師日日跟住他吧 始終人手比例1:14 我自己時常提自己學校肯包容接納我小朋友是一件事 但自己小朋友發展進度如何真的又是另一件事呀)

[ 本帖最後由 pinkdoll 於 10-12-4 21:35 編輯 ]

kelvin_hmlau

當然, 如果你兒子只是有很小情緒問題, 你當然可以當佢係普通仔選學校. 人望高處.

但如果他係A仔(自閉或自傾), 情況有點分別. A仔通常會伴隨其他發展遲緩問題: 言語, 社交, 溝通, 理解, 大小肌. 名校跑成績, 如果你個仔的情緒問題長期影響其他同學, 學校不可能包容到這些孩子. 定會要家長自己攪掂, 或勸說退校.

當然, 選擇包容幼稚園, 可能你接放學時會見到大量新移民. 對追求名校家長一時間會比較難適應. 都要調整一下心態.

charisma07

momoismybaby,
A仔隨者著年齡增長，在幼稚園會浮現什麼問題？這是我的分享，問題通常有：

1) 專注力弱。不明團體中發生什麼事，例如分組活動，往往不知自己的位置和角色，亦做每件事都"3秒鐘"熱度，好易被分心。

2) 社交弱。A仔愛自己一個玩。而且隨著升級，分組活動愈多，例如老師要同學2個2個一組，如沒有老師介入，A仔係不懂自己搵partner，有時玩玩下可能會"fing"開同學隻手。

3) 聽指令弱。在幼稚園中，小朋友最要懂聽指令。但通常老師說同一個指令，大部份同學都明白做到，唯獨A仔不明所以一舊雲。

不過，亦唔好被呢D問題嚇親。有著適當的培訓，這些問題可以改善。例如專注力會好一點，A仔亦會開始enjoy團體遊戲，只要我地努力多一點。

原帖由 momoismybaby 於 10-12-4 01:31 發表
謝謝charisma 和 pickup 的分享，
我會再考慮清楚，總覺得幫阿仔選學校，好似去賭咁，睇阿仔偶到什麼老師，他的命運已不同了。
請問有冇家長可告訴我，A 仔通常隨著年齡增長，好似阿仔現在剛三歲，大多數會跟住浮什麼問題出來，即最常 ...

[ 本帖最後由 charisma07 於 10-12-6 12:34 編輯 ]

kelvin_hmlau

同意...

有d 野係可以 training, 例如言語, 大小肌. 努力的父母應該可以迎頭趕上.

但可惜的係, 如果係自閉兒, 因為腦部缺損, 有些比較虛幻的, 例如專心, 情緒, 社交, 溝通等, 比較難掌握.

所以核心問題應該係虛幻果d. 最令家長頭痛.