有無小朋友番咗一年學仲喊??

Mybb-TinaKwong

我都知, 所以我番學途中完全唔會提呢啲字眼, 之前試過一路行一路同佢講, 媽媽番工, 以家你要番學, 玩一陣嫲嫲婆婆接放學, 諗住會好啲, 等佢有定心理準備, 點知盡衰, 未到學校門口已經準備喊, 以家原路行到完全唔提學校啲嘢, 只係講下街上有乜嘢發生, 但佢一差唔多到學校門口, 就會嚟料, 因為佢知要離開我.
不過聽到咁多家長比意見, 比機會我起度講下, 我知個個小朋友都唔同, 但我會再嘗試唔同方法, 直至佢唔喊為止.
搭校車呢個方法其實幾好, 用最快方法分開, 但我HB唔係咁鐘意, 因為佢覺得始終佢太細, 再加上條路線我屋企係頭站, 每朝要接人番學, 到放學又要送人放學, 有乜交通意外, 我驚到時嚇親佢仲煩.
Anyway, 多謝咁多位媽咪意見.

原帖由 ltang7 於 10-12-2 23:09 發表
你囡囡喊緊既時候你有冇問佢因咩事喊，了解佢當時係咩情緒。我女對“拜拜”呢句有d敏感，聽到會引起依依不捨的情緒，　我會同佢講幾時番來接佢來代替byebye。另外，分別時要速戰速決，如果又hug又纜，反而更唔捨得。講完幾時來接 ...

Mybb-TinaKwong

其實我亞囡都有呢個現象, 佢唔捨得同人分開, 如果佢起屋企見到我哋走, 都想想地喊, 但就無學校咁大聲.

原帖由 MASAYA 於 10-12-3 01:50 發表
是不是只是撒嬌引人注意?
我女兒雖然未上學, 但每次有人出門上班她也會說：我很喜歡爸爸喎/我很喜歡媽媽喎/我很喜歡爺爺喎...然後死抱著大人的腳不放...
每次我也跟她說：我知悅頤很喜歡爸爸, 但爸爸一樣要上班的...
其 ...

smfwong555

我個仔都係响第一間學校喊足2個月..當轉左新學校就1星期後就無再喊.....仲返屋企話好開心!! 所以我都好開心做左呢個決定

IJai

喊足一年
there must be sth wrong
-.-

Mybb-TinaKwong

想問你做呢個決定前有無問小朋友想唔想轉學校?
因為我有問亞囡, 我問佢係咪唔鐘意佢現在嗰間學校, 佢又話鐘意, 我話同佢轉另外一間幼稚園好唔好, 佢又話唔好, 話鐘意現在嗰間.  但朝朝番到學校門口都喊, 真係唔明.  見到其它小朋友開開心心入學校, 先最煩.

原帖由 smfwong555 於 10-12-3 16:46 發表
我個仔都係响第一間學校喊足2個月..當轉左新學校就1星期後就無再喊.....仲返屋企話好開心!! 所以我都好開心做左呢個決定

Mybb-TinaKwong

你點樣發現o架, 係你囡囡自己講??  後來最後你囡囡點樣鐘意番學呀?
你講開老師我諗起學校有一個老師都幾惡, 我都complaint過佢, 以家送囡囡番學, 佢會對住我笑, 但唔知我走咗會係點.
其實轉校都好煩, 因為打咗幾間問都係得下午班有位, 但我又唔係咁想番下午班, 真係煩.

原帖由 JodisMama 於 10-12-7 01:16 發表
個CASE同我個女差不多, 她之前都有咁情形, 後來我發覺她原來是怕個新來旳老師(因有天送她返學, 見到她像見鬼咁),又有一次,校車EE放假1星,她不肯搭 校車, 後來發覺個EE好惡, 冇愛心, 把小朋友原有座位掉亂來座, 所以 ...

nataliepsc

我個case都好似...
大女, o係一間佢番左成年playgroup既nursery喊足成個上學期, 因為呢個原因我地下學期幫佢轉左第二間幼稚園, 可能環境好左 (好多玩具), 又或者大個左, separation anxiety少左, 竟然一日都無喊過!
細女而家番緊家姐間nusery (下學期開始番o個間, 應該好開心至係), 點知之前playgroup好開心, 而家就話唔想番學, 又係由9月喊到11月中, 我觀察佢主要應該係唔想同我地分開亦唔想同老師say hello (佢好似覺得好有壓力, 見到個個老師或屋企樓下個guard佢都企定, 拒絕向前行 & 唔say hello), 我地同佢傾過都無咩改變, 而家用另一個方法, 就係速戰速決, 直接抱佢到班房(免卻佢唔肯行入班房既問題), 然後快速放低佢, 唔攬唔錫就同老師拜拜&同佢笑住揮一揮手話媽咪返工啦(again避免byebye呢個字), 再o係佢個書包放一個佢鍾意既毛公仔, 話小兔陪佢番學, 不過唔攞出黎驚唔見左小兔, 佢呢兩個幾禮拜開始無喊喎, 試下啦?

nataliepsc

再唔得就真係要考慮轉校, 小朋友缺乏安全感, 你問佢一定話唔轉, 但係轉換左環境setting唔同, 又可能有改善喎(好似我大女)
而家做家長真係出盡百寶...

ccling69

阿女唔夠安全感, 同埋習慣用哭呢個模式來面對壓力
試下同佢當玩遊戲咁, practice 一下返學同媽媽byebye 自己笑住行入去, 你單純叫佢唔哭唔夠, 要找個代替哭的方法,問下佢學校最喜歡見到什麼...
是以下本書教的:-
自我轉變的驚人秘密：用NLP擺脫恐懼、度過難關、達成夢想
http://www.books.com.tw/exep/prod/booksfile.php?item=0010461203&

Mybb-TinaKwong

多謝你o既意見.  其實 '即閃' 我已經用咗一排, 亞囡係喊得無咁大聲, 但都係會喊.
其實當時你做呢個決定嗰時係咪有其它原因呢? 因為我相信你比大女讀第一間學校應該係你覺得合你要求or心水學校, 如果再揾, 好o既學校一定無位, 其實無乜choice.  所以要再揀其它, 好難揀,  如果有位幼稚園, 都係無乜人揀(即係一般), 又驚影響升小學, 真係好煩.
其實, 最奇怪係我眼見其它小朋友都好開心番學, 淨係得亞囡一個喊先最難決定轉唔轉, 所以我希望揾到辨法就最perfect.

原帖由 nataliepsc 於 10-12-7 11:03 發表
再唔得就真係要考慮轉校, 小朋友缺乏安全感, 你問佢一定話唔轉, 但係轉換左環境setting唔同, 又可能有改善喎(好似我大女)
而家做家長真係出盡百寶...

Mybb-TinaKwong

"習慣用哭呢個模式來面對壓力" => 呢一句我都覺得佢係咁, 一番到學校門口已經準備喊, 點樣先可以另佢改變呢個模式.
試下睇下你呢本書睇下揾唔揾到方法醫治, thanks.

原帖由 ccling69 於 10-12-7 13:16 發表
阿女唔夠安全感, 同埋習慣用哭呢個模式來面對壓力
試下同佢當玩遊戲咁, practice 一下返學同媽媽byebye 自己笑住行入去, 你單純叫佢唔哭唔夠, 要找個代替哭的方法,問下佢學校最喜歡見到什麼...
是以下本書教的:-
自 ...