啟思講座後的感想

SmartCandy

上星期去聽啟思趙校監講座, 校監比我感覺佢都係一個對幼兒教育充滿愛心教育者, 佢想表達小孩教育應該從多方面包括德育、禮貌、專注力等教育入手, 做好基基本教育, 而且要令小孩開心快樂地學習, 日後會加強對學習興趣。 而且佢主張先紮實mother language, 更認為小孩應該先打好自己mother language基礎, 六歲後才認真接受外語就最好, 而這個小時候可以從音樂認識外語 。 佢似乎好重視音樂(唔係要來參加比賽攞獎), 話employ左兩個音樂資深人design佢地兒歌, 講吓講, 佢仲低死話出面有D家長叫D人唔好讀啟思, 讀完可能變成傻仔傻女(因為唔buy佢嗰套從遊戲中學習理論), 呢D係對啟思誤解....
完會後 我心裡想她的理念其實我也贊同, 我記得幼稚園時都係好開心渡過, 不過現今社會係現實, 肯定好多家長未必同意她的理念, 家長評判學校一定問你間學校有無外籍老師? 一日上幾多英文堂?上幾多普通話堂? 幾時教寫字? 有無數學計, 呢間學校英文較勁, 基他野根本不重要...當然這也包括我在內, 因為驚到時上小學辛苦..似乎真係理想和現實不可能走埋一起, 不過我都appreciate佢對教育的執著, 係呢個時侯佢仍然夠譫公開真誠講家長未必鐘意聽嘅野..

[ 本帖最後由 SmartCandy 於 10-11-24 15:56 編輯 ]

bethbaby

Thanks for your sharing!

gwlam

SmartCandy, totally agreed what you said.....

jaycee_mami

很多著重學術和語言的幼稚園, 一樣有培養德育、禮貌、專注力, 一樣令小朋友愉快學習, 同樣地, 老師亦有教母語.

Luis

SmartCandy，我都有去到啟思個個坐談會，聽完趙博士佢個套敎學理念，的確令我對小朋友在學習方面有所改觀，先學好母言，再學其他語言，相信是可行的。

zone

其實如果你想你個小朋友英文好,你應該一日24小時都同佢講英文,唔好講中文,我自問英文唔好,我平時係同佢講中文,如果你網想小朋友返學果幾個鐘可以學到好好的英文,咁你就唔洗諗,如果小朋友根本跟唔到,你就老師不段咁敎,根本就無用,小朋友係學唔到野,所以我好贊成先學到母語(即中文)再學英文,用唱英文歌暫時去學英文係一個好方法.

tychu97

因為當日要同阿仔interview, 沒有到場聽講座,請到場的家長分享多些講座內容及感想。
本人都希望小朋友能夠開心快樂地學習, 喜歡返學,曾經問過友人的小朋友(k2)返學開心嗎?答覆是唔中意返學,細問下, 原來k2已經要背1段故事,雖然不多只是幾句, 但已經另小朋友有一定的壓力,如果從k2開始已不喜歡上學, 日後升小1時怎麼學習呢? 所以我本人都 buy 從遊戲中學習這套。
如果幼稚園學習開始,已有個開心快樂 ga 童年,我相信到升小1也會喜歡學習喜歡返學,也不存在跟不上很辛苦這個問題, 只是父母是否有付出足夠ga時間和愛心教導小朋友。

SmartCandy

我想一提是趙博士講的母語教學不是教"我你他飛機大炮"文字學習, 佢講係教小朋友完整成句子表達能力, 而且說話上要溫文,友善和和直接的。

比喻我公司對外接觸很多大學生, 大家講野中、英、普通話都有la la 聲, 不過仔細再聽其實有D講野好溫文有禮, 有D仍然粗口橫飛句句頂頂聲, 有D講野說話黑人憎, 有d同事講野1分鐘野講左10分鐘, 但都唔知佢想講乜 ..

[ 本帖最後由 SmartCandy 於 10-11-25 23:18 編輯 ]

ol_bb

thx for sharing

tychu97

Hi SmartCandy ,
有些不明?

你想表達的是趙博士講的母語教學好定唔好呢?
如你所說, 教小朋友完整句子表達能力, 說話要溫文,友善和和直接的, 我覺得又幾好 wo~
日後 in 小學時, 小朋友溫文有禮, 善於表達, 印象分都好d啦~
唔洗第時講野一"舊舊"詞不達意^^

原帖由 SmartCandy 於 10-11-25 16:31 發表
我想一提是趙博士講的母語教學不是教"我你他飛機大炮"文字學習, 佢講係教小朋友完整成句子表達能力, 而且說話上要溫文,友善和和直接的。

比喻我公司對外接觸很多大學生, 大家講野中、英、普通話都有la la 聲, 不過 ...

SmartCandy

妳嘅問題真係問得好, 因為自己對佢言論都好迷惑! 佢話小孩要強化母語, 要有深度的優雅母語陪訓, 我自己十分認同。 但變相淡化外語學習, 或推遲外語教學, 作為家長就會變成有有些擔心, 擔心殘酷的銜接小學英語教學問題, .呢個困惑就好似而家選啟思(活動母語教學)或人北角民生(重外語), 都唔知點選..

要知道一個AM class 得3個鐘, 你話又兩文三語, 又有德育, 又有自理學習, 又有physical exercise, 又有母語強訓, 我就覺得無可能做到咁多野。好似嗰D overseas distance learning, 你睇佢 brochure 好豐富, 其實內面個個都係3個月貨仔, 根本水過鴨背, 到時無一樣精, 所以現在頭痛得很..

bbmylove09

原帖由 SmartCandy 於 10-11-26 17:34 發表
妳嘅問題真係問得好, 因為自己對佢言論都好迷惑! 佢話小孩要強化母語, 要有深度的優雅母語陪訓, 我自己十分認同。 但變相淡化外語學習, 或推遲外語教學, 作為家長就會變成有有些擔心, 擔心殘酷的銜接小學英語教學問 ...

我理解係, 啓思一定係重母語 = 身為中國人, 香港人, 點都要以母語為基礎, 打好底子, 才學另一種語言.
另外, 趙博士 著重啓發思維, 她說 將學到既英文都可以具創造力, 她又說 由歌詞寫作成作文的字句. 我覺得幾有趣.
我都好 欣賞她的熱誠, 不過, 好似太理想了.
同埋, 佢唔認為她的學校是活動教學的, 而她說 她的學生升每一所小學 都可以.