York - 太多負面news (太陽報頭條)

lokmai

moominfloren：多謝你！我就係其中一個Ｋ３家長喇！你講中晒我宜家嘅感受，佢係有名氣，不過名氣咪就來自呢Ｄ負面新聞囉！小朋友唔受影響就假喇，呢個月仲要去面試囉，好驚人俾人標籤咗.......

原帖由 moominfloren 於 10-9-30 23:32 發表
對呢間學校真係扣晒分.............
對 d 無辜o既家長更覺得可憐.....一心諗住俾好貴o既學費, 讀間有名氣, 英文又好o既學校, 點知越來越多呢 d 新聞, 特別係 k3家長, 唔通今年先轉校咩?  希望佢o地o既小朋友唔受呢件 ...

moominfloren

原帖由 lokmai 於 10-10-1 13:10 發表
moominfloren：多謝你！我就係其中一個Ｋ３家長喇！你講中晒我宜家嘅感受，佢係有名氣，不過名氣咪就來自呢Ｄ負面新聞囉！小朋友唔受影響就假喇，呢個月仲要去面試囉，好驚人俾人標籤咗.......

...

lokmai,

唔好咁講!  公道自在人心, 大家都有自己o既想法亦不能避免, 但我相信教育界中, 其實都有好多有心辦學o既人, 唔會因為呢 d 事而標籤小朋友, 如果有, 都避免太幼稚.  我識一個朋友o既仔仔 york 嚮畢業, 英文好好, 考到英華小學, 証明 york o既小朋友好有競爭力, 只係學校行政/校長有問題.  祝你小朋友考到好o既學校!

hom76

really can't keep myself from despising such a person who have said this...

引用:

    原帖由 中山人 於 10-9-30 12:30 發表
    呢間簡直係垃圾名校,我看不起呢間垃圾幼稚園,更加看不起比自己仔女入讀嘅家長......

maglam1985

原帖由 lokmai 於 10-10-1 13:10 發表
moominfloren：多謝你！我就係其中一個Ｋ３家長喇！你講中晒我宜家嘅感受，佢係有名氣，不過名氣咪就來自呢Ｄ負面新聞囉！小朋友唔受影響就假喇，呢個月仲要去面試囉，好驚人俾人標籤咗.......

...

如果唔係考直資或私校, 其實考邊間小學都冇太大問題, 因為第一輪係計分制, 第二輪係電腦派位, 到叩門時先可能會有影響。就算考直資或私校, 校長會睇小朋友嘅表現多過讀邊間幼稚園。

我好同情你哋喺度讀嘅家長, 你哋冇錯, 錯嘅只係學校過份歛財先有今日, 希望你放開懷抱, 努力預備應付考小一。

今個星期日香港電台一台早上10:00 有英華小學校長講嘢, 佢應該會講吓收生嘅嘢, 你聽吓啦!

不過唔係好明點解你當初揀呢間幼稚園, 我十年前已經知道呢間係掠水學校, 而家仲話叫家長買"債券", 又話"慕道班", 你哋冇質疑過咩?

[ 本帖最後由 maglam1985 於 10-10-1 15:00 編輯 ]

lokmai

其實當初考K1時,都諗咗好耐,最係揀咗呢間,係因為有朋友個女之前都係呢間讀,後來都考得唔錯,最好笑係竟然有同事係呢間出來，所以對佢第一個感覺都ok，面試時又有Ｄ外籍老師出來同Ｄ小朋友玩到好開心，我又想阿女打好Ｄ英文底，加上面試個老師好快就睇到我阿女某Ｄ特別嘅＂習性＂，咪覺得Ｄ老師好似幾細心咁囉.......不過，當時對個校長就一般，係簡介會時好sales feel, 不過in其他KG時連個校長都未見過，所以比較唔到.....都聽過掠水嘅事，但其實牟利嘅都預咗，我所有要收費果Ｄ都唔參加（連校服都係出去買)，所以佢都好少掠到我水。。。。。唔知係咪就係好多家長係咁，所以佢就諗Ｄ奇招出嚟賺錢!!（以前冇債券呢Ｄ嘢，係剛剛聽人講先知！）

queeniewingchow

咦咦!!! 點解你唔過去 YORK 果邊同其他家長傾下呀, 你又唔駛咁擔心, 去in小一d學校都唔會話你個小朋友"e係york讀喎, 個校長咁出名, d老師有冇教佢做犯法野呢, 會唔會教佢講大話呢, 會唔會為求目的不擇手段"ka ma, 係唔係, 都係睇小朋友嘅表現啫, (仲有家長)
但係我反而想知, 咩係掠水野羅, 因為我個仔讀緊k1, 好想聽下你講呀, 我自己就覺得學費就ok la,, 不過對比我報名之前就貴左羅, 咁學校有課外活動, 不過我都冇參加, 咁都唔算掠水, 連學劵嘅學校都會有嫁啦, 又冇話一定要參加, 咁費錢又唔係貴, 而校服好多學校都可以跟學校買啦, 出去買就一定平d, 咁k2之後仲有咩算係掠水item呀, 我只知有cambridge english, 但係都係自選項目, 學校比多d野家長選擇咁我唔算係掠喎, $$同出面都係差不多, 你可唔可以講下仲有咩???

原帖由 lokmai 於 10-10-1 16:05 發表
其實當初考K1時,都諗咗好耐,最係揀咗呢間,係因為有朋友個女之前都係呢間讀,後來都考得唔錯,最好笑係竟然有同事係呢間出來，所以對佢第一個感覺都ok，面試時又有Ｄ外籍老師出來同Ｄ小朋友玩到好開心，我又想阿女打好Ｄ英文底，加上 ...

lokmai

都有同其他york家長傾緊......
掠水嘢~老實講都真係有......e.g.K3張雜項lists, 我其實keep住K2 嗰張,對比而家, K3張lists貴咗好多好多! 而且對比其他學校係冇咁多items......其中我冇要到Festival & presents呢個item(當中包括Photos), 班主任即時打電話來問點解唔要,話小朋友見到其他有你小朋友冇會好慘, 最終我同個班主任講:我唔想浪費你哋每逢節日所派嘅禮物,每次都係擺係屋企冇用,我想送自己D有意義嘅俾我個女, 相宜家好多K都放晒上網任你download,佢又係要收錢.......仲有網球同小提琴,係option,但佢哋會係音樂堂同體育堂教......你要好好教你個小朋友要做世外高人囉,唔可以人有你有....

queeniewingchow

我地聽就係k2開始有得學violin同tennis, 不過係唔駛錢喎, 咁雜項方面, 成張都係optional, 都唔算掠, 咁又覺得多items又唔可以話完全唔好呀, 我唔知你話多左d咩啦, 都可以出去買嘅, 仲有festival & photo我就唔會cut, 因為我自己都係有晒d相出黎, 其實有學劵嘅學校一樣有買相e樣野嫁, 我朋友果間要成$5張呀, 得半個身都晒埋比你, 咁都係可以唔要, 咁但係就睇唔到小朋友係學校嘅野羅,
咁都唔係叫"掠"呀, 佢一定要你買就話係啫(我個人覺得)

原帖由 lokmai 於 10-10-1 17:40 發表
都有同其他york家長傾緊......
掠水嘢~老實講都真係有......e.g.K3張雜項lists, 我其實keep住K2 嗰張,對比而家, K3張lists貴咗好多好多! 而且對比其他學校係冇咁多items......其中我冇要到Festival & presents呢個it ...

lokmai

其實我唔係想話自己間學校,York雖然係我心目中係牟利學校,但我係預咗去俾，因為York係有佢嘅優點，so far 阿女讀咗幾年，佢真係有明顯嘅進步，如果唔係你同我都唔會揀呢間學校，係咪？不過，呢次校長嘅做法真係接受唔到囉！君子有所為有所不為，呢五分雖然係好重要，都好想有呢五分增加阿女入到天主教名校嘅機會，但唔可以用呢Ｄ方法去搶囉！

Winnietao

原帖由 2隻臭豬 於 10-9-30 15:09 發表


我唔知你本身有無小朋友, 我想話呢個世界, 係有demand有supply, 但而家講緊係道德價值觀問題 , 而家連天主教ga呢個宗教都覺得佢地咁ga做法都有問題呀! 嘩!原來用少少錢同少少時間就可以同小朋友爭取少少野 , 你都 ...

好應同你既睇法 !

cupidshirley

其實大家都不要被騙倒,本人是已受洗的天主教徒,上年教區已登報明言,跟父母受洗者,不可過三歲,過咗三歲要小朋友返主曰學直至小學後,才可領洗,即係用不到那五分.除非父母本身教徒,那小朋友一出世,就會嬰兒受洗.

phoebe-lily

囡囡讀的時候, 都有收交呢樣費果樣費... 感覺都唔係禁好.
現在直頭係走火入魔, 覺得好離譜. York 自身的優點, 不要被校長為了錢攪到衰曬.

OSCAR-SHIRLEY

York的家長唔洗灰心！其實York係商業左但都唔算差，最少的小朋友都學到野！我識的york出身的小朋友成績好好，仲考到好好的學校！我個小朋友依家讀得不知幾開心！(最緊要呢樣)。但係呢单野，校方做錯左，唔該唔好卸膊！！！
ps,希望K3的同學仔争氣，考到間好的學校，報答你的父母，叻俾睇扁人' 果班人'！！！

shootingstar

今日睇報紙, 想不到連基督教也牽涉在內,

"第一類課程針對欲入讀基督教學校的家長，他們可支付數百元修讀「道理班」，完成課程後小朋友將可獲得指定基督教會如浸信會、中華基督教會等的證明，有助入讀教會轄下學校。" (Source: 蘋果日報)

ysnmama

同情約克家長. 子女的學校會有如此的校長.

但身為家長真不能口裡只說它是商業. 但也算不錯

校長的商業角度很高亦很大. 已經跟原本私校需要賺錢的角度背道而馳. 已經不能只用"商業"去形容便可. 當中包含貪婪, 不道德及欺騙.

學生成績有多好. 能考多少名校, 英文多超班. 在這事件上, 真的變成更重要嗎?

現就讀的沒路可行. 亦期望孩子不會受任何影響. 好好努力. 因罪不在學生. 但部份家長卻不能責無旁貸吧. 因為你們可能真的有買校長的"理念".

來年申請K1的家長. 自己當好好衡量. 因為今次事件發生後,  真不知日後考小學會否對該校未來畢業生有否影響. 因為小學選取學生. 除了成績外. 也很顧及家長教育及家庭理念是如何的.

原帖由 OSCAR-SHIRLEY 於 10-10-2 01:58 發表
York的家長唔洗灰心！其實York係商業左但都唔算差，最少的小朋友都學到野！我識的york出身的小朋友成績好好，仲考到好好的學校！我個小朋友依家讀得不知幾開心！(最緊要呢樣)。但係呢单野，校方做錯左，唔該唔好卸膊！！！
ps,希望K3的同學 ...

maglam1985

原帖由 ysnmama 於 10-10-2 10:00 發表
同情約克家長. 子女的學校會有如此的校長.

但身為家長真不能口裡只說它是商業. 但也算不錯

校長的商業角度很高亦很大. 已經跟原本私校需要賺錢的角度背道而馳. 已經不能只用"商業"去形容便可. 當中包含 ...

我絕對同情約克的家長和學生, 我相信沒有人會看扁約克的學生, 只有對你們有一個過份歛財的校長校監搖頭歎息!

我以過來人講吓個人觀感(我個子已經係初中生), 我相信每個讀完幼稚園的小朋友一定可以係幼稚園學到好多嘢, 因為呢個時期嘅小朋友學嘢特快, 但如果講讀完某啲標榜英文超勁嘅幼稚園又如何, 除非你入國際小學, 唔係嘅話大多數小朋友讀小學時, 已經忘記哂好多係幼稚園學好息相關艱深嘅字, 呢個已經有調查實證, 好多幼稚園教過份深奧嘅英文字其實冇太大意義。
除非你讀私校或直資, 否則以而家計分制或電腦派位制, 幼稚園時英文叻叻都唔係咁大幫助!

不過一個願打, 一個願捱, 無話可說, 只好寄予同情, 送上無限祝福。

好奇想問吓約克出嚟嘅學生係咪全部都可以入讀名校小學? 有冇人統計過, 抑或係校長自吹自擂??

fion_yinyin

「但部份家長卻不能責無旁貸吧. 因為你們可能真的有買校長的"理念". ...................來年申請K1的家長. 自己當好好衡量. 因為今次事件發生後,  真不知日後考小學會否對該校未來畢業生有否影響. 因為小學選取學生. 除了成績外. 也很顧及家長教育及家庭理念是如何的.」

言下之理即係小朋友讀york既家長都係「貪婪, 不道德」？校長搞鑊甘甘地既又關我地呢d家長咩事？唔係真係有人信校長話今次係「家長組織」搞掛？

唔通報york就有錯咩？我地york既家長﹙我無報任何咩咩x道班﹚已經係呢件事上面叫做係受害者，唔通讀親york既家長就係貪婪？唔讀york既家長就一定聖人同超級大好人？世紀"完"人？

唔通唔凟york就一定視那5份為浮雲？唔通淨係york家長至緊張5分至不擇手段？

我係york家長，我無報d咩咩同宗教有關既班。但我深信在此事上，其他人要對我們這班家長公道同公平一點﹗
*1,000

[ 本帖最後由 fion_yinyin 於 10-10-2 16:36 編輯 ]

fion_yinyin

假設york畢業小朋友既英文水平高一d，我諗除左升學外，應會終身受用吧。始終小朋友0-6歲是學語言的黃金時期。

[ 本帖最後由 fion_yinyin 於 10-10-2 16:30 編輯 ]

queeniewingchow

係呀!!! 其實由頭到尾都係校長嘅問題, 講下講下由比人話埋d家長, 就算校長有咩新攪作, york家長都有去"消化", 唔係佢賣你就去買ka ma, 你地要明白今次參加嘅家長係因為校長話係正途去做先會join law, 但係就講到d家長知都去支持校長咁, 咩理念唔理念, 學校個理念就係網址有得睇, 就算個校長今次錯錯錯, 我都唔覺得會教壞d學生, 你最多話佢掛住搵多d錢, 一樣有家長覺得佢比好多選擇家長簡, 令到小朋友可以提昇智能, 讀緊又唔代表buy"佢"嘅搵錢理念, 家長都有責任教自己小朋友, 至於考小一我都有講過如果你去小學, d老師唔會諗你係"果間"學校出黎, 諗你個小朋友會唔會學校長"講大話, 咩不擇手段"(有心人講嫁)ka ma, 就算之前不斷有唔好嘅說法, 咪一樣有畢業生考到好學校, 係唔係呀!!!
仲有其實校長都唔係白痴, 攪得簡佈會都明知會有人講出去, 咁why佢仲要有咁嘅諗頭呢, 明知揚出去就一定開唔到班嫁啦(仲要關於宗教), 大家又有冇諗過呢, 唔通佢估所有家長都冇人信教嘅, 所以大家唔好你一句我一句, 關於e件事就等monday學校點解釋先啦.
都係果句, 其實你唔想比小朋友讀未唔讀羅, 唔好講d hurtful說話羅.  

原帖由 fion_yinyin 於 10-10-2 16:26 發表
「但部份家長卻不能責無旁貸吧. 因為你們可能真的有買校長的"理念". ...................來年申請K1的家長. 自己當好好衡量. 因為今次事件發生後,  真不知日後考小學會否對該校未來畢業生有否影響. 因為小學選取學生 ...