祟真, SC, KM, 鑽石山靈糧, KV, 宣道, 你會點排?

hohoho36

原帖由 MMLAI 於 10-10-4 13:26 發表
本人小朋友返祟真已1個月係屋企自己時常講國語及英文,  如你問我net tercher有幾仲要? 我相信我點講都冇用因為你地小朋友一日末係祟真返過學,一日都唔知個答案,不過我只知道語言對小朋友(0-6歲)係好仲要, 上年我都有 ...

請問你的小朋友是返主流班還是國際班呢, 我就幫囝囝報主流班, 因為覺得入國際班機會好低好低, 所以才報主流班, 但又好擔心會唔會英文同國語好差呢?

palmchristy

小女讀崇真主流, 對英語和普通話均很有興趣.

大女讀崇真主流, 升小學後對英語和普通話仍然很有興趣.

[ 本帖最後由 palmchristy 於 10-10-4 22:50 編輯 ]

silvia_ng

原帖由 小曳人 於 10-10-4 11:06 發表


點解家長要關心一間學校有幾多NET/NPT呀?

乜唔係應該關心孩子一日有幾多接觸呢d老師嘅機會/時間咩??

如果去到一間冇NET/地道普通話老師, 咁就唔洗想呢個問題添啦!

再者一間學校有咁多個呢類老師, 每個教既班數都少D, 對小朋友都了解得清楚D。

主流班對NET時間 - 每日15分鐘
主流班對地道普通話老師時間 - 一星期兩堂

我兩個細路英文都OK, PTH就哥哥好D, 妹妹一般。

silvia_ng

原帖由 hohoho36 於 10-10-4 15:48 發表


請問你的小朋友是返主流班還是國際班呢, 我就幫囝囝報主流班, 因為覺得入國際班機會好低好低, 所以才報主流班, 但又好擔心會唔會英文同國語好差呢? ...

我兩個都係讀主流, 但兩個都唔差喎! 咁我自己係屋企係唔比睇電視, 每日都要佢地睇兩本英文書, 睇既只有NOW既441/442台英文OR PTH,又或只係睇廣東話新聞。所以家長如果可以係屋企配合埋老師, 小朋友既語言環境就會更好, 佢地自然會更叻。
但只單靠老師學校就希望小朋友學得好, 似乎去到邊間學校都會好難做得到。

爸爸超人

絕對贊成，其實主流班的照顧已經很好，如果有錢及孩子有能力，而家長又可以配合的話，國際班會是更好，但如果家長只是依賴學校，濶佬懶理，即使入了基督堂，都係無用

原帖由 silvia_ng 於 10-10-4 23:23 發表


我兩個都係讀主流, 但兩個都唔差喎! 咁我自己係屋企係唔比睇電視, 每日都要佢地睇兩本英文書, 睇既只有NOW既441/442台英文OR PTH,又或只係睇廣東話新聞。所以家長如果可以係屋企配合埋老師, 小朋友既語言環境就會 ...

MMLAI

國際班!

原帖由 hohoho36 於 10-10-4 15:48 發表


請問你的小朋友是返主流班還是國際班呢, 我就幫囝囝報主流班, 因為覺得入國際班機會好低好低, 所以才報主流班, 但又好擔心會唔會英文同國語好差呢? ...

palmchristy

由於不是每間都讀過, 故未能為幼稚園排名. 但想分享一些體會.

大女兒幼稚園時讀崇真主流班. 後來升讀小學. 她絕大部份同學是來自宣幼, kv, st cat, york等校.

首學期真要命.  崇幼雖有良好英普環境, 卻是功課不多活動多多的愉快學習型學校, 結果女兒和家長均不習慣, 難以適應學校進度. 首次默書更不合格.

反之, 眼見來自九龍塘區幼稚園的同學仔應付自如, 還指該校小一程度不深, 不少課程K3 時已學過, 功課量又少（或者應說幼稚園時習慣了）. 再者, 同學仔在幼稚園已學懂自動自覺, 所以很多同學都能在每天自修課時完成家課, 回家便可以練樂器, 看書, 做喜歡做的事情, 和大玩特玩了.

但不要以為崇真畢業的會追不上. 在一個學期的追趕後, 女兒意外地排在班上較前位置.

另外論到玩和創意, 女兒並不輸蝕.  沒有學過唱歌的她在舊曲新詞賽中敢於對著小一至小三同學唱歌並取得全級冠軍, 又在田徑賽中取獎牌. 又代表學校參加集誦取得冠軍.  現在正享受普通話集誦隊和弦樂團的訓練.  我想, 這是在崇真的訓練使然, 令她多元發展, 不會只顧埋首學業, 而成績又保持中上.

個人認為, 九龍塘區幼稚園真的可以幫助孩子預備小學課程, 提早讓孩子建立良好的學習習憤, 優勢可延續一年, 之後便要看孩子是否努力.  如果選擇該些幼稚園, 學業上大可放心, 但要注意學業以外的發展, 讓孩子多玩耍, 多參與集體活動.

至於選崇真, 孩子能打好英文和普通話根基和培養興趣, 但要注意孩子須建立良好學習習慣, 把字寫好一點, 寫快一點, 課外書也要多看一點, 否則升小一時會有點辛苦.

至於選那所幼稚, 家長要留意該校的特色和你希望孩子過怎樣的幼稚園, 以及怎樣的小學生活. 始終, 輕鬆快樂的幼稚園生活往往會令初小辛苦一點. 要求高的幼稚園能讓孩子在初小佔明顯優勢. 而良好的學習習慣令孩子終生受用.

至於小女兒, 也是讀崇真主流班.

palmchristy

為了將來考中學較有勝算, 故轉了到九龍塘區的私立小學.

原帖由 嘻嘻 於 10-10-5 23:13 發表
咁...請問你大女係直升上崇真小一定入其他區既小學呢?
因我都聽聞過崇真小一都唔小功課,所以唔知原校直升既係咪都會有感吃力

爸爸超人

Hello,
依言媽咪, 看了你們的網頁都有六年了, 多謝你的分享,
很想問一句, 你們選擇宣小而不選崇小的原因?
能否分享, 又或 pm給我

原帖由 palmchristy 於 10-10-5 21:14 發表
由於不是每間都讀過, 故未能為幼稚園排名. 但想分享一些體會.

大女兒幼稚園時讀崇真主流班. 後來升讀小學. 她絕大部份同學是來自宣幼, kv, st cat, york等校.

首學期真要命.  崇幼雖有良好英普環境, 卻是功課不多 ...

palmchristy

Hi 爸爸超人,

難得你還記得依言. 不知不覺她已小三了.

謝謝你一直對我們網頁的支持.  當中談及早期教育的理念對依言有一定幫助, 讓她在幼稚園前期打好了基礎.  使她考小學時無往不利.  網站內的資料和分享相信對一些家長也有點參考價值.

近日看到幼稚園區的分享, 發現BK真是有很多有心有力肯分享經驗和方法的好家長, 一同為下一代做好準備. 真的要多來收收風.

當日選宣小而不選崇小, 主要是考慮校網, 入讀band1中學的比率這兩個因素. 既然已考入了, 就當是一個挑戰. 在宣小這個木人巷內, 有很多優秀的好同學, 可以和他們一同學習, 一同進步, 也是樂事.