德望校車服務已改善, 問題已解決..

Charlotte_mom

教育局有關學童搭校巴指引, 睇下有無用(FOR學校/家教會向校巴爭取):
http://www.edb.gov.hk/index.aspx?nodeID=2469&langno=2
我自己都有幫小朋友學校(唔係德望)睇校巴, 希望你地明白呢個真係"三剎位", 預左隨時收投訴/被丙
我會希望做到雙贏, 一年流流長, 互相合作關係好緊要, 學生安全/服務穩定會係大前提, 應爭取既家教會有責任(包括安全帶/一人一座位/車隊穩定性), 睇事情亦要以大眾利益著想
希望你地談判順利, 早日解決事情啦

brian61950

再有古靈精怪,可影底或拍底由學校同佢地交涉,免口同鼻拗或怪錯好人.

超載是非常嚴重及不能接受的,如校車公司不改善,可向交通部舉報.

pullip

原帖由 ken9989 於 10-9-8 20:15 發表
簽合約時應該有清楚列明校車公司要處理這些投訴吧? 真的要多向校方反映問題才行

我覺得反映都無用, 因為她們根本是同一班人!
  

每年開學家長都投訴同一樣嘢, 相信學校及校巴公司是知道的, 只是他們像要大小通吃的包辦中小幼學生的校車服務,除了車費加外, 又唔加車, 又唔加褓姆, 這樣服務會好嗎?

再等多幾天吧 ! 待他們切妥路線, 新生又懂上車, 情況會有改善的.

不如估下下星期的orientation day校方/家教會的回覆是不是: 『作為家長的要以身作則, 教會小朋友忍耐, 校方及家教會已一直與校車公司跟進, 相信遲下會改善的.』

至於想自組私人褓姆車的請注意, 街外車不可駛入學校, 下雨天小朋友會淋雨、又要背住書包行一條長樓梯, 還有不論甚麼原因褓姆車遲到, 都會記錄在成績表上 !

YuChing0731

其實一早知道學校要所有校車離開學校後, 才讓褓姆車上學生, 故此分分鐘仲遲過校車才回家, 所有政策都是favour校車公司, 亦都是褓姆車不能生存之原因(女兒向我表示已沒有行將軍澳線之褓姆車), 所以別無選擇, 惟有乘坐校車, 但咁唔表示我哋可以接受咁差嘅服務, 我哋一定要合力向校方同校巴公司施加壓力, 要佢地改善服務

仲有, 請問係幾多號校車超載呢?  我會一同向學校反映:time:

Schoolbus26

我個女係15號校車, 我個女問我點解三人位四個小朋友坐, 而且有個同學仔媽咪話佢個女都話係, 我唔知係咪真, 所以我昨天打電話返學校叫佢地去了解一下真唔係真, 如果係, 我說我真的不能接受.  我今天回去問下個女有無改善.

YuChing0731

我今日下午已聯絡咗PTA主席, 他表示會向校巴公司了解情況才回覆  我女兒表示第一日19號校車確有超載情況, 但第二日己有改善, 超載是違反校車安全指引, 危害學生安全, 一定要舉報

brian61950

其實有幾多小朋友坐邊條路線,校車公司一早巳知,還故意派架唔夠座位的車來接送小朋友,一係博大霧,一係唔夠車.

原帖由 YuChing0731 於 10-9-9 17:19 發表
我今日下午已聯絡咗PTA主席, 他表示會向校巴公司了解情況才回覆  我女兒表示第一日19號校車確有超載情況, 但第二日己有改善, 超載是違反校車安全指引, 危害學生安全, 一定要舉報 ...

小王子popo

我間學校嘅校車公司話:

就算家長係殘廢, 坐輪椅, 公司都唔會遷就你一個....

YuChing0731

今日個女話我知, 她班中有同學是坐15號校車, 確實是日日超載, 四個人坐三座位, 有次有個坐最出面個同學仔轉彎時差點跌落地, 故此很多同學仔全程都要揸實扶手, 你哋話危唔危險   
今晚PTA主席來電回覆, 校巴公司向他表示路線怎樣行由司機決定, 並不是由校巴公司決定, 叫我哋同司機講, 簡直離哂譜 , 記得開學當天校巴比原定時間遲了50分鐘才回到, 我哋幾位家長立即上車跟司機理論, 司機向我們表示路線是由公司決定, 如今他們你推我讓, 簡直可惡
仲有, 我已經將超載事件告訴主席, 他表示事件嚴重, 會即時跟進   

samelsaho

我小朋友間學校重離譜,原本我們回學校只須5分鐘車程,但校巴公司好早接了我們後,跟住去環島遊,最終用了1小時10分鐘才回到學校,向校長反映了,但都冇法改變,為有改為自己帶小朋友去坐巴士,小朋友可以睡多1小時!

Schoolbus26

咁點呀!  個個都唔理, 我地小朋友的人生安全係佢地手上, 學校叉打過去, 依家校車公司叉話唔關佢地事, 好慘呀, 唔通真係要向政府部門投訴.

YuChing0731

其實容許校巴超載學校及校巴司機已違反運輸署學童乘搭校車安全守則, PTA主席已承諾跟進, 你可以再問問你女兒情況有否改善, 如果冇的話, 我會致電交通部投訴, 要求派交通警在學校外徹查事件

Schoolbus26

唔該晒, 真係好擔心, 我今朝問個女, 她仍然說是超載, 我會問多佢幾日, 看看有無改善.

Wallwini

有d19號校車家長已經開始討論自己租保母車, 話晒自己話事, 而且單是新都城也差不多有十幾二十個學生, 如果我們集合到一半, 應該不是難事. 不過, 我們要找一些信得過保母車(你知啦, 我們d寶貝安全係佢哋手上). 我們是否要看看20號之後, 我留意過幼稚園12點放學, 10號校車到寶琳也要12:30, 13:00之前跟本趕不及回來接小學, 奇怪是學校跟本知道杖, 為何不改遲半小時放學, 留在課室總好過在操場.
20號之後我們放15:00, 如果再沒有改善, 要我俾10月份車費都唔甘心.
至於超載 , 我囡囡話頭幾天確有4人坐3人位, 但今個星期好似沒有了, 但我十分贊成跟交通部舉報. 有一次我致電去校車公司, 我話19號校車超載, 佢竟然再問我多一次是否19號, 我話係的時候, 佢好快回答我19號沒有超載, 咁即時有其他校車有超載.

超載問題我也

YuChing0731

昨晚我已將19號校車的詳細情況e比PTA主席, 請他向校巴公司負責人交涉, 亦將15號校車超載情況告訴他, 不知今日超載情況有否改善
其實我都有唸過自組保母車, 不過要找一間良好和盡責的保母車實在不易 , 而家唯有睇吓佢哋有什麼回應, 如果無改善我會在星期四向sister反映, 其實校務處職員都同意我直接跟sister投訴, 可想而知佢哋(指學校staff)都受咗唔少家長嘅"壓力"

仲有希望知道有超載情況嘅家長一定要舉報, 安全一定排第一, 絕對唔容許有此出現

Schoolbus26

超載真係好危險, 全車五十幾人, 仲要超載, 校車唔知係唔係搵唔夠, 我知道幼稚園一駕校車有時是得二, 三個小朋友, 唔知係唔係要拉上補下, 以前我地就要就中學部, 而家就要就幼稚園, 我地小學真係慘, sister有無唸過我地呢班係咁慘.

YuChing0731

所以為咗小朋友著想, 家長一定要出聲, 尤其對待d咁無良嘅公司, 為咗利益妄顧安全.
我女兒向我表示有很多同學不想坐校車, 我今日致電曾於德望揸將軍澳線嘅保母車公司聯絡, 他表示已經唔再經營了, 因為學校政策對佢哋好像要"趕盡殺絕", 好難搵到食, 我女兒話我知而家學校外得噃3至4架保母車行.. , 想轉都唔得, 真係無奈
有冇家長有好介紹, 等d小朋友無咁慘, 我哋唔駛咁勞氣同擔心

Wallwini

如果我們真的打電話告發交通部, 俾少少教訓校車公司, 學校應該會立即要求校車改善. 反正大家都沒有辦法.

Schoolbus26

但如果我地同交通部投訴, 佢唔係駕駕車都超載, 搜第一駕時沒有超載, 後邊車知道要查車時, 可能叫超載的小朋友落車, 咁咪徹查唔到囉!  應該點呢??

brian61950

假設放學時有一交通警守在學校門口,佢梗唔會超載啦.
但因佢架係細車,因此會有小朋友上唔到車,佢應該亦唔會有多餘大車,故最大可能係車完走多轉,第二輪的小朋友可能遲一粒鐘度啦!

如發生而學校都唔諗轉第二間,很容易令人聯想係咪有利益輸送呢?
到時唔止交通部,可能要考慮埋 lCAC.

原帖由 Schoolbus26 於 10-9-14 14:10 發表
但如果我地同交通部投訴, 佢唔係駕駕車都超載, 搜第一駕時沒有超載, 後邊車知道要查車時, 可能叫超載的小朋友落車, 咁咪徹查唔到囉!  應該點呢??