26 個月還不懂說話

copo

阿仔已經 26 個月了, 已在已經番緊 N 班, 但現在最令我擔心的是他不肯說話, 他有時都會聽到他說出姐姐、爸爸爸爸、媽媽媽媽等的一些聲音(或者只是接近的聲音?), 雖然我覺得他並不是叫緊人, 可能只是隨口發出的聲音, 有時也有些太空話。


日間時在家是由女麻女麻照顧的, 我和太太每天都回女麻女麻家吃飯, 然後帶回家睡覺, 早上上班前就帶他到女麻女麻家, 平時女麻女麻都會跟他說很多話, 也有姑姐等和他玩, 說話, 但他就是不太愛說話。


兩個月前兩歲的健康院檢查時, 我們也跟姑娘提及他似乎在說話方面的發展有問題, 姑娘也有同感, 並將於十月約見醫生。


由於剛有朋友的仔仔剛做完評估是有自閉証傾向, 所以近來認真的做資料搜集, 能找到幫他的方向, 希望只是語言遲緩問題。太太說他的朋友的仔仔都係成三歲先識講野, 仲要一識講野就好叻, 話男子多數會有點遲, 所以暫時並未非常擔心, 也有朋友都說男仔一搬都會慢一點, 叫我不要太擔心......雖然為了呢件事心情好低落, 食唔安坐唔落, 或許我太緊張了, 我只是不想我因為缺乏危機感, 遲了給他適當的幫助, 毀了他一生 (是否說的有點誇張?).....


月初開始他開始上 Nursery 班, 也將我的擔憂跟 Nursery 的老師傾過, 老師說他的言語發展是慢一點, 因為一般小朋友兩歲起碼會懂得說一些單字, 比較慶幸的是老師說並未留意到他有自閉症的症狀, 都有同小朋友一起玩, 上了差不多一個月, 行為上都已有進步, 也留意到他上學校後平時都喃喃自語多了說話, 是自己練習發音? 再觀察多一排, 到十月時見醫生再作打算....但都會同時間看多點資料, 找點 weekend 的 playgroup 玩玩, 同佢講多D野, 試試一些網上分享的家居訓練 (大家有好的家居訓練方法可以提供嗎?), 希望可以幫到佢。


希望他會開始再講多D, 吱吱喳喳!

ttlucky0303

只要你小朋友有眼神交流就OK架啦, 我小朋友都係講野慢, 你可以試下同佢去私人言語評估, 再做適當既TRAINING, TRAINING最好係有家長陪住, 從中學習點同小朋友玩, 引佢講多0的野, 每日同佢玩多0的, 講多0的佢周圍既事物, 會好好多,

我個女2歲半先開始集中訓練中文, 而家0的中文好左好多...而家3歲同番我講中文, 不過有唔識既中文都會講番英文, 不過只限於2,3詞組句.以前要問一句/教一句先講一句, 而家都可以主動發言. 不過仍未去追番哂.

每晚同佢講故事同佢玩互動既玩具就會好好多架啦~~
一齊努力啦~~^^

BOYBOYYIP

您好, 我小朋友(男仔)都就快24個月了, 仍然只會說單字 (媽媽, 爸, 奶奶, wuwu (狗) & ya既音), 我都非常擔心呀!! 上個月去咗私人機構評估, 覺得/懷疑佢似口肌問題+失用症. 上咗兩堂training, 都係想令佢郁下個口 (e.g. 合埋, o咀, 豬咀etc). 治療師叫我係屋企同佢按摩下個面豬(打圈), 同埋按摩牙肉, 佢話都應該有d幫助喎....

大家一齊努力吧!!

prinia

我仔仔現在27個月都係仍然未有一個單字, 只係成日自己係度講BB話. 上個月終於排到期去政府兒童體能智力測驗中心見言語治療師做評估同做聽力測驗, 測驗結果話佢唔似有自閉症, 只係言語發展遲緩, 係大慨12個月既程度.

因為仔仔將在9月返N1, 言語治療師話返左學應該會有好大進步, 所以會等佢返左3個月學再跟進. 現在建議平時多D同佢傾偈, 玩D吹氣既遊戲等等, 希望佢會好快講識講野啦!

我都聽過朋友講話D男仔一係唔識講野, 一識講就會無時停...

loklok0104

原帖由 copo 於 10-8-30 18:26 發表
阿仔已經 26 個月了, 已在已經番緊 N 班, 但現在最令我擔心的是他不肯說話, 他有時都會聽到他說出姐姐、爸爸爸爸、媽媽媽媽等的一些聲音(或者只是接近的聲音?), 雖然我覺得他並不是叫緊人, 可能只是隨口發出的聲音,  ...

你真係講出我心聲, 我細仔既情方同你仔仔差唔好, 佢2.6歲, 都係只有單字中(dad dad, ma ma, 哥哥, car car, vi vi, 姨姨, wow wow, 街街, seat seat), 但當中好多都係我地講, 佢才會跟住講, 好多都唔好自己講, 情況令我地非常擔憂, 因為有哥哥既關係, 照計佢應該對佢會好有利於講野, 但...

所以同樣地我同老公為了呢件事心情好低落, 有人話我太緊張, 我亦驚自己因為缺乏危機感, 遲了俾他佢適當既幫助, 毀左佢一生.

[ 本帖最後由 loklok0104 於 10-9-3 13:19 編輯 ]

junjun609

My son is now 27 months ( preterm baby), most of time he speak single words only.Sometimes he can speak 2 words together eg wash hand, sit down, thank you...

He was take care by maid who speak in english, I and my husband speak in Cantonese + English.

He had speech assessment done today , the speech therapist said he had speech delay for about 6 months.

We now plan to start speech therapy for him, but it was very expansive

copo

近日十分著緊阿仔的言論問題，因他到現在成 26 個月都唔會叫爸爸媽媽，佢有時係會講得出那個聲音，但必定唔會對住果個人講，老婆看似沒什麼大不了，還說有小朋友再大才會說話，早上個月我還會有此想法，我只是不想再遲遲不給他正視這問題，始終下年上 K1 時都必須要懂說話才可，或許已經遲了一點，因見好多版友都是 bb 十多個月如發現問題就立即作出行動。Anyway 星期日約了一個私人的語言治療師做一次上們的評估，最住要係可以讓她評估一下阿仔遲緩了多少（我想最少有一年），而且也可以給我們一些專業意見如何可以幫助他學講野。
阿仔雖然近幾星期開始番 N1 時已多了說話，但都是 bb 話，起碼出聲多了一點，希望是個 good sign。

家人都話我是否大緊張，但我只是想 Hope for the best, prepare for the worst。

mybabynbaby

小朋友係自己既, 唔需要對外界交代,只要小朋友好, 有進步就已經好啦~~
好多人既觀點唔同, 正視定緊張, 忽略定自由發展, 好多時只係一線之差

loklok0104

原帖由 copo 於 10-9-4 03:37 發表
近日十分著緊阿仔的言論問題，因他到現在成 26 個月都唔會叫爸爸媽媽，佢有時係會講得出那個聲音，但必定唔會對住果個人講，老婆看似沒什麼大不了，還說有小朋友再大才會說話，早上個月我還會有此想法，我只是不想再遲遲不給他正視 ...

請問你個私人語言治療師上門做評估要幾錢呀？

thanks!

lamn

我個仔剛20個月到, 我肯定佢唔會有自閉症, 平時佢唔肯跟住我地講野架, 不過一落街見到小朋友就一輪咀講bb話.
我知有好多原因都會遲講野, 好多人都話男仔會遲d先講野,所以我唔担心佢唔識講,只係遲d啫,仲會一講就好叻...haha

想問問大家, 你地個小朋友出牙既情況呀..因為我發現出牙快d, 多d既,都好似快d學識講野......我個仔現在只係得六隻牙上面兩隻下面4隻, 唔知係咪真既呢!!!

來個小小既統計...大家研究下

copo

原帖由 loklok0104 於 10-9-4 12:14 發表


請問你個私人語言治療師上門做評估要幾錢呀？

thanks!

$600 50分鐘，其實都係同佢玩下玩具，做 d 一般的測試，如叫佢指下想要的東西，想要的東西可否表達，但阿仔好多都做唔到，有野想要就走埋去拿，唔會出聲唔會手指指，治療師話佢的認知同語言都係得一歲左右，即係起碼遲左一年。佢話又唔係好似自閉症，因為最起碼目光接觸應沒大問題，最大問題係唔識表達，最起碼手指指都唔識。

佢建議平時要多 d 製造機會令佢模仿，因為教佢講野都係基於模仿大人的聲音，才可進一步教佢講野，如將佢喜歡的東西放到拿不到的地方，當佢想要的時候就要教佢表達，手指指他好，同佢講野也好。

當然由於係 freelance 所以就算是評估完係有問題慢左都未能做轉介，最主要係問下佢一 d 意見睇下有咩方法可以幫助到佢，同埋比屋企人知道我的擔心唔係空想，佢地成日都以為佢好多野都識，但佢識有可能係成日做，同環境的選擇性不夠所以佢做到，我都希望佢係果 d 一係唔講，一講就好叻，但現在開始一定要主動 d 比訓練佢，唔可以再縱容佢咁多。

loklok0104

原帖由 copo 於 10-9-5 16:41 發表


$600 50分鐘，其實都係同佢玩下玩具，做 d 一般的測試，如叫佢指下想要的東西，想要的東西可否表達，但阿仔好多都做唔到，有野想要就走埋去拿，唔會出聲唔會手指指，治療師話佢的認知同語言都係得一歲左右，即係起碼遲左一年。佢話又 ...

Thank you for your sharing!

請問果位治潦師係屬邊間機構架? 你有無排政府既兒童發展評估中心呀? 你有無試過協康會既playgroup呀? 我覺得唔錯!

copo

我沒問她在那個機構工作，她那天只是私人性質上來做個評估，她說星期日是不會工作的，或者我們的住所比較近吧。

來緊十月尾會再到健康院見醫生（上次兩歲時姑娘都話佢唔識講野有問題），我想最快到時才開始排政府的評估，另外我正考慮到邁步作一個發展評估，因為他們可轉介排政府服務，應該可以快點開始排。

比較令我安慰的是治療師說阿仔的問題也不算太嚴重，言語治療也可以在家居進行，而且治療的收費也很貴，我想是因為阿仔根本還未有語言基礎，出去做訓練也沒大用處吧，也遇過很多的朋友的小朋友都是兩三歲才說話。現在最重要的是給他製造多點和他溝通的機會，多ｄ同佢講野，多ｄ讚佢，近來都經常聽佢玩聲（ｂｂ話？），N1 的老師都說他平時說話多了（ＢＢ話），也算是有進步吧。

另外，家人都似乎開始認真地正是這問題，多了主動同他說話，教佢做不同的動作，所以呢，第三者講的說話才是真理，我同佢地講就當我發嗡風。

loklok0104

原帖由 copo 於 10-9-7 10:44 發表
我沒問她在那個機構工作，她那天只是私人性質上來做個評估，她說星期日是不會工作的，或者我們的住所比較近吧。

來緊十月尾會再到健康院見醫生（上次兩歲時姑娘都話佢唔識講野有問題），我想最快到時才開始排政府的評估，另外我正 ...

因為治潦師係專業人士, 所以你家人才開始正視呢個問題.

我細仔都係2歲時係健康院被姑娘話佢要見醫生, 之後再過約2星期後就見健康院醫生, 我當時無去, 只有菲姐同爺爺一齊帶小朋友去, 做完初步評估, 我同醫生傾過電話了解小朋友發展, 醫生驚話佢樣樣發展都係遲緩, 我當時好down, 回家我追問菲姐醫生點同細仔做test, 菲姐話整個過程醫生都係用中文問亞仔, 根本亞仔就唔明醫生既指令......

之後我去兒童智能評估中心排期, 排期當日姑娘會同小朋友做初步既test, 今次我自己親自去, 我叫姑娘用英文同佢溝通, 結果佢所以指令都可以做到, 我個心才定下來. 但最大問題係依然唔識講野, 但佢識手指指表達想要既野, 由2月尾排到而家仲未有位, 不過見佢係呢段時間係有進步架, 佢多左好多唔同佢發音(太空話), 多左單字, 有小小基本對話, 如我問佢:得唔得, 佢識答:得, 或好唔好, 要唔要, 佢都可以答我, 自理能力有進步, 如飲水時飲到件衫濕晒, 佢會自己去取紙巾放係衫裡面, 流鼻水時自己會取紙巾抺, 自己除鞋......, 呢D既進步已令我地非常開心, 雖然比正常同年既小朋友還差一大距.

大家都要努力呀!

^Vivi^

各位,

我仔仔現在4歲了, 我是過來人
我睇完你地的留言, 深深感受到大家的憂慮,因為當初我都擔心過, 而且老公無支持, 單拖帶仔仔去呢度去個度見治療師/醫生個種感覺到今時今日我仲記得....

我講返我仔仔的成長過程給大家分享, 可能未必啱大家, 但希望給大家參考參考吧

我仔仔約1歲半試過發聲叫ma / dad 單音但維持好短的時間, 之後完全無發聲
只會叫:"呀...呀呀"(如須要大家幫手)

直至2歲3個月返N班都原全唔講說話, 莫講話單字, 除o左"呀"字其他連發音都無

到差不多3歲開始講ABC,MAMA等,到今日我仲好清楚記得聽到仔仔識講的情景, 非常感動, 我還記得他第一次講2字, 我係開心到成個跳起, 仔仔還跟我一起跳..   
p.s.我個仔由細到大好鐘意英文字母及數目字, 所以佢一識講就係呢兩種字先

當時還以為雨過天x, 因為返學一段時間,諗住佢開始會講說話...誰不知,學校同我講懷疑佢有自閉傾向, 話要搵專業人仕做評估

其實呢段時間內, 我個仔有做私人言語治療, 政府做評估, 見埋兒科醫生等...話佢言語發展遲緩,但無話佢自閉, 而且我見仔仔慢慢有眼神接觸又肯同小朋友玩無再搵私人評估(自閉傾向)

當時我聽醫生建議,買煮飯仔, 洋娃娃等亙動的玩具(因之前我全部買學術性玩具),  每日都抽時間同佢玩,用誇張的說話及表情同佢玩, 盡量要佢回應

仔仔是由奶奶全天侯照顧的, 就算仔仔想飲水都唔使開口唔使自己動手扲水杯, 治療師建議唔好咁容易比佢, 要佢發聲先比佢等等, 如果佢完成到一個發聲,就給予糖果獎勵

仔仔滿3歲後轉變好大, 佢一開始講ABC, 1-10, 跟住中文單字(佢對中文最無興趣)

由於仔仔6個月開始我不停播英文兒歌/迪迪士英語/班尼等, 原來佢入晒腦, 仔仔一識講說話, 就爆晒出來

仔仔3歲半識講1-100, ONE - ONE HUNDRED

mybabynbaby

^Vivi^,

你個小朋友同我個女情況差唔多, 佢由4個月開始睇英文DVD, 睇英文書(都係迪迪尼同班尼..ETC) 1歲時我地讀0的字,佢可以指出黎, 歲半到先開始講英文單字, 2歲佢可以講好多英文單字(sit down, lay down...etc), 佢好鍾意睇, 講野都係以英文為主, 我就發覺有問題, 因為佢只能講英文既字, 未能一句句講, 而英文唔係我地既mother lang. 似乎教唔到佢講多0的野, 2歲我就開始同佢講番中文, 令佢錯過左講野既黃金期, 而家3歲佢終於同我講中文, 不過有時唔記得同唔識中文,佢都會講番英文.
而家只能講3,4詞既句子, 未識發問, 只係成日問daddy/mammy, where r u?

你而家點同小朋友溝通,係英文定中文??
因為我都唔知點做,同佢玩套迪迪尼就用英文, 而家同佢玩同平時講日常生活野用哂完中文, 你係唔係呀??!

^Vivi^

mybabynbaby,

其實我地全家都講中文,當初治療師及班主任都有建議我唔好再比英文字/數目字佢睇,(當時佢一見到英文字母/數目字就入晒迷),叫我地講一種言語, 唔好又中文又英文

今日仔仔都識讀好多英文單字
但各方面都比同齡發展遲, 例如寫字/畫畫等都比較弱,
不過佢識開口我已經好感恩
所以大家都要加油~~

原帖由 mybabynbaby 於 10-9-10 16:27 發表
^Vivi^,

你個小朋友同我個女情況差唔多, 佢由4個月開始睇英文DVD, 睇英文書(都係迪迪尼同班尼..ETC) 1歲時我地讀0的字,佢可以指出黎, 歲半到先開始講英文單字, 2歲佢可以講好多英文單字(sit down, lay down...etc) ...

mybabynbaby

vivi,
佢肯講野真係已經好開心...唔理佢中定英, 不過我言語治療師話中英都冇所謂,只要你教番佢講一次中文就得, 等佢知道同邊個應該講中文, 邊個講英文..
你而家有同小朋友做咩訓練, 可以分享下嗎??!!

loklok0104

原帖由 ^Vivi^ 於 10-9-10 14:57 發表
各位,

我仔仔現在4歲了, 我是過來人
我睇完你地的留言, 深深感受到大家的憂慮,因為當初我都擔心過, 而且老公無支持, 單拖帶仔仔去呢度去個度見治療師/醫生個種感覺到今時今日我仲記得....

我講返我仔仔的成長過程 ...

謝謝你的分享呀！　給我們打了一支勁心針，我非常盼望有這一天的來臨！

pocoyo123

我亞仔兩歲唔講野, 跟工人姐姐, 3歲先有2-3個字組合, 學左3年言語+社交, 現在, 多野講到要佢安靜, 多D訓練啦, 你會好以我亞仔咁