有冇小朋友2歳唔鍾意返學架?

cacanov06

我小朋友8月會返PN, 今個月試下開始俾佢一星期返2日學前班(冇家長在旁).  

上星期上第一堂, 其實已經係得4個小朋友, 有1個導師+1個ASST. 但係佢係完全唔鍾意玩個度D玩具又唔聽指示, 淨係由頭喊到尾, 喊足一個鐘, 我係外面等佢, 聽到佢喊但係又唔可以入去, 真係心到實埋...佢係喊到成個人"扯蝦".  到第2堂開始, 佢都係咁樣, 完全冇改變....

我好担心佢會下次唔鍾意返學, 我可以點做呢?

sheffield

唔使擔心，好大機會返學時都係咁…
小朋友個但性格唔同，有d唔會喊，有d就需要多d時間適應，有小朋友要喊足兩個月呢！唔好介意佢喊，雖然係會心痛，但你都要忍心d擺低就走，唔好回頭望，不能比佢睇到你依依不捨嘅樣，否則情況仲差…
其實多數都係分離果一刻，入到課室好快就冇事。如果適認左環境，同老師健立左信任，好快就冇野架啦！你同佢做定多d心理準備，但就唔好用"唔使驚"等字眼，多用老師好錫小朋友，學校有好多玩具等…
可以同佢買本書書，等佢知道學校係點解，課室只有小朋友同老師，乜野都係細細張，又有玩具同圖書，唔係比大人用，所以爸媽冇得返學…
唔好太擔心啦，是心經階段，bb大個左啦！

oooray

係呀!PN開學仲犀利；男女高低音四重唱...
有D入課室前喊足2個月都有(入到去又好HAPPY)
老師係專業；信佢啦!
開學細心觀察；到九月底冇改善再同學校傾吓...

cacanov06

原帖由 sheffield 於 10-6-24 11:36 發表
唔使擔心，好大機會返學時都係咁…
小朋友個但性格唔同，有d唔會喊，有d就需要多d時間適應，有小朋友要喊足兩個月呢！唔好介意佢喊，雖然係會心痛，但你都要忍心d擺低就走，唔好回頭望，不能比佢睇到你依依不捨嘅樣，否則情況仲差…
其實 ...

嘩, 喊足2個月? 咁d老師真係要有超級忍耐力啦!
我係到諗, 佢係學前班度喊成咁, 其實都唔知學到d咩野, 老師同佢講野, 叫佢玩做指令, 佢都冇做度...淨係喊.
咁其實會唔會浪費時間同$$$呢?  到時返pn可能佢都係咁...咁我仲有冇需要俾佢係度返到8月呢?

cacanov06

原帖由 oooray 於 10-6-24 11:37 發表
係呀!PN開學仲犀利；男女高低音四重唱...
有D入課室前喊足2個月都有(入到去又好HAPPY)
老師係專業；信佢啦!
開學細心觀察；到九月底冇改善再同學校傾吓... ...

4重唱, e+呢個學前班都已經係咁樣....
老師要1對28人, 佢地係咪任由佢地喊, 繼續同唔喊個d玩架?

sheffield

你說的學前班是PN那間學校搞的嗎？如不是，我個人黎講作用唔大…因剛適應完這裡又要適應那裡，小朋友心理壓力好大…但如是同一間學校，環境一樣，那就不要計較是否學到野，只要能幫他早點適應環境就值得囉！當然，唔上學前班都冇問題。其實正式PN時班上好多小朋友都會一齊喊，到時多你一個b都冇問題，就算原本唔喊都可能因為其他小朋友喊搞到佢都喊埋，老師能處理的。老師們都好有經驗，交給他們就可以了！
我亞b上年返PN，佢果班喊的小朋友唔多，我亞b都冇喊，上堂好順利，但另一班頭幾日db喊到連茶點都食唔到，根本不能按正常流程上堂！

oooray

原帖由 cacanov06 於 10-6-24 12:14 發表


4重唱, e+呢個學前班都已經係咁樣....
老師要1對28人, 佢地係咪任由佢地喊, 繼續同唔喊個d玩架?

sheffield已經講得好清楚，我冇乜補充。
小朋友好古惑；見到daddy/mummy就喊到好悽厲；轉頭就玩得好開心；第日返學又重頭黎過...
一句到尾:幼師係呢方面係專業人士!信佢啦!
(如果咁都攪唔掂...點撈?)
(有時k1都會鬧情緒；我上個月仲見校長/主任抱住個喊o既小朋友上樓....)

仔仔錫錫你

學前班係米同pn 同一校址?  如果係, ok, 可以比佢熟習下環境(其實作用不大, 我見有d升k2 小朋友剛開學頭1星期都 )  

如果唔係同一校址, 銀碼又唔大就唔好上喇.  你要明白小朋友好驚幾樣野, 其中包括見唔到佢信任的人(父母) & "默新"環境.  佢返得10堂8堂開始同導師建立信任關係又認清環境, 就話要轉去陌生地方上堂同面對陌生人, 好大機會會 什; 而且佢亦會覺得父母再次離棄佢, 對心理影響可大可小.

RUVSY

我還記得阿b第一日返2歲班時, 老師一手搶阿b走, 我連望他一眼和講句拜拜也趕不及, 老師話我們越不捨得, 小朋友會哭得越厲害, 你可以放學買野食或玩具氹他. 阿仔第一日出來無哭還拖個女同學出來, 之後好奇感過後就哭了兩個星期.

但你們有沒有囝囡返了半年也不喜歡返學, 每次問阿仔都話不喜歡. 但老師話他在校開心.

MIU公主

我個仔番佐2歲班後,整個人都不太開心。番佐幾個月後,佢直情同我講:「我唔返xx幼稚園,裏面有big bad wolf !」

我頭都癢啦!Big bad wolf, 真吹咩! 因我個仔是細B,年紀太少,我也不知他指什麼?
但見他每天回家後也沒精打采,無心機,有時會發裨四,掉東西等等。
因我媽媽(婆婆)照顧他的,她告訴我他返學校後變得不開心,我們又不知他在校的情況。
個人覺得讀了幾個月都唔開心,一定有D野。但學校又無打電話比我講亞仔D野。後其,亞仔有K1九月收他,所以我在2月就退校,不讀這所幼稚園,然後幫他報讀其它課程,普通話、數學及音樂班。

點知,他變得好開心,學習更好。而奇怪的是,亞仔到現在,當綠van經過這所幼稚園,他一看見就會跟我說:「xx幼稚園裏面有Big Bad wolf!」到現在我覺得亞仔很抗拒這校。

所以我們做working mami 都要留意自已小朋友, 有其它選擇的話,讓他開心,愉快學習。

Miu

原帖由 RUVSY 於 10-6-24 13:25 發表
我還記得阿b第一日返2歲班時, 老師一手搶阿b走, 我連望他一眼和講句拜拜也趕不及, 老師話我們越不捨得, 小朋友會哭得越厲害, 你可以放學買野食或玩具氹他. 阿仔第一日出來無哭還拖個女同學出來, 之後好奇感過後就哭 ...

[ 本帖最後由 MIU公主 於 10-6-24 14:50 編輯 ]

cacanov06

原帖由 sheffield 於 10-6-24 12:28 發表
你說的學前班是PN那間學校搞的嗎？如不是，我個人黎講作用唔大…因剛適應完這裡又要適應那裡，小朋友心理壓力好大…但如是同一間學校，環境一樣，那就不要計較是否學到野，只要能幫他早點適應環境就值得囉！當然，唔上學前班都冇問題 ...

你都講得啱! 但係如果呢D適應班當係一個PG咁俾佢學下聽從指令, 學習與小朋友一齊相處, 分享, 等候...ETC.
咁又值唔值得呢?

sheffield

值得！我亞b一歲已開好返親子playgroup，兩歲開始返要自己入去嘅ballet class (當時係4月)，我這樣安排也是讓她早號適應8月的PN，不同的是，我們有足夠時間讓她遁序漸進，再加上我亞b不是太慢熱的一類，所以問題不太。但你個情況係，小朋友本來已是可能較慢熱的一類，現在又已是6月下旬，一開波就係冇媽媽陪伴的playgroup，可能未適應完又或者啱啱適應完(分離和群体)又黎一個時間更長，人更多的PN，這樣情況下，他的心理壓大較大。
倒不如你幫他報一些有你陪佢的playgroup，開始讓他知道同小朋友一齊玩，要排隊墜，讓他感到群体活動是開心的，到PN時已試過同媽媽以外的老師和小朋友一齊，而上堂只是少了媽媽，那他主要適應和處理的的只是"分離"。這只是個人具愚見…

原帖由 cacanov06 於 10-6-24 14:52 發表


你都講得啱! 但係如果呢D適應班當係一個PG咁俾佢學下聽從指令, 學習與小朋友一齊相處, 分享, 等候...ETC.
咁又值唔值得呢?

pollybell

我個仔都有呢個問題4月開始成日話唔返學,要返屋企,禽日最大獲6點幾已經NO,NO,NO,攪到我發火,無理佢,點知佢眼乏淚光過黎同我講I WANT GO TO NEW SCHOOL, I WANT GO TO THE OTHER SCHOOL,跟住籃住我,無出聲,當時我真係好想喊,究竟係咪我錯呢,幾個月都無理佢感受,跟住帶佢上校車,佢回頭望住叫媽咪......之前唔會咁,平時校車一黎即上眼尾都唔望我,終於忍唔住打去學校問班主任,原來前一日俾老師好嚴重咁鬧佢,只不過係我個仔唔想食茶點,班主任一定要佢食,所以攪成咁,但再以前發生咩事我真係唔知,應該都係發生左些唔開心既事,不過重有兩星期,就讀完.可以返第二間,希望佢中意返學啦.

原帖由 RUVSY 於 10-6-24 13:25 發表
我還記得阿b第一日返2歲班時, 老師一手搶阿b走, 我連望他一眼和講句拜拜也趕不及, 老師話我們越不捨得, 小朋友會哭得越厲害, 你可以放學買野食或玩具氹他. 阿仔第一日出來無哭還拖個女同學出來, 之後好奇感過後就哭 ...

sheffield

哈哈哈，我個女在11月時也發生過類似事件，但唔想返學維持左約兩個星期，我地就覺得有唔妥就打比老師，原來都係食茶點問題。雖然老師冇鬧但就好緊持要佢食，試過都未派，亞b見到auntie攞粥粥出黎，亞b就已經喊左出黎…其實個老師的底線是起碼要要試，試左唔食唔緊要，我地也認同，於是我地同老師配合，在家玩role play，老師又張茶點個portion整細，兩日之後佢就開心晒，仲話佢食左肉肉同粟米，冇揀食，老師仲同小朋友講話佢好乖…到依加佢地鍾意返學，當然，有時都話唔想返，但就成日都話掛住邊個邊個小朋友同老師，放學日日都話返學開心…
如媽咪擔心就繨多留意小朋友的情緒，發現有唔對路就跟老師了解多點他在學校的情況，只要佢地在學校開心，但係屋企又話唔想返學都唔使擔心！係屋企始終唔使守規舉，又可以黐住超級錫佢嘅人，d聰明嘅小朋友就梗係相係屋企啦！

原帖由 pollybell 於 10-6-24 15:46 發表
我個仔都有呢個問題4月開始成日話唔返學,要返屋企,禽日最大獲6點幾已經NO,NO,NO,攪到我發火,無理佢,點知佢眼乏淚光過黎同我講I WANT GO TO NEW SCHOOL, I WANT GO TO THE OTHER SCHOOL,跟住籃住我,無出聲,當時我真係 ...

cacanov06

原帖由 sheffield 於 10-6-24 15:28 發表
值得！我亞b一歲已開好返親子playgroup，兩歲開始返要自己入去嘅ballet class (當時係4月)，我這樣安排也是讓她早號適應8月的PN，不同的是，我們有足夠時間讓她遁序漸進，再加上我亞b不是太慢熱的一類，所以問題不太。但你個情況係 ...

我個B都可能係比較痴身個隻, 所以一見唔到我就喊到飛起.  我其實一直到有同佢上緊PG, 都係星期六/日, 一至五就冇, 我見佢8月都返PN, 所以俾佢試下冇我地一齊會唔會都得, 結果係失敗左.....

多謝你的寶貴意見!  

RUVSY

有big bad wolf, 會不會有狼公仔貼在學校嚇親佢, 但小朋友時常將幻想和真實分不開.

阿仔每次都用很慘的聲線講唔鐘意返學, 但我問點解, 他又講不出, 有時話學校黑(但我問老師學校無黑房), 又話不鐘意同學老師. 我湊他返學時其他同學仔已拖拖手好開心(他們大過阿仔, 阿仔是細仔又細粒過他們), 同學仔走過來, 阿仔怕到想哭, 其實我由他一歲就帶他上playgroup, 當時他不怕小朋友, 但現在很怕又缺乏自信心, 都唔知點教. 他是婆婆湊, 唔知會不會返全日的學校對他性格好些.

他上過新學校的k1預備班, 他話想返這間學校.

我老公也話小朋友可能不喜歡學校的規律生活, 喜歡屋企自由d.

小朋友離開家人返學一定想哭, 這也是過度期, 但我覺得不好太細就讓他經歷這階段, 可能真是大仔容易適應些.

[ 本帖最後由 RUVSY 於 10-6-24 16:43 編輯 ]

chulay

無錯! D小朋友比老師話小小佢哋就唔想返學.
我個細囡今年一月兩歲返Nursery返到而家六月,佢仍然係學校門口喊,唔肯入學校,到現在都係老師捉佢入去,過一陣再偷望佢又無再喊. 老師話佢係學校好開心,我問佢鍾唔鍾意返學佢就話唔鍾意,有時都唔知D細路唸D乜!

原帖由 sheffield 於 10-6-24 16:05 發表
哈哈哈，我個女在11月時也發生過類似事件，但唔想返學維持左約兩個星期，我地就覺得有唔妥就打比老師，原來都係食茶點問題。雖然老師冇鬧但就好緊持要佢食，試過都未派，亞b見到auntie攞粥粥出黎，亞b就已經喊左出黎…其實個老師的 ...

MIU公主

佢之前返tutortxxx 又無野,返學很開心,但後來轉了這所xx幼稚園,問題就發生了。
不過現在佢一個星期返三天課程,比較輕鬆,不想給他想像學校是一種壓力,因為九月返K1。

原帖由 RUVSY 於 10-6-24 16:36 發表
有big bad wolf, 會不會有狼公仔貼在學校嚇親佢, 但小朋友時常將幻想和真實分不開.

阿仔每次都用很慘的聲線講唔鐘意返學, 但我問點解, 他又講不出, 有時話學校黑(但我問老師學校無黑房), 又話不鐘意同學老師. 我湊 ...

RUVSY

原帖由 cacanov06 於 10-6-24 12:11 發表


嘩, 喊足2個月? 咁d老師真係要有超級忍耐力啦!
我係到諗, 佢係學前班度喊成咁, 其實都唔知學到d咩野, 老師同佢講野, 叫佢玩做指令, 佢都冇做度...淨係喊.
咁其實會唔會浪費時間同$$$呢?  到時返pn可能佢都係咁... ...

其實我覺得不同學校也不需要返, 他又要適應多一次好辛苦, 可能你能不能夠在現在返開的pg中離開一陣, 等他在熟習的環境適應自己一個會容易些.

MIU公主

我都好同意,讓他離開一陣子。
喊兩個月好可僯。
始終他們是年紀少,不太董表達。

原帖由 RUVSY 於 10-6-24 17:07 發表


其實我覺得不同學校也不需要返, 他又要適應多一次好辛苦, 可能你能不能夠在現在返開的pg中離開一陣, 等他在熟習的環境適應自己一個會容易些.