社交小組或單對單訓練好?

jasmine4711

小兒4歲半,已上了2年語言治療,但剛被評懷疑自閉傾向(好輕微).在家一不順意就易情緒失控(尖叫打人),在校就呆若木雞一言不發冇セ朋友,但去到公園就好合群好多小朋友同佢玩.

有社工/有自閉兒的朋友話去社交小組好,可學與人相處.但亦有社工/有自閉兒的朋友話單對單訓練好,可集中處理個人問題.

因為仲要交費去私家語言治療(仍有去政府的,但覺冇用),負擔不到3種治療.社交小組或單對單訓練只可任擇其一,請問應選那樣好?

註:單對單綜合訓練是由幼師負責,所以語言治療非其專業.

amycml

我建議你既小朋友暫時單對單訓練比較適合，因為以你所講佢有時會情緒失控打人，如果小組的話，導師未必兼顧到你小朋友既情緒問題，同埋有其他小朋友在場，對你仔仔太多刺激都唔係一件好事，可以試下單對單處理左小朋友既情緒管理上的事宜，之後到你覺得佢開始管理到自己時再轉去小組都學其他野都得

但我建議可以搵治療師而非幼師去做治療，因為幼師平日做開大班教學，單對單既形式未必專業

Capricorn2521

我覺得可以試吓小組先，因為你話小朋友在校呆若木雞，我相信佢係吾懂得處理太多人的情況，而在公園裡人數少，自由d，他處理倒。所以我建議可以在小組中，人數不太多而又有些規則的情況下，建立佢社交的自信心。

如果你擔心佢失控尖叫打人，你可以在中心課室外等侯，多數1堂1小時，有須要時你可以隨時入去幫手。(不過應該不會，你話佢只在家會這樣。) 同時，可以在小組3-4堂後，問吓導師，小朋友在家，在校及在公園不同的表現，代表什麼，及如何改善。

看看情況有否改善，再決定是否需要個別綜合訓練。始終小組比較經濟。

其實你上緊語言治療，都可以問吓個治療師的意見的。

注意，綜合訓練是按小朋友個別弱項而教家長如何在家訓練小朋友，而非小朋友上課。如果家長在家不跟進的話，便十分浪費金錢及時間上課的。

另外，如果講野方面已進步，吾上語言治療而上其他訓練又得吾得呢?

[ 本帖最後由 Capricorn2521 於 10-5-31 12:38 編輯 ]

rain75

原帖由 jasmine4711 於 10-5-30 11:07 發表
小兒4歲半,已上了2年語言治療,但剛被評懷疑自閉傾向(好輕微).在家一不順意就易情緒失控(尖叫打人),在校就呆若木雞一言不發冇セ朋友,但去到公園就好合群好多小朋友同佢玩.

有社工/有自閉兒的朋友話去社交小組好,可學 ...

你自己最想處理邊樣先?

如果你想處理情緒先，而佢又只係喺屋企先有情緒，可能需要家居訓練，教家人針對性的管教方法，因為佢對外人如果無嘢，小組都唔會幫到佢喺屋企嘅情緒。

SandraLo

原帖由 rain75 於 10-5-31 22:37 發表


你自己最想處理邊樣先?

如果你想處理情緒先，而佢又只係喺屋企先有情緒，可能需要家居訓練，教家人針對性的管教方法，因為佢對外人如果無嘢，小組都唔會幫到佢喺屋企嘅情緒。 ...

同意
如佢响屋企先有打人的問題, 在其他地方冇, 應該係屋企人管教嘅問題, 要屋企人去學點教先係治本方法！
個ST對佢幫助如何？如冇大進步, 可考慮轉個ST, 另外佢學習有冇落後？ 有嘅話就先要單對單咁幫佢先, 冇就可以去吓小組, 希望同其他小朋友有「火花」擦出, 兩樣都幫到！

jasmine4711

語言治療師(ST)已轉幾次,這個是so far 最好的.追得慢,因他不合作練,但算有進步,唔想cut.他是年尾仔,功課要解很多次才明白,勉強跟得上,會repeat k2.

ST有俾意見話佢咁輕微叫去social group, 但同佢play therapy 的social worker也有意見,居然叫我轉去有I 位的幼稚園.就因為熟悉佢的人有咁不同(咁相反)的意見,先唔知點揀.政府評估完就騎牆,叫我自己揀用咩方法....

最大問題是情緒與社交.但如語言進步,他能表達自己的感受,情緒與社交都會改善.

Capricorn2521

就係輕微先至入I位，否則要入S位。你擔心佢D功課跟吾上，I位學校有多一位兼收老師跟進，減輕你在家跟功課的壓力。

如果你吾想轉校，全職媽咪，咪可以去參加一D SOCIAL GROUP (社交小組)。

遲D佢進步咗或者退步咗，你又要改變策略....好多時d野係冇model answer的，只視乎你的信心、技巧、時間及金錢去作選擇。所謂養兒一百歲，長憂九十九。

話說回頭，我覺得佢只係在家才有情緒失控，在校在公園冇情緒問題，其實在上個別或小組課，佢都冇大問題，那倒不如上小組，一來經濟D，又可等小朋友多接觸社交規則，在不同情境下，學習該說什麼。學懂明白後，可能情緒都不用抑壓在家(安全區)發洩，而你又可查詢一下導師有關管教的意見。

其實你和老師的耐性對小朋友才是最重要。

原帖由 jasmine4711 於 10-6-1 23:40 發表
語言治療師(ST)已轉幾次,這個是so far 最好的.追得慢,因他不合作練,但算有進步,唔想cut.他是年尾仔,功課要解很多次才明白,勉強跟得上,會repeat k2.

ST有俾意見話佢咁輕微叫去social group, 但同佢play therapy 的so ...

[ 本帖最後由 Capricorn2521 於 10-6-2 16:28 編輯 ]

Capricorn2521

一個互動的環境才是真實的世界。太多單對單的治療模式，反而令孩子缺少了現實的參與。

請參考 : http://www.counsellingplay.com.hk/doc9.htm

SandraLo

原帖由 jasmine4711 於 10-6-1 23:40 發表
ST有俾意見話佢咁輕微叫去social group, 但同佢play therapy 的social worker也有意見,居然叫我轉去有I 位的幼稚園.就因為熟悉佢的人有咁不同(咁相反)的意見,先唔知點揀.政府評估完就騎牆,叫我自己揀用咩方法....
...

我不覺得他們的意見有大分岐......
情況可能是.....
ST話佢輕微是將他的語言能力和程度較差的小朋友比較
而social worker叫他轉 I 位是 I位有資源老師幫, 令他學習得更好, 而 I 位幼稚園基本上是一間普通幼稚園, 不過會收幾個有特殊需要的小朋友.