好感謝囡囡班主任

tramtram

小女是小一生, 回想開學初期, 好頭痛, 因佢在(活動式教學) 幼稚園升上去, 寫字少, 識字又唔多, 而我自已都想佢開開心心過幼稚園生活, 所以無刻意叫佢練習 .

到小一開頭佢寫d字好唔靚, 筆順, 字體各樣都唔掂, 老師改回來, 分數低唔使講, 改正一籮籮同重寫無麥分別.... 佢寫得多又話倦, 我為唔想佢改咁多, 要求擦左去改過, 佢又唔開心, 大家為功課鬧交好傷感情....

開學無耐班主任 (中文老師) call 我, 目的了解下囡囡上左小一情緒 & 適應問題, 我同老師都覺得佢寫字唔太好, 老師好細心分析, 佢執筆, 唔專心, 心急 (都有影響) 寫字...., 老師主張用鼓勵方式來幫她, 當中老師都提及囡囡上普教中文堂時, 聽都ok, 但好少回答問題 (就算佢答問題都係用單字), 我又擔心佢跟唔上課程....經過一段時間老師包容/鼓勵...., 囡囡係上學期尾, 中文寫字靚左好多, 分數高了 (佢自已都有返自信心) 又無咁多改正, 連帶造句都好左好多, 之前, 佢要等我回家幫佢作, 而家佢可以自已諗定大致內容/有時可以作好, 等我回家check. 普通話老師都讚佢又問又答無問題,

我好恩惠, 囡囡可以遇上一位咁有愛心, 包容, 有耐性老師.

琴日, 囡囡好開心同我 & daddy 講, 佢有得做副班長.

我要求好低只要佢跟得上, 每天開心上學, 就滿足了.

[ 本帖最後由 tramtram 於 10-4-13 12:20 編輯 ]

brian61950

老師真好人,不如由囡囡畫張心意咭多謝佢呀!

原帖由 tramtram 於 10-4-13 12:09 發表
小女是小一生, 回想開學初期, 好頭痛, 因佢在(活動式教學) 幼稚園升上去, 寫字少, 識字又唔多, 而我自已都想佢開開心心過幼稚園生活, 所以無刻意叫佢練習 .

到小一開頭佢寫d字好唔靚, 筆順, 字體各樣都唔掂, 老師改 ...

tramtram

好提議

復活節假期, 我問囡囡最掛住學校邊位 ? 佢答係老師, 好的老師小朋友最感受到.

原帖由 brian61950 於 10-4-13 13:36 發表
老師真好人,不如由囡囡畫張心意咭多謝佢呀!

彩陶

對呀！我現在都記得我以前小學既李老師、中學既羅老師…很感謝她們！

Fion_Chan

Smalljokerbb

你囡囡真幸運,能遇到一位"真正"的好老師!

原帖由 tramtram 於 10-4-13 12:09 發表
小女是小一生, 回想開學初期, 好頭痛, 因佢在(活動式教學) 幼稚園升上去, 寫字少, 識字又唔多, 而我自已都想佢開開心心過幼稚園生活, 所以無刻意叫佢練習 .

到小一開頭佢寫d字好唔靚, 筆順, 字體各樣都唔掂, 老師改 ...

tramtram

多謝各位祝福.



希望各位小朋友都遇上咁好老師, 可以愉快地學習

KitBo

能遇上位好老師, 真是小朋友的福氣!

(都唔記得係邊度有人咁講過, 不過也倒是真的.)

grace_xian

真是一件值得開心的事