對學之園十分失望

tantanmama

我個女係08年12月尾, 超細b. 我2月時都報咗TKO嘅學之園, 報之前問過, 佢地都話會in晒所有報名BB. 但係要等收完大B之後, 有位先收細B. 到而家都未收到信有冇得in. 但見大家咁講, 我諗都冇得in喇.

tantanmama

我個B本來預產期係09年1月尾, 但佢早產5星期, 變咗08年12月尾. 由大B變細B先知原來細B條路真係係難行咁多.我地細B媽咪唯有努力D去幫BB揾學校啦. 努力加油.

tantanmama

原帖由 wendycyp 於 10-3-15 14:22 發表
如果係咁, 點解你要bb做今年嘅細b, 而唔做出年嘅大b呢? 講真, 始終你bb仲細, 再加上早產, 我覺得你都要俾返些少時間佢啦...

唔好意思, 我係講真心話, 希望你唔好介意, 因為我bb都係早產5星期 (不過係3月變2月), 我 ...

我唔介意, 我都明早產b真係會慢d, 初初學坐, 學爬乜都慢人一步, 我都係平常心, 慢慢學囉. 讀書方面我都唔係一定要佢做細b, 只係見其他細b都報pn, 我又試下跟住報. 我諗住如果個女適合讀pn而又有學校會收, 唔應該因為我冇幫佢報而要佢遲一年讀.  所以如果有學校收, 就俾佢返, 冇亦冇所謂, 出年再報過.
我報咗學之園同其他幾間英文糼稚園,都係因為佢地話會考慮細b, 唔係真係要谷個女讀書. 喺揾學校嘅過程中, 先發現好多學校一聽到係細b, 就直接話唔會收, 叫我唔好報, 果時先真正體會到細b媽媽嘅苦處. 希望所有細b媽媽都努力加油.

tantanmama

剛收到第一間pn班interview通知信, 係TKO Box hill. 真的很開心. 雖然唔一定收, 但總算係有得in.  
各位細B媽媽不要氣餒, 我相信細B都有叻B, 唔收細B嘅學校, 係佢地嘅損失.

tantanmama

今日收到LH將軍澳分校通知, 細B會9月interview. 各位報咗呢間分校嘅細B家長唔洗灰心住, 佢地今年開8班pn (上下午各4班), 4班K1(上下午各2班). 我估佢地開學應該有位剩.

tantanmama

原帖由 calbee6 於 10-3-29 22:50 發表
點解我無信既?要9月至int.?有排擔心. 到時唔收有咩好讀呀?


  

係電話通知. 話會in之前兩個禮拜再出信. 個staff都好nice嘅, 我問咗好多問題, 佢都好有耐心答我, 唔係趕住收線果隻.