粵英班 / 普英班的考慮

shootingstar

小朋友的學校可以任揀粵英班 / 普英班, 大家會揀哪一班?  想多聽大家意見.

我選了粵英班, 基於以下原因:

1. 我見小學面試大多用廣東話/英文, 好似無乜學校用普通話interview.  

2. 就算揀粵英班, 仍然每天都有普通話堂上, 不過只有15-20分鐘.  

3. 仔仔(細仔)講野唔算太叻, 怕同時間太多語言會令佢混淆, 兩頭唔到岸.  我唔想因為聽唔明, 影響認知和學習進度.

4. 家裡無人識普通話, 無人跟到佢功課, 要全靠自己發揮.

5. 我見有不少津校雖然引入了普通話教中文, 但1級4班可能只有1班以普教中, 即係以廣東話教中文在津校仍然是主流 (這可能與師資不足有關).  而且小學課程緊逼, 如果在幼稚園以普教中, 小學即轉以粵教中, 可能要預計小一上學期唔太適應.  

坦白說, 我個人係傾向粵英班, 你見我列左多個原因就知, 但今日拜年時俾奶奶問起, 佢就不停以責怪口吻問我點解唔揀普英班 .   我都明白從小學習普通話係最好最標準, 長遠係最最最好的, 但我衡量了仔仔和香港學校今時今日的實際情況, 我暫時仍覺得粵英班較好.  所以我想聽下各位媽咪的意見, 希望大家能分享一下實際經驗.

TigerLady

你 BB 是讀 N1 還是 K1? 我的情況和你相似, 屋企人 D 普通話好普通, 怕教壞小朋友.

所以 N1 我地係上粵英班, 何況 N1 都有普通話班. 到 K1 時再睇情況, 睇阿 B 到時跟唔跟到, 進展良好先同佢轉普英班.

marcuscyrus

有冇機會k2時switch?我兒學校k2開始才會有pth老師做班主任，我覺得咁樣安排幾好，但係我又覺得返學得3小時，其實又唔會話上左英普班到考小學時又冇左優勢，其實同學仔交談之間都係講返廣東話，o係屋企又係講廣東話，其實都仲係主要o既語言，不過如果本身照顧者唔係講廣東話可能就要再諗諗.

TigerLady

你話基本溝通我地 D 普通話都可以, 不過如果要教 bb 做示範就...

我係擔心幾年後讀粵英班會唔會輸蝕, 我地心目中想讀既係蔡繼有/陳守仁/培僑呢類既直資. 但又擔心普英班我地俾唔到足夠 support 小朋友.

BBG1

我贊成母語為先，學好廣東話先啦！遲D先學普通話都未遲。況且即使是粵英班，一樣會有普通話學呢！其實普教中是為了迎合祖國呢！是否真的學得多就識得多呢？如果自己母語都學不好，溝通能力及自信也會有問題的。普教中有時是因為人有我有，綽頭來的。係唔係咁細個就咁重要呢？

[ 本帖最後由 BBG1 於 10-2-16 18:45 編輯 ]

TaTa83

個人認為, 如果心儀係直資小學, 小朋友能夠操流利ge兩文三語, interview o個陣相信會有利d, 所以黎緊我仔仔上k1都會選英普班, 至於pth, 我自已基本溝通無問題, 不過教就真係爭dd, 同意charlotte_mom所講 - 終生學習, 所以黎緊會打算進修pth, 同仔仔一齊努力~

DaisyDaisy

Charlotte_mom,

Can you share with us whether your daughter having Cantonese/English Class or PTH/English Class?

Thanks a lot!

TaTa83

補充一下 : 仔仔班主任ge建議

如果小朋友語言發展良好or已能夠掌握一種基本語言, 就可以考慮k1轉英普班, 如果未得, 可以考慮k2至轉~待佢地語言發展好先轉, 否則真係會兩頭唔到岸......

GCCC1231

Although Cantonese is our mother-tongue, it is only a dialect of Chinese Language.

Fluent in Cantonese can't help your kid in written Chinese.

However, I agree the mum saying that your kid should learn and understand your mother-tongue well before adding one more language to the kid.

It is too harsh for our kids in HK!

eggmama

我係屋企嘅做法係:看書說故事只用ENG OR PTH, 平時玩同生活先可加廣東話, 囡囡會自動波轉.

twinsstar

sooo gd .Envy u!!!. my PTH is v poor.... :( can't really do that to my son.

原帖由 eggmama 於 10-2-21 07:58 發表
我係屋企嘅做法係:看書說故事只用ENG OR PTH, 平時玩同生活先可加廣東話, 囡囡會自動波轉.

BH_2

我就一定會選英普班, 因為我都是細個開始學, 先無困難地掌握好PTH, 剛同阿仔去左一轉大陸行, 佢自動波可以轉用國語同內地小朋友(街邊識) 一齊玩, 我覺得幾好. 小朋友潛力好大, 不需太擔心他們在會混亂左廣東話或普通話.

virginia_328

呀女剛開學時我都擔心o架!  
我個女K1開始就讀英普班, OK喎, 佢係o學校學普通話, 返到屋企我會問返佢廣東話點讀, 佢都識, 所以小朋友應該掌握到, 唔駛過份擔心!

share123

雖然我屋企有語言環境,但當初我幫小朋友選英普班,都有d擔心會影響佢以後用廣東話面試既表現. 不過,經過大半年的英普班生活,我覺得比想像中好,佢既廣東話無唔dim,反而普通話真係突飛猛進. 所以,我好贊成大家選英普班

i.cream

我的想法跟樓主一樣, 我曾聽過有小朋友讀全英普幼稚園, 之後上了一所中文及其他科以廣東話為主既津貼名校, 中文科完全跟不上

PTH 當然重要, 但我覺得要看將來選小學既取向!

kfy

同意，除左中文科，其實數學科都會係死穴。如果幼稚園是以英文為主，上到中文小學數學會有問題，因為要睇文字題，老師講解也用廣東話。　

原帖由 i.cream 於 10-3-29 12:51 發表
我的想法跟樓主一樣, 我曾聽過有小朋友讀全英普幼稚園, 之後上了一所中文及其他科以廣東話為主既津貼名校, 中文科完全跟不上

PTH 當然重要, 但我覺得要看將來選小學既取向! ...