幼兒園男女共厠

mablewong2003

如果一間幼稚園暨幼兒園的小朋友厠所有三個厠所, 一個係男女一齊去厠所的幼兒園學生厠所, 另外兩個係分開男女的幼稚園學生厠所, 你地覺得有冇問題呢???  因為我親見到幼兒園學生係男女共用一厠, 同一時間.  性教育不是應該自少教育嗎???

lafayette

共用唔緊要, 最緊要唔好同時用, 因為屋企個廁所都冇分男女啦

小曳人

我個仔嗰間, N班嗰層.. 男仔响入面, 女仔响出面, 有板間開兩邊..
我唔清楚上面K班嗰層係點, 不過我唔覺得有太大問題..

MuiMuiQQ

我自己覺得始終男女廁分開會好d , 如果同廁, 都要有板間開兩邊 ...

媽珠

我覺得唔係o敢好, 去厠所要自小教, 唔分得清清楚楚小朋友會混淆 . 男女同厠都得, 除非得一間. 但通常幼稚園一個厠所內會有幾個馬桶. 同長家講實話會男女分開去, 但實際呢....................
呢o的o野都係要自小教好.

原帖由 mablewong2003 於 09-12-16 01:17 發表
如果一間幼稚園暨幼兒園的小朋友厠所有三個厠所, 一個係男女一齊去厠所的幼兒園學生厠所, 另外兩個係分開男女的幼稚園學生厠所, 你地覺得有冇問題呢???  因為我親見到幼兒園學生係男女共用一厠, 同一時間.  性教育不 ...

CP916

可唔可以講下係邊間/邊區幼稚園暨幼兒園?

fc926

我見TT係男女同廁,用洗手盤分開.

monkey05

我個仔果間都係男女分開廁所的.  

我都覺得分開男女廁好一點.  應自少令小朋友有男女廁之分.  一路長大都係男仔去男廁, 女仔去女廁, 唔明點解唔由細細個就開始就令佢地知道呢.

[ 本帖最後由 monkey05 於 10-1-8 17:07 編輯 ]

lafayette

唉...
唔怪得之有"八十後"
第日實有 "2000後"...

amazing

Agree,實有2000後.呢個問題太攪笑.
媽媽出街帶個仔去男厠?
爸爸出街帶個女去女厠?
人都巔.

monkey05

原帖由 amazing 於 10-1-8 23:16 發表
Agree,實有2000後.呢個問題太攪笑.
媽媽出街帶個仔去男厠?
爸爸出街帶個女去女厠?
人都巔.

真係會好顛.
好在, 我呀仔而家打死都唔會跟我去女廁.  實在太好, 我做少樣, 留番比佢呀爸做.

sakuralee

我見同厠的係話會唔同時間去的，不過用多一倍時間！

trina_choi

講真,我又無喺呢方面諗過喎!
有去學校參觀,厠所以一入門右手面係男仔架企厠,後面就分二邊坐厠,由洗手盤分開,但我又無問老師佢地係點安排小朋友去厠所喎!

可能我係七十後啦...哈哈哈...記得細個我沖沖下涼,我哥佢地要入厠所,佢地都係自出自入架啦~我地依家又唔會唔識分喎...

加上我仔依家n班,就識分佢係男仔,要入男厠,有時得我一個帶佢出去,都要同佢講,你細,爸爸又唔係一齊出黎,你跟我入女厠啦!我地關門都比人睇唔到架...佢都會肯跟,但爸爸或者表哥佢地喺度,佢就要跟佢地入男厠,所以我諗就算共用,都應該問題不大吧!

小朋友雖然話依家好多野都識,但我諗,有部份思想,真係父母多心左啫...(純粹過人意見)