我好唔開心，好想好想知面試衰咩？

i1010

我同女女同老公去創價面試，
自問女女個日都答到晒D問題，
而且我係有人介紹
所以我諗應該入到，
(我唔係想話無人介紹的小朋友就入唔到，無介紹人的請不要介意)，
點知收到信話唔收，
我真係好唔開心，點解連後補都無？
因為我只為我女女搵左呢間學校，
我無搵其他學校，
現在咁遲咩學校都收晒人啦，
我真係忍唔住喊，
我太相信介紹人(99)的說話，
因為我曾經再三咁問過我99要不要搵多一兩間學校做後備？
因為我怕人地唔收，
她說我怕你唔俾個女去讀就真！
我覺得我累左個女，
我太易信人，
現在我真的唔知仲有無學校收？
我老公話我擔心咁多仲咩呀！
又話叫我唔好怨，
我唔係想怨我99，
我由頭都尾我都無怨她，
我知她都唔想，
邊會有人想自己個孫無書讀呀！
而係我諗呢間學校用咩標準去收生？
係父母的學歷、職業？
自問我同老公的學歷中五同職業都唔係好好，
只係養到家，
但幼稚園應該唔係睇父母，
如果真係睇公母的話，
我累左個女？
但係學歷係我過去，
我真係唔想！
現在我真係唔知點算好？
我個心好難過！

JasperCheung

Don't Worry la....
SOKA我都係WAITING LIST 咋....仲要表哥表姊讀緊K3..
最初IN完都100%信心入到架....
收到信咪又係WAITING LIST...當日仲要係仔仔表現很好~
老師當場都極仔仔讚添呀~
不過我都IN左6間....3間都係WAITING LIST....
KV仲REJECT左我添(因為仔仔那次唔出聲呀...咪當陪跑囉)
仲有一間未IN.....
現在YORK仲可以IN小朋友...不妨打電話去問吓喇~~

幸福女子

i1010,

你依家應該揾下有咩學校仲未截止報名, 報左名先, 結果既然出左, 就唔好諗住啦, 先決要揾倒學校比小朋友呀..

幸福女子

i1010,

你依家應該揾下有咩學校仲未截止報名, 報左名先, 結果既然出左, 就唔好諗住啦, 先決要揾倒學校比小朋友呀..

大寶寶

你好難知你面試衰乜的, 因為無可能打電話去學校問, 你係度估估下, 諗到無限咁多個可能性, 所以諗來做乜?

我聽你咁講, 覺得你係個聽話好新抱。

仔女讀乜學校, 有時係佢地的緣分, 佢地有佢地的命運, 唔關老豆老母亞痳事, 你唔洗唔開心!

racoy

好難相信你地會大安主義成咁，就算飛機再安全，都仍然會有空難發生。更何況你憑藉既只係你99一番話，你唔好怨哂你99，因為你自己應該有分析能力。況且in多幾間有幾難呢？你地唔會係為左慳果30蚊掛？ 如果你地一世做人都係求求期期，可唔可以為下一代著想，改一改，唔好害左佢地。你而家唔好再自怨自艾，快d去睇下仲有咩幼稚園接受報名。
父母既表現同樣重要，上次會唔會係你地以為人地收硬，所以表現輕挑呢？下次要注意衣著（又唔洗太行）同言談

MuiMuiQQ

不如你快d 打電話去屋企附近嘅幼稚園問吓啦 ...
下面條 link 有各區幼稚園嘅資料, 你揾返你住嗰區續間打去問啦.... 希望幫到你 !

http://chsc.edb.hkedcity.net/kindergarten/

NICOLE123

一定仲有幼稚園既
屋村付近果d一定有
比起你地.我真係超緊張
我估就算有人同我講一定收硬我個仔
我都會自己報多幾間.
我係超緊張同安全既媽咪

ppww

原帖由 NICOLE123 於 09-12-7 09:48 發表
一定仲有幼稚園既
屋村付近果d一定有
比起你地.我真係超緊張
我估就算有人同我講一定收硬我個仔
我都會自己報多幾間.
我係超緊張同安全既媽咪

係呢!快D去搵搵啦!
各校報名時我都心大心細,一於報咗先!
報咗名後才諗清楚,結果有兩間未去IN,兩間收咗都唔讀.
我都好穩陣架!

Lqueenie

唔好唔開心 ~ 我同係情況一模一樣 ~

自問女女 interview 表現好好, 係咁多間最好的, 而且又有介紹人, 仲要係 2 個, 一個係校監, 一個係 soka 的老師 ...... (不過係好靠親戚介紹), in 完以為十拿又九穩一定入到, 點知連 waiting 都冇, 真係唔知點解

我諗應該唔關學歷事, 我同老公都係大學畢業, 咁又點 ...... 因為佢係 0712 細女, 所以之前都已經同佢報左屋企樓下的幼稚園, 都有 offer ~ 其實咁對我地都未必唔係好事, 起碼佢唔駛每日都要搭個幾鐘車返學, 上到小學, 我同老公跟足 d, 我相信佢唔會比其他名幼稚園的小朋友差

你真係試下屋企附近的幼稚園, 間間都親自打去問下 ...... 可能都仲有位 ~ 唔好放棄

kc_united

原來真的好多人介紹, 唔怪得我呀囡 in 得好好都唔收啦.... :(

phoebe37

既然已成事實, 就唔好去諗啦! 當務之急, 快快手搵下有咩幼稚園還未截止收生, 幫你個女搞啦!  我覺得凡事應有兩手準備!  我朋友又係識人都衰左soka! 我自己同小朋友interview表現都好好, 我小朋友堂兄夠在那裡讀K3啦, 而且我也下過不少功夫, 包括早幾個月前已經帶小朋友去學校實地觀察, 務求增加曝光機會, 認識老師, 認識校長, 結果也是徒勞無功! 所以, 實在有太多因素影響結果, 你永遠唔會知道學校把尺係點度!

conniew117

你可以試下standford, york, 協恩(12月28日開始). 祝你囡囡成功.

2ndsister

樓主, 過左去就算啦, 不過坦白講, 我都覺得你輕率左d, 你自己個女既前途, 你唔可能人地話咩就咩, 而家呢個社會competition咁大, 你冇可能只報一間囉...anyway, 而家唔係去諗點解, 而係去諗方法解決....快d上網再揾其他學校啦!!!...good luck!!!

sam9035

我們的小朋友都是金豬年BB，競爭很大，我自己都報左幾間，因為受身邊朋友和這討論區的壓力，不過我絕唔認同其他人閙樓主的理據，每年都有一大批家長集中報嗰十幾間名牌幼稚園，今年更加特別多，每間都話有千幾至幾千人報考，但細心想間間kindergarten嘅幾千家長多數都只係同一班家長，樓主可能只心儀soka和認同學校的理念才只幫小朋友報soka一間，講真，小朋友咁細個考得啲乜，我有些小朋友已長大的家長朋友都唔明點解今時今日考幼稚園咁難考同咁搶手，我不覺得樓主為了慳$30報名費，可能她唔想小朋友咁辛苦，其實條條大路通羅馬，或者問下家中附近的屋村幼稚園睇吓仲有無位。

[ 本帖最後由 sam9035 於 09-12-7 10:45 編輯 ]

scholar

衰人多,間間幼稚園都收表過千,唔關你或你個女事,不要灰心.

因為你只報一間,希望太大,才會失望.我女兒見3間,已經fail了3間,第二,三次reject時,我已經沒有太失望了.反正還有2間未in.希望在明天.

你囡囡多大?你報幼稚園定幼兒園? 還有些幼稚園/幼兒園未截止報名,繼續努力.

granddelsol

唔知點解我地仲未收到soka的信, 不過仔仔e家係維記讀pn, 剛剛kv又收左佢, 所以都唔打算對soka有期望.  不過in完soka之後, 我發覺問小孩d問題太容易, 好明顯係in家長lor....好多幼稚園其實都係要找一d有heart的家長, 要記住有好的家長(可以配合學校的教法)先會有好的學生lor.

NICOLE123

似乎創價真係好多呢d case
都係話識人...
定係間間都係咁 ?

esther.cy

i1010, don't give up. Like some parents said, actually you can check KG close to your home and usually they can let you go through interview even their application deadline is over. But do prepare that you may need to take PM class.

Btw, where do you live and maybe parents @ BK can recommend some KG for you to apply.

Good luck!

chung222

我個囡IN時都答了9成問題,其實老師係主要問我照護佢時有什麼困難....我覺得我答得好好,不過連WAITING都無,真係好唔明,可能我個囡係１１／７細女,其實細女真係輸蝕好多!我上年幫囡囡寄信找ＰＮ時,連ＩＮ的機會都無,最後只能找到一間屋邨幼稚園,這間只能說是一間托兒所,我那時真係好傷心,覺得真係唔公平,學校是不是應該收一些不同月份出生的小朋友？。所以今年我幫囡囡報了２０間學校,整個１１月份都很忙,最多試過一日ＩＮ　３間,好辛苦,現在己有一間算是心儀的學收了,辛苦都值得。

其實你現在為有等出年報Ｋ２或repeat K1,同現在立即打电話問各間收生情況,見步行步啦,無辦法,做媽媽真係好辛苦