我女校車個保姆姨姨.....唉！

Longman

我女條線個校車保姆惡到死，自問我女大多數預早到校車站，並不是經常遲到果種，保姆有一次 6:27 分打我手機，語氣差到無人有，一早聽到佢把聲即時嬲到醒晒，

她說：「x太，點解你個女仲未黎車站，我地依家開車走啦，跟著即時收我線」

我嬲到即刻打返比佢：「你打比我淨係通知我你要開車？我女不是 6:30 上車嗎？我女經巳出了門口去緊車站，依家都未夠點解你要開車？」

她回答我：「 x太，我唸你個鐘壞了，我地車上個鐘顯示巳經夠鐘，跟著又 cut 我線」

我跟手即時打去天文台 check 下我屋企個鐘有無錯，根本我個鐘就無慢到

跟住我女就慘啦........一上車比個保姆係咁罵，你成日遲到，咁咁咁咁咁咁....我女初時都無理佢，後來頂唔順反駁佢：我都唔係成日遲到，我只係試過 2 次咋，點知個保姆又繼續罵罵罵罵，我女都無再理佢，比佢罵罵下仲鬼埋教，點知個保姆好大聲咁係我女耳邊叫「 xxx，你做乜教，你有無聽到我話緊你

做保姆首要條件應該具備責任心及愛心，雖則我女遲到，你都唔駛係咁罵，罵過不停嘛！保姆不是照顧校巴的小朋友嗎，佢只顧罵人怎看小朋友，試問老師都唔會因為學生欠交就罵足個學生一堂卦，仲要當眾罵我個女，罵得鬼咁大聲又罵鬼咁耐，有無理過個小朋友自專心！！！

如果我個女真係成日遲到理應同學校反映，讓學校通知我叫我留意，並不是用這個態度

星期二返學我實同學校反映，根本無資格做校車保姆！

amy625

原帖由 Longman 於 09-10-24 06:56 發表
我女條線個校車保姆惡到死，自問我女大多數預早到校車站，並不是經常遲到果種，保姆有一次 6:27 分打我手機，語氣差到無人有，一早聽到佢把聲即時嬲到醒晒，

她說：「x太，點解你個女仲未黎車站，我地依家開車走啦，跟著即時收我線」

...

longman:

好耐無見你上嚟, 我睇你找黃SIR反映吓,佢係負責校車事務,我早一排都有類似情況,講左之後又好似好d。

amy