將軍澳宣道會茵怡 Chat Room

iwff

嵐豬仔

我每個topic 都會走去睇下的 , 只是無意間睇到你話有咗 , 咁就一定要恭喜你了! 我暫時未有打算生第二個 , 因為老公想專心教導1 個 , 同埋擔心冇時間及心力照顧小朋友 , 所以很佩服及欣賞你決定生多個寶寶 !  

嵐豬仔

iwff,
唔好佩服及欣賞我決定生多個寶寶, 因為呢個係意外     e+要臨急去諗好多o野&解決d問題  

iwff

嵐豬仔,

Don't worry be happy.  God bless your family.  

嵐豬仔

iwff,
唔駛擔心我喎, 有好多事臨急就會諗到辦法解決, 雖然小 b 係意外, 但係既然佢咁鍾意我做佢媽咪就接受 law    

windpuff

hi hi,
我囡囡都係今年9月讀茵怡上午k1呀！上星期六21日仲交埋雜費及取埋校服書包仔添！囡囡好開心，仲以為今個禮拜開始返學呢！
不過茵怡好似無咩課外活動班，我想佢下午可以學多少少野，所以想報下d課外活動的course，如果有暑期班，我都想佢參加下先，各位家長有冇咩野提議呀？可否分享介紹下呢！萬分感激！ths！
      

嵐豬仔

windpuff,
茵怡真係冇乜課外活動, 我問過暑假第一個星期有聖經班, 其他就冇啦 !!
如果你想幫阿囡報下暑期活動, e+有好多喎, 柏斯有音樂班, 另外一d小型琴行都有暑期班, 畫班都有好多, 我就會幫阿囝報音樂班 & 畫班
另外如果你想阿囡試下學校生活, 翠茵小宇宙有d每日3小時類似返學o既暑期班, 你可以問下    

windpuff

嵐豬仔 ,
你好！多謝你的建議，等我今個weekend去搜集下資料先。你所講的音樂班同畫班，係咪都在新都城1,2,3期商場內呀？皆因我住這裏，唔想去咁遠麻！
    

嵐豬仔

windpuff,
d音樂班同畫班主要o係新都城1期&3期, 2期只得通利&柏斯, 我都係擇番o係屋企附近, 就腳o麻, 你可以慢慢睇下, 都好多選擇

iwff

windpuff

我上星期同老公去了旅行 , 星期六晚先返到家中 , 所以我家姐同奶奶及工人成村人陪仔仔去買校服 . 仔仔都好開心 ,我已經睇晒資料 , 希望家長日見到你及仔仔會同你囡囡安排同一班啦 !

我都打算幫仔仔報暑期班 , 我知道新都城有一間 "匯民坊"(好似係) , 惠康對面 , 它有畫畫班 , 一堂90元 . 其實都不是想仔仔畫到畫 , 而係想訓練他的手部机肉 , 我再查下同你再聯絡 .

windpuff

嵐豬仔及iwff,
唔該晒你地呀！         
我地有咩野「最新消息」就再在度分享聯絡啦！

iwff,
希望在家長日有機會同你「相認」啦！唔知我果囡可唔可以同你仔仔同一班呢！囡囡就快返學囉，我個心情都幾緊張架，總之又開心又擔憂啦！       

iwff

windpuff ,

我昨晚係 "匯藝坊" 取了資料 , 地址 : 新都城三期商場113號 , 我打算幫仔仔報以下暑期活動 :

QUOTE
暑期學前兒童繪畫班 (8至12堂)
全期課程學費 : $720/8堂
-  上課時間 : 1小時
-  師生比例 : 1 : 6
-  適合 3 至 4 歲小朋友參加
-  自備A3 / 四開畫簿 , 油粉彩及廣告彩

利用畫筆 , 顏色及一些簡單的手工材料 , 讓孩子們能從執筆開始 , 繪畫線條 , 形狀 , 並學習填色 , 學習利用膠漿黏貼不同的手工材料也能訓練他們的手眼協調及培養兒童的創造力, 自信心.

班別         上課日期          開課日           時間
A班          一 , 三              18/7          上午 10:00 - 11:00
B班          二 , 四              19/7          上午 11:30 - 12:30
C班          二 , 五              19/7          下午 12:45 - 1:45
UNQUOTE

我想報A班 , 因為上完堂後可以叔屋企食飯 , 下午訓覺 . 你有冇興趣呀 ?　我應該明天去報名了，驚無位．我估其他地方都差不多的，主要係想訓練仔仔的手部机肉．

嵐豬仔

iwff & windpuff,
我會幫囝囝報一期中大音樂o既音樂班, 如果佢鍾意o既話可以幫佢再報多幾堂小小合唱團(呢個可以插班), 我諗住等佢認識下音樂, 而合唱團可以訓練咬字等, 畫班會報一期童夢王國, 我揀o個d全部都係就住d上堂時間o黎揀
我發覺自從小冬冬執o左之後就再搵唔到好地方俾阿囝上下英文有關o既課程

windpuff

嵐豬仔及iwff,
你地好！嘩！你地已經做左咁詳細的「功課」勒，仲已經諗埋報邊班添呀！我仲未搜集晒資料喎，我諗聽日我都要努力些囉。其實你地講的音樂班及畫班我都有興趣，我仲睇緊芭蕾舞班，不過在坑口南豐上堂，你地知唔知寶琳附近有冇呀？ths！     

iwff

windpuff,

我星期六已經幫仔仔報了"匯藝坊"的畫畫班 , 係 A 班 (7月18日10:00a.m - 11:00a.m), 原來五月三十一日前報名有9折呀 ! 你決定報名嗎 ? 我已行唒新都城所有課外活動班.分別不大 , 價錢都差不多. 至於芭蕾舞班就好似見不到 , 我朋友幫囡囡報了明愛芭蕾舞班 $200八堂 , 但將軍澳又冇明愛的課外活動 , 你不如試搵下寶林村的活動可能有和較便宜 .

嵐豬仔

windpuff,
唔好意思, 芭蕾舞班就幫唔你 la, 我o個個係仔仔所以冇乜留意, 不過都好似唔係好覺寶林區有芭蕾舞班  

windpuff

iwff,
我尋日下午睇到你留言後，就叫左我妹妹幫我個囡囡報左"匯藝坊"的畫班勒(有9折優惠喎！)，皆因我尋日唔得閒麻。同你一樣，係A班(上午10:00至11:00)，7月18日開始，到時有機會我地就相認啦！

嵐豬仔及iwff,
先唔該晒你地幫我「探路」，我都唔覺眼寶琳區有芭蕾舞班，所以我多數去坑口果邊睇下，謝謝！   

iwff

windpuff ,

我見唔到你回覆 , 仲以為你睇唔到我的留言呀 ! 好開心你囡囡同我仔仔報埋同一班 , 我應該會第一堂 7月18日請假陪仔仔上堂 , 之後就由工人同仔仔返了. 到時再相認吧 ! 畫畫工具可以係學校買 , 我會開學之前兩日去買的 , 仲有件畫畫衣 , 學校話惠康隔離的市場有得買 .

我發現有間 "樂聲琴行" 係新都城三期 G35 號地舖 (即粱潔華小學對面 , 茵怡花園大快活斜對面) , 有芭蕾舞班 , 初級$388四堂 (可代買舞衣) , 不過冇寫由幾歲開始 , 你打 2703-0101 查詢一下先啦 !

yukichan

Long Time No see?

你地有沒有參加1-7-2005旅行呀?

嵐豬仔

yukichan,
我冇參加呀, 你玩得開心 d

yukichan 寫道:
Long Time No see?
你地有沒有參加1-7-2005旅行呀?

kgpooh2

[size=medium]Hi  各位:  想問問k1班係拎水杯連蓋返學定係水壺呢??