將軍澳宣道會茵怡 Chat Room

Amama

請問之前一晚報名, 學校第二日幾點開門派表????

我住新都城, 區內都諗住茵怡/易澤峄, 區外就報咗藍田靈糧堂, 囝囝係03年11月b, 係細仔, 唔知細仔係咪會差啲呢??

Amama

响寶琳村

Amama

IP,

我仔11月出生, 係細仔, 但我就比佢出年2月讀半年幼兒班, 他不害羞但自理能力及說話能力都比較差, 又唔肯聽話, 比佢早啲返學可以學習守規矩,  同別人溝通和分享, 雖然係貴但我都想比佢試吓.

playgroup通常一星期都係一兩堂, 學唔到啲? (因我囝囝歲半都開始返playgroup, 情況都一樣, 返咗半年都係成日唔聽話週圍走,  不受控)

但假如你冇以上的問題, 而你bb又有工人+屋企人揍, 咁就慳番啦, 因我囝囝成日都係得印傭一個睇住, 工人唔識教佢嘢, 我只係一日到黑叫工人播啲故事, 音樂及又兒歌比bb聽, 希望有幫助, 加上工人成日講埋啲唔咸唔淡的廣東話, 所以想比佢早啲讀.

Amama

iwff,

今年好慘呀, 我照你講28/10脕十點幾去排隊, 本來只係去睇吓情況, 但已經見到好多人排隊, 所以立刻排, 但都只係讀下午, 我之前都打過電話去問, 佢冇exactly話收幾多人, 只係話收兩班, 但會留番部份學位比原校生的弟妹, 我老公到嗰朝大約六點天開始光先見到佢原來貼咗張紙話上午只得28個位. 於是我地一大班家長只好無奈地照排, 因今次真係好多人, 恐怕走咗連下午都冇, 我地訪問過排第一的人, 原來佢响前一朝9:00am 已經開始排 (已排了24 hrs), oh my god!!!!

而家都唔知比唔比個仔讀下午, 有冇其他媽咪對讀下午有什麼意見(好處????)

Amama

嵐豬仔 & iwff,

今年下午班收成100個, 咁咪好多人??, 成5班??  老師照唔照顧到咁多學生呀?? 但點解上午得2班?? 你地k1/k2 的情況係唔係咁???

Amama

SSL,

你攞到下午班17號籌呀, 係咪=45號籌?, 我攞到43號呀, 我咪排你前兩個??

我冇去易澤峄, 因我覺得佢比較唔就腳, 我反而報咗坑口PLK方王換娣, 我都會去茵怡interview, 因我好想知點解佢地上午收28個, 下午可以收到100個, 有咁多學生嗎??, 有咁多課室嗎? 有咁多教師嗎??

Amama

SSL,

我問番我老公, 原來係下午班15號, 你當時有冇去登記呀? 但我見好似得一個男人喎!!
我冇報區外啲學校, 只選擇寶琳及坑口, 最遠去到藍田靈糧 (今個星期先in).

Amama

SSL,
你有冇報東華三院力勤?
剛收到坑口PLK王方換娣的信但唔收 (因囝囝係細仔, 比較上冇咁著數, 佢又唔係好肯講嘢!), 於是報咗隔離救世軍慶恩, 佢收咗, 但其實我報的時候已經過咗佢地的面試日, 但佢地都收唔夠人, 唔知係唔係唔好所以冇人讀?

救世軍慶恩&茵怡都係26/11要交留位費, 有點頭痛

Amama

iwff,

之前同你傾過, 話我舊年11pm 去排隊到係下午班15號籌, 但噚日茵怡竟然通知我am有位, 我當然開心啦, 好似中咗六合彩咁, 因我雖然已經交咗另一間學校什費, 但仍然個心諗住茵怡, 但事後又諗, 點解有成十幾個學生放棄學位呢, 係唔係有咩問題   

我係唔係好多心呢?  我記得你有朋友排我前面, 我諗學校都有通知佢, 佢有冇決定呀??

Amama

iwff,

多謝你寶貴意見, 其實我已經選擇咗茵怡, 明日會同小朋友一齊交書簿什費&做校服, 不過就浪費咗成二千蚊, 因已經交咗另一間的什費, 不過都值得, 只不過我多心地諗多咗.

Amama

LILY媽咪,
咁奇怪, 我地係排隊喎?  

LILY媽咪 寫道:
iwff, 我想問下,你地話係派表 (要一早到才有form和讀上午班), 但我之前打去 check 佢地只係要我填form再交比佢地,上個星期校長打來約剛星期六去見,當中閒談她都好nice, 跟住okay話收要一星期內交一半學費 (明年K1,咁早),請問你地係咪這樣快的,好似太快, 我都唔知點.

Amama

iwff & 其他媽咪,
你地好, 今日係K1第一日唔可以比家長陪, 見有部份小朋友唔肯入班房, 而我一直諗囝囝會喊, 但佢又冇喎, 工人姐姐話佢放學時都幾開心, 但我都冇咁快開心住, 因為呢個囝性情時好時壞, 可能佢next week 會突然話唔返學.

囝囝係K1A am, 班主任係曾老師, 佢好nice, 囝囝都好接受佢.

Amama

pcsiauw,
我上年係10:30-11:00pm去排隊, 但都係得下午十幾號籌, 不過後來有家長放棄學位, 所以先可以幸運地補上.

Amama

BOSKERMA,

k2係咪下星期先開學呀?
我住新都城嫁, 可能我地見過都唔知.

Amama

APPLEMA,

我仔仔係西瓜組, 真係襯哂我個西瓜大少, 佢好多咀的, 成日講嘢就係佢, 不過佢好有愛心, 見到有小朋友喊, 佢會安慰佢, 尤其係女仔啦, 佢11月出生, 係細仔.

Amama

chitchitbb,
你好, 我仔仔都讀咗5個幾月PN, 佢雖然冇話要番之前嗰間學校, 但每天佢都好似若有所失咁, 因佢同之前嗰間學校啲小朋友好friend, 每日放學都要拖住手一齊走, 佢宜家每日都諗口黃咁話唔返學, but佢都冇喊, 只係唔係好開心咁, 希望佢可以早啲適應, 同啲同學仔friend啲啦.

Amama

請問你地會唔會幫小朋友包書, 因通告要求我們將書本包妥, 但我覺得包咗嘅書, 個書角會好尖, 好危險, 各位媽咪有咩好提議, or索性唔包呢?  唔包會唔會比老師話呢?  我見仔仔PN時嘅書都保存得好地地, 加上佢地其實好快會教完一本書.

Amama

iwff,

昨日學校貼咗今年小一派位分佈, 你可以作參考, 頭3位分別係梁潔華, 余家傑 & 宣基, 3間我都ok, 而梁潔華就响屋企隔離, very good.

你會選番TKO or 選區外??

Amama

Hi Haying,

I think your husband was just queuing behind my husband.  I remember I am no. 17 pm class.  My husband said you brought food and some clothes for him and your husband told my husband that he just left the office and rushed to the school.   Glad to hear that you can join the am class.  My son is K1A am watermelon group.  

I know they have 早操歌 in the morning but I never heard my son singing this song.  I remember the school said we can stay and hear 早操歌, but my husband said teacher will close the door and he can see nothing.  

Amama

今日原來可以用家教會會員証借書, 我唔記得, 所以miss咗, 加上今日又要睇相, 所以都冇時間睇吓有咩書借, 其他媽咪有冇借呀? 有咩好書介紹呀? 唔知下一次幾時呢?