將軍澳宣道會茵怡 Chat Room

iwff

IP ,

我仔仔今年會讀 K1 呀 ! 今年派表時間到時一定有人通知你的. 但若你想報讀上午班 ,你就要好早去排隊了. 因為它們是先到先得的 , Interview 只是形式見面, 報名後多數都收的. 我去年早一晚10:30pm去排隊已有10個人排緊了, 到早上6:00已排到去樓梯口, 上午班很快就 full 了, 見到有些家長報到名非常開心 , 好似考到名校咁. 可能茵怡幼稚園口碑好, 所以越來越多人早去排隊報名 . 你住係邊呀? 記得早些排隊呀 ! 舊年我同家姐 , 老公輪流排隊的 , 辛苦一晚都值得的.

chingbb

iwff,
嘩!好辛苦!但為左囡囡我諗到我的時候, 真的要早些去排隊    我囡囡(04年8月),應該係出年先報k1, 係唔係   

iwff

chingbb,

係呀 ! 你應該係出年先報名 , 唔使心急 . 等多一年啦 !  

chingbb

iwff,
Thank you very much!   

Amama

請問之前一晚報名, 學校第二日幾點開門派表????

我住新都城, 區內都諗住茵怡/易澤峄, 區外就報咗藍田靈糧堂, 囝囝係03年11月b, 係細仔, 唔知細仔係咪會差啲呢??

iwff

Amama

學校第二日好似 8:30am 開始派"籌" (sorry! 唔係好記得) , 之後入去 hall 填報名表 , 細仔都一定收的只要取到報名表 .

我仔仔去年都有報易澤峄, 仔仔係1月出世的 , 所以interview全部問題都識答, 但最後都選擇讀茵怡 .

chingbb

Sorry, 請問易澤峄係邊?   

Amama

响寶琳村

chingbb

iwff,
其實上午校和下午校都是一樣的, 點解全部都喜歡上午校呢?
係唔係只是時間上容易安排呢    定係有什麼調查報告話小朋友返上午校會好d呢?你地知唔知呀?因為我諗緊如果到時真係報唔到上午校, o甘下午校都好啦!   

嵐豬仔

chingbb,
其實上午校和下午校是一樣的,老師課程都係一樣o架, 不過我要揀上午班係因應阿仔個時間表, 當時佢一向都係早睡早起, 下午要訓晏覺, 如果返下午班佢可能會瞌眼訓, 但我鄰居個仔慣o左夜訓晏起, 咁所以佢揀o左下午班

chingbb

嵐豬仔,
我囡囡慣了大約7-8點起身食奶, 算唔算晏?唔好意思, 其實上午校係返幾點?哈哈!我未知道   
Thanks a lot!   

嵐豬仔

chingbb,

上午班: 9:00 a.m. - 12:00 noon
下午班: 1:20 p.m. - 4:20 p.m.

你個囡起身o既時間o岩o岩好返上午班

chingbb

嵐豬仔 寫道:
chingbb,

上午班: 9:00 a.m. - 12:00 noon
下午班: 1:20 p.m. - 4:20 p.m.

你個囡起身o既時間o岩o岩好返上午班

e, o甘幾好wor!因為我囡囡都要"訓"晏覺o架    睇黎出年都要出d去排隊lu!   

kkwchow

YukiChan,
請問k3畢業生多數升讀那些小學?

muicc

想請問:
將軍澳宣道會茵怡幼稚園程度如何?功課多嗎?因幼女不想學家姐舟車勞頓出九龍塘讀幼稚園。但幼女小學會跟家姐一同讀小學,如果程度可以接軌的話,本人有意申請呢!

Thank you very much  

Lawrence-mom

嵐豬仔

請問呢間幼稚園係吾係在茵怡花園入面﹖點解佢寫住播道會而吾係宣道會﹖是否屬同一間還是有另一間﹖

謝謝指教。

iwff

Lawrence-mom

宣道會茵怡是在茵怡花園入面的, 但播道會個間係幼兒園, 不同機構辦的, 是沒有關係. 而宣道會茵怡幼稚園係在平台另一邊 , 有指示牌的. 我仔仔今年九月讀 K1.

Lawrence-mom

iwff

Thanks a lot! 原來如此。
恭喜晒﹐你仔仔入到讀K1。咁係唔係真係要之前一晚排隊報名﹖

iwff

Lawrence-mom

係呀我之前一晚10:30去排隊的, 但已經有10個人排緊了, 為了仔仔可以讀上午班 , 辛苦一晚都係值得的. 我家姐同老公和我一起輪流排隊 , 所以都O.K.的.

IP

Dear iwff,

謝謝你的意見, 聽大家咁講, 我真係好想入茵怡, 希望各位知道派表時間表, 就預早通知一聲啦! 唔該晒!

另外, 我仲有個問題想問各位: 仔仔要到2歲8個月來入讀幼稚園, 咁到2歲時, 我又應否帶他到幼兒園讀下先呢? 若讀了8個月又轉校, bb的適應會否困難呢?