頭昏腦脹! 請各位大大幫忙.

acmc

我個係12月細仔, 但學習能力唔錯, 算聽教, 只是很豬油包, 本來己選定數間小學去報, 但越睇越暈, 篩篩吓好似間間都唔洗去咁, 請各位幫我分析吓,我住tko.

1.        聖諾瑟(觀)---是英小, 英文程度好, 學生品行好, 但又話其實是中小, 英文程度較低.
2.        拔萃男---程度好, 學習氣氛一流,  但又話本身學生已是在家中學習好, 全是父母教定了的.,叻都不是由學校教出來的, 還有大部份人都有benz和遊艇當玩具, 如自己無會影響小朋友心態..
3.        喇沙---名校, 但又話有好多小朋友說粗口, 德育方面????
4.        陳守仁---語言環境好, 老師有愛心, 但又話學生成績參差大,太free對初小的都會有影響.
5.        九龍塘小學---老師有愛心, 程度高是band 1和教得好, 但又話其實程度跟聖方xx等無得fight.
6.        高主教---程度和德育方面都好, 有愛心, 但又話將考最尾的(表揚)出來, 會這樣對待學生的, 會hurt 到小朋友個心都做得出?????
7.        聖保羅男女---視學報告都話教得好的名校, 但又話英文程度唔夠,. 及大部份人都有benz和遊艇當玩具, 如自己無會影響小朋友心態..
8.        英華---出名, 程度好, 但又話只係個校長得人鐘意, 程度一般.
9        優才---英文好又識教, 又可以讀得好開心, 但又話英文好係同一般的津校比, 同名校還有距離, 好多嘢都得個講字..
10        播道---英文小學, 但又話英文教得好淺.

我先話明, 我是中立的, 最近當有人問我, 你會去報邊間小學呀, 說出間間都被人彈, 可能你們有人會話,收你個仔先再想啦, 但如果真係唔好, 我就唔洗去報喇,我唔計較學費多少, 但我都只是個中產, 過得去咁, 情願其它慳d, 也不計較地點不方便, 因我只得這個命根, 為了他好, 點都會做, 但真係唔想選擇錯唔!, 請各位大大指教!

G-Ma

其實每間學校都有優點缺點, 問題係你想搵間咩學校, 想活動教學定傳統教學?? 想英小定中小?  你要先訂好自己心目中既理想學校, 再去睇下邊間最符合你既要求, 然後要不時親身去學校觀察, 因為聽人講未必係事實, 好多時真係要自己親眼去睇下先好相信.

acmc

如程度方面, 好難了解, 有子女讀緊的比吓料就最好.

LoveChild

我覺得最實際係佢收你個仔先算, 列出的學校都係名校, 無10個都有7-8人爭一個位, 而家去講邊間好根本沒有什麼意思, 況且, 直資同私小都要面試, 大可而家就申請, 面試咪當去學下野, 無壞, 好過到時以為自己選定了那一間是好的, 只去那一間面試, 如果唔得咪仲煩

acmc

我所列出的, 你覺得可以減去那些? 太多要見怕會苦了小朋友.

Heiyingleefamil

Also depends on which region you are living in.

原帖由 acmc 於 09-7-5 16:24 發表
我所列出的, 你覺得可以減去那些? 太多要見怕會苦了小朋友.

NatalieMaMa

可減去喇沙, 因為呢間係津小, 靠攪珠

saint

Hi,

What about SFA?

Not on your list?

acmc

原帖由 NatalieMaMa 於 09-7-5 19:31 發表
可減去喇沙, 因為呢間係津小, 靠攪珠

但有人叩門和交profolio, 其實我都好唔明????

acmc

原帖由 saint 於 09-7-5 19:50 發表
Hi,

What about SFA?

Not on your list?

記得我未嫁時, 看到有些同事話個仔個女有幾叻, 讀mug mug名校, 我只覺得羨慕, 覺得是遺傳, 叻人才生出這些"超班馬", 但做了多年全職媽媽之後, 我發覺答案不是如此, 一般小朋友都可以train到好叻, 只要大人肯放時間和心機的話, 佢哋是可以做到你的要求, 當然有些要放多些, 有些放少些便可, 問題係你要唔要佢做, 因為不是個個小朋友比人操都會enjoy, 還有你係唔係真係想個仔晚晚做功課做到12點多, 無時間思考, 無時間去玩, 讀高一年半年的程度, 已好夠競爭力, 讀高2,3年, 又為咗mug? 是要來跟同齡的小朋友比較? 會威啲? 我會問自己, 為何帶佢來這世界, 我唔忍心佢學得太急, 但當然唔好慢過其它人啦就已經好好.  曾聽sfc學生升中後, F1-F3都唔洗點讀書的, 我唔想個仔叻得咁緊要呀, 攤長少少學好d! 我以上所說的是真心話, 並無惡意, sfc的家長不要插我呀, 反之, 我覺得你們做到都好好嘢的.

LoveChild

除了適唔適合你小朋友的性格外, 我會以有沒有聯繫中學作為選小學的重點

另外, 你話"面試"對小朋友係好辛苦, 咁要睇你點佢去面試時候的心態, 如果你帶佢去係要佢一定要考到, 之前又要上面試班, 又要係咁TRAIN, 咁小朋友係會好辛苦, 但係有好多面試, 係好似俾小朋友去玩咁, 咁你咪當佢去玩囉

[ 本帖最後由 LoveChild 於 09-7-5 21:52 編輯 ]

acmc

原帖由 LoveChild 於 09-7-5 21:46 發表
除了適唔適合你小朋友的性格外, 我會以有沒有聯繫中學作為選小學的重點

另外, 你話"面試"對小朋友係好辛苦, 咁要睇你點佢去面試時候的心態, 如果你帶佢去係要佢一定要考到, 之前又要上面試班, 又要係咁TRAIN, 咁小 ...

其實係我唔想行多餘嘅路姐, 如果考到都唔會讀的又可必去報呢, 係我懶姐!
我唔會報面試班, 亦唔會要佢背標準答案, 我喜歡佢答自己心裏所想的, 但我會教禮貌, 同人相處 同人share, 己教咗幾年喇, 可能會有人說, 你這樣唔得ga, 我會覺得 剩餘的就由上天安排.

臻媽

對於官/津校大抽獎後先可以咁做...

至於點選校, 你所列間間都有優劣, 你先要亦係最緊要的:了解下你個仔適合哪類型的學校??? 然後定出你心目中"好學校"的條件, 之後你上列所選的學校應該會至少剔走一半....再親身了解一下那幾所學校, 最後應該只會剩餘一至兩間俾你決擇吧!!!

原帖由 acmc 於 09-7-5 20:44 發表


但有人叩門和交profolio, 其實我都好唔明????

[ 本帖最後由 臻媽 於 09-7-5 23:42 編輯 ]

Geni

原帖由 acmc 於 09-7-5 23:12 發表

其實係我唔想行多餘嘅路姐, 如果考到都唔會讀的又可必去報呢, 係我懶姐!
我唔會報面試班, 亦唔會要佢背標準答案, 我喜歡佢答自己心裏所想的, 但我會教禮貌, 同人相處 同人share, 己教咗幾年喇, 可能會有人說, 你這 ...

舊年呢個時候我都有你差唔多o既想法, in到唔會去讀o既學校in o黎做乜, 而且我雖然唔係覺得自己個仔好叻, 但冇諗過佢一間都考唔到, 結果..... 就係一間都考唔到. 咁跟住又諗, 我自己又唔係住名校區, 自己區入頭3志願o既有成90%, 咁最多咪讀官津o羅! 結果..... 我就係o個最唔好彩o既10%.... 當時o個種徬徨o既心情, 真係好難形容, 搞到我身邊o既朋友都擔心埋一份..... 所以, 我真係想真心咁同你講, 點都要考一兩間可以接受o既私校, 假如(touchwood)考心儀學校冇著落, 大抽獎又冇運行o既時候, 都總算有個底線, 之後再繼續叩門都仲可以.

見到你好努力咁收集各校o既意見, 知道你係一個有準備o既媽咪, 所以更加希望你o係努力向前看o既同時, 為自己準備埋個安全網! 努力!

[ 本帖最後由 Geni 於 09-7-5 23:50 編輯 ]

smartcar

As a responsible parent, you could only do it once in a life time.  Your kid is still depending on your decision.

Do whatever it helps your kid NOW...and save all regret in furture.

Why people is still knocking the door on LS?  the chance is really slim to impossible however responsible parents are still putting all efforts to make it comes true.  

What will you lost at the end?  Just some time and papers.

For interview, take it as free training to your kids.  

Radiomama

Geni,

我一直有留意您的post，好多謝您的真誠和分享，希望您小朋友學習愉快。

回應樓主的提問，不如將私校&直資的學校分3個batches--
1) dream schools (拔萃男、英華)
2) good (陳守仁、九龍塘小學)
3) acceptable(播道、觀塘聖若瑟)

每個batch填兩間學校入去(我照您的list，再考慮九龍區而放入去)，咁total考6間學校，夠唔夠呢?  不如大家一齊討論呀?

原帖由 Geni 於 09-7-5 23:48 發表


舊年呢個時候我都有你差唔多o既想法, in到唔會去讀o既學校in o黎做乜, 而且我雖然唔係覺得自己個仔好叻, 但冇諗過佢一間都考唔到, 結果..... 就係一間都考唔到. 咁跟住又諗, 我自己又唔係住名校區, 自己區入頭3志 ...

acmc

原帖由 Geni 於 09-7-5 23:48 發表


舊年呢個時候我都有你差唔多o既想法, in到唔會去讀o既學校in o黎做乜, 而且我雖然唔係覺得自己個仔好叻, 但冇諗過佢一間都考唔到, 結果..... 就係一間都考唔到. 咁跟住又諗, 我自己又唔係住名校區, 自己區入頭3志 ...

多謝你! 由於我個是細仔, 我有試想過考十間,十間都唔收的感覺, 所以我明白你當時的心情, 真係好徬徨, 我連大奬都預咗唔中, 最後只有到處叩門, 還在想叩門都唔夠人快,間間都話滿了, 個心好急好愁, 鬱住鬱住咁, 不過就算我帶佢去考二十間, 這個可能都一樣會存在, 不過我都會做, 帶佢去多幾間.唔想日後後悔嗎!

Geni

原帖由 acmc 於 09-7-6 12:11 發表

多謝你! 由於我個是細仔, 我有試想過考十間,十間都唔收的感覺, 所以我明白你當時的心情, 真係好徬徨, 我連大奬都預咗唔中, 最後只有到處叩門, 還在想叩門都唔夠人快,間間都話滿了, 個心好急好愁, 鬱住鬱住咁, 不過 ...

其實唔係多少間o既問題, 而係類別o既問題. 好似radiomama所講, 要將d學校分類, 好想入但多人爭o既當然要試啦, 不過叫得"好想入"理應唔會多過2間. 而次一級o既(自己覺得ok但都一樣好多人考o個d)就應會有好多選擇, o係入面選2~4間, 最後再搵d唔係太多人考(<1000申請人)o既私校去考, 又係一兩間好o勒! 咁加加埋埋都唔會多過10間, 咁已經好足夠o家o勒!

仲有, 除o左直資私校, 你都要搵時間了解o下自己網入面o既學校, 因為萬一(touchwood)要玩大抽獎都唔會太徬徨. 加油呀!

acmc

原帖由 smartcar 於 09-7-6 03:39 發表
As a responsible parent, you could only do it once in a life time.  Your kid is still depending on your decision.

Do whatever it helps your kid NOW...and save all regret in furture.

Why people is s ...

Thank you for your reply! I agree and understand what you said. I also have seen the forum about ying wah. It is regarded as my target.

acmc

原帖由 Radiomama 於 09-7-6 10:58 發表
Geni,

我一直有留意您的post，好多謝您的真誠和分享，希望您小朋友學習愉快。

回應樓主的提問，不如將私校&直資的學校分3個batches--
1) dream schools (拔萃男、英華)
2) good (陳守仁、九龍塘小學)
3) acceptable(播道 ...

多謝你的回應! 你有沒有其它學校提議呀? 包括大抽奬可以考慮的.

[ 本帖最後由 acmc 於 09-7-6 21:29 編輯 ]