增加機會!!!!!

shala

本人屬14區網,心儀衛理小學.
但囝囝讀緊寶血幼稚園K2
以我所知,衛理幼稚園嘅學生應該會直升上衛理小學,除佢非佢唔揀,咁外來主嘅機會係咪好微?
衛理小學又分上,下午班,有冇分別?如有,分別在那裹?
衛理小學,派位又如何?
點樣可以增加入衛理小學嘅機會?
本人好多野嘢都唔識,希望大家提供一啲方法俾我,謝謝你們.

各位,如果北官(英皇道),衛理,循道,聖米(柴灣),聖米(炮台山)大家會點排?
謝謝!

shala

pls give some comment!

Charlotte_mom

衛理小學係津小, 要跟政府派位收生, 就算係自己幼稚園生都唔會有priority(同寶血小學一樣)
直到過左第2輪, 有位剩至可以自由收生, 到時就可以優先收自己幼稚園學生(同寶血小學一樣)
o係12網, 寶血唔算太熱門, 所以去到最後有位收自己幼稚園生, 唔出奇, 衛理情況我就唔清楚, 衛理上下午都係得2班, 應該唔會太多叩門位
我相信你都係時候了解下"小一入學統籌辦法"了
http://chsc.edb.hkedcity.net/primary/
(官校津校都係呢個rule, 無咩方法可以增加入學機會, 如果想有把握, 唯有靠自己去考私校或者直資了, 好多都開始左開放日, 簡介會, 要把握機會喇)

原帖由 shala 於 09-5-31 06:53 PM 發表
本人屬14區網,心儀衛理小學.
但囝囝讀緊寶血幼稚園K2
以我所知,衛理幼稚園嘅學生應該會直升上衛理小學,除佢非佢唔揀,咁外來主嘅機會係咪好微?
衛理小學又分上,下午班,有冇分別?如有,分別在那裹?
衛理小學,派位又如何 ...

shala

謝謝你的意見.

我想問如果我宜家同囝囝K3轉去讀衛理幼稚園,咁到時會唔會增加叩門嘅機會?

Charlotte_mom

應該總有d的
不過小學上下午夾埋至收around 130個學生, 叩門位真係唔多, 你要8清楚先
而且k3唔易收插班生, 不過你可以試下既

原帖由 shala 於 09-6-1 08:07 PM 發表
謝謝你的意見.

我想問如果我宜家同囝囝K3轉去讀衛理幼稚園,咁到時會唔會增加叩門嘅機會?

shala

Charlotte_mom,

多謝你嘅回應.
如果K3先轉過去,叩門嘅時候會唔會因為你只係讀咗一年,機會係咪會俾嗰啲由K1開始讀到K3嘅學生入到嘅機會微?

囝囝宜家喺寶幼讀得都好開心,究竟值唔值得轉校?萬一轉咗都可能未必入到.好矛盾!

我想問第一輪計分係點計法?每個小朋友total有幾多分?

以你意見北官和循小係咪會比較傳統和功課,考試多?
北官,循小,衛理,滬江和聖米點揀法?可否比啲意見我作參考.

其實我都會同囝囝報私小和直資,我最心儀係港大同學會小學,但知好難入,所以冇把握.

漢華小學好唔好?

私小會考高主教,本來有諗蘇浙,但有朋友話蘇浙中學係女校,所以蘇小會好多女仔,可能一班得兩個男仔都會,所以叫我唔好考慮.

謝謝你!

Charlotte_mom

叩門點收生, 真係無人知......我就覺得會收左叻果d先lor (好似好廢 )

小一計分, 你可以睇返上面edb條link, 左手邊有"小一入學統籌辦法" (<--小心睇完會激到嘔血)

14網d小學我唔多識呀......d人入官小多數係貪佢聯繫中學good, 咁北官又唔夠軒官好wor......

蘇淅同滬江都係傳統學校黎架, 蘇浙中學麻麻, 要去考出面d中學, 而滬江無咩直屬聯繫中學, 可想而知, 一定要操到"恆"至夠人fight, 小3小4又開始操了........

港大同學會小學係多人呀, 年年都over1000人爭120個位, 不過運氣既野好難講呢, 唔考下點知wor! train小朋友放d夠膽d合群d, 另外中英文reading skills都要有呀(first in要睇中英文書)....我女果時first in出黎, 就講老師讚佢執玩具好乖, 我成日笑佢, 咁就符符碌碌, 碌左入去了
唔好介意我咁講, 我知寶血英文程度一般(我女真光咪又咁上下), 要操多d英文reading skills, 認下high frequency words, 考邊間小學都著數d!

漢華小學, 聽口碑唔錯的, 我miss左佢上週未個遊戲日了.......(哎, 大女今星期考試!), 因為比較新, 暫時應該唔算太難入, 聽d人講讀得幾開心的, 普通話程度高, 英文都ok, 可以考慮 (我都會同細仔報下)