唔知各位係唔係同我一樣？

waterlin

最近為再幫女女找幼兒園，覺得好煩．．．．又想近家了又想學校大．．．．又想．．．．
最後，自己就覺得這只是為女女讀書的第一個煩．．．日後重有很多．．．
唔知各位係唔係同我一樣覺得好煩？不如在此說說，抒發一下   

HoB

Hello, 我個女其實先剛滿一歲, 我諗住佢3歲先同佢讀幼稚園, 但係我由佢一出世就已經諗住第時同佢搵學校會好煩. 好似你咁講, 又要間學校好, 又希望可以升到間好小學, 跟住就中學..... 但又驚個女入唔到.

老實講, 宜家已經咁多野煩, 第時對個女同自己都會好大壓力. 所以後來經老公開解, 叫做放開少少. 有時越擔心, 仲越會有反效果. 大家一齊努力啦.

waterlin

對呀！我想做新一代媽媽都是這樣！！

loklokc

Hi, waterlin
我都覺得好煩呀!我唸住報幼兒園可慢慢來, 原來有D要今年報, 仲要今年IN, 阿仔今個月都IN咗兩間.  一間好輕鬆過關, 一間要坐定定IN 就勁喊.  佢得16個月人仔,要佢做咁多嘢好似好慘咁!
唉!  將來幼稚園又IN, 小學又IN, 中學又IN......除非考到"一條龍"小學到中學, 煩少D.
不過, 今次令我有D體會, 有D嘢, 勉強冇幸福, 不知妳有無宗教信仰, 如果妳肯交託給神的話, 衪自有安排.  可惜我好多時都沒有託給神, 所以常常為阿仔的事而煩惱.:cry:
大家儘咗力, 就順其自然啦!  多上來傾偈, 交流吓啦!  
loklokc

waterlin

loklokc:
這裡很多標題，現在才發現你的信息。
多謝你的鼓勵,我都布宗教信仰，:))我們一起努力!!

slk

我個仔依家都要報k1,真係好煩架 起初無諗到咁多,淨係諗住搵間好啲(一條龍)但原來好多好學校係好鬼多人爭 :-x 我先唔敢懶,拿拿聲睇資料搵學校.一搵就要搵定幾間.又要mark低幾時派表、開放日、interview time......真係好煩.攪到自己鬼咁緊張 因為幼稚園真係可以影響深遠架.
好彩,我同樣有宗教信仰.我同主講,"我將我生命交托你,亦將小兒交托你,祈求主你帶領......"之後個人真係舒服好多.所以大家真係要放鬆啲,主自有安排架

qk

先旨聲明: 不是想挑起紛爭或說風涼話.

生小朋友之時, 早應該知道小朋友既成長係一件極度花精神和體力既事及一個永久既責任, 事前如果沒有充足既心理準備, 就不如不生. 小朋友讀書, 就係咁煩, 可以預見, 以後愈來愈煩. 不過, 既然已經行緊這條路, 就堅決行到終點. 一齊努力吧!

還有, 不要樣樣事都交託給神, 自己既責任就自己負, 自己做及自己找辦法. 做一個子女引以為傲既父母親吧.

slk

qk, 蕙蕙豬,

我唔係講咩都交托神,只係有時太大壓力,會令自己煩躁,影響心情,唯獨我心中有神,祈禱後心都會平和冷靜些咁解啫.我夠知,唔通我咩都唔做會有學校打來叫我個仔返學咩.

loklokc

Candy_kent

Yes ar.  Creative Kinder (Heng Fa Chuen) & KC law.

lokloc

魚子

真係生又煩唔生又煩呀....

991129

konekobb 寫道:
真係生又煩唔生又煩呀....

Totally agree!

mannok媽咪

Hi,各位媽咪

其實我都覺得好煩,仔仔明年9月就2歲4個月,
我之前既想法係06年先讀k1,因怕BB易病,
同埋覺得佢都仲細個,但而家有D收變,

我都想比佢讀n1,仔仔愈大愈難教,佢唔怕我,仲好硬頸,
有時喊果個係我,因嬲過頭!!
自己覺得辛苦有壓力,而且唔係好識教BB,
希望返學能令仔仔定D,自己有返dd時間鬆下,

但揀學校都係1個問題,我自己希望1條龍上,
但要出九龍讀,怕個仔辛苦,
普通屋邨幼稚園定讀名校??
其實應該點揀好呢??

monmantong

Qk,

I am also a Christian but i am going to agrue with you, but
i just want to mention that, if you are not Christian,
you may not understand what Christian should do. we are not
giving the burdens to our God, as of course once we become mothers,
we will be responsible for all issues about our babies, but
for us, Christian, eventhough small things we will pray
to God, let him know what we think, it is a communication,
and God is willing to share with us, and support us, lead
us the road, we are not only sitting and wait for God's
arrangement, but instead we will pass our concerns , happiness,
unhappiness all to our God, because he is our father, he loves
us and willing to listen to us, educate us if we are incorrect.

waterlin

各位媽媽,
原來此處有和我一樣的煩人....哈哈!努力啦啦!
記得bb出生時，我就擔心無人奶，後來有好多人奶，又擔心bb的濕疹 ，bb的濕疹好了，又擔心個女認得工人唔認得自己.........
我覺得擔心對女人來說是重要的 ，因為這是天性，保護bb的反應，當然，不可過份擔心 :   所以，我找你們分享啦

qk

monmantong,

宗教既觀點, 跟本就冇得 "argue", 因為冇對與錯既存在, 況且這裡并不是合適的討論區. 我只想表明我的立場: 我不認同 Christian 的價值觀, 因為我覺得它被主觀既宗教的所謂規條所支配; 我認同 Catholic, 因為它認為所謂既規條都係人用自己既思維/價值觀去解讀, 所有既真理都應該由心而發的.

slk

everybody,算數吧!可必為這小事爭論呢,有關宗教這個咁主觀嘅問題,各有自由係啦.總言之學waterlin話,佢開個topin出來,係希望大家都為著替小朋友找學校而煩惱嘅家長可以發洩一吓、放鬆一吓,以及分享佢哋點樣去舒緩.以唔係找煩惱.唔好再批評人哋嘅宗教自由,唔好再去理會人家怎樣舒緩心情.請留意標題"唔知各位係唔係同我一樣"就係咁簡單.
總之一句,放鬆啲啦.

qk 寫道:
monmantong,

宗教既觀點, 跟本就冇得 "argue", 因為冇對與錯既存在, 況且這裡并不是合適的討論區. 我只想表明我的立場: 我不認同 Christian 的價值觀, 因為我覺得它被主觀既宗教的所謂規條所支配; 我認同 Catholic, 因為它認為所謂既規條都係人用自己既思維/價值觀去解讀, 所有既真理都應該由心而發的.