想知道多些將軍澳德寳幼稚園的資料

bbaa

因我小朋友九月已經報了另一間幼稚園k1，但是最近才知道那一間不是好理想．希望知道多些德寳（富康）的資料．謝謝！！！   

wing530

Hi, bbaa,

我仔仔都係讀富康德寶架~ 你想知乜野呀? 你仔仔今年9月讀k1呀? 我仔仔都係k1, 剛剛係星期一開學啦~

如你想知得更多, 你可去另一個topic度睇睇啦, 叫"將軍澳富康德寶(DEBORAH)"呀! 我地成日係果度傾計架~     

係呢, 我想八掛一問, 你報左邊間幼稚園, 覺得唔理想呀? 又點解呀?   

bbaa

wing530,

首先多謝你．你仔仔讀k1是國際班還是主流班呀？返咗幾日學習慣嗎？

我知道德寶分別有主流班及國際班兩種，因早前有打電話去問，主流班有中．英．普通話，而國際班全英文．但我想報主流班，想知道主流班中．英．普通話每日時間上的安排和師資好唔好．

另外，我小朋友報咗籃田佛教金麗，但最近聽人講那裡的老師好惡，又多功課，話就話是活動敎學，其實是傳統教學．本來在街坊口中這間在籃田是不錯的，每年取報名表都要通宵排隊，今年也是一樣．

wing530，唔該晒！
  

fifi

bbaa,

係呀﹐學wing530話哉去’將軍澳富康德寶‘個topic 睇下﹐你有問題好多熱心的媽咪都會幫你的。我女琴日先開學﹐不過係讀國際班﹐今日直親玩到唔舍得走﹐玩多左一個鐘﹐最後係個miss比個玩具佢帶返屋企先肯走。

wing530

bbaa,

唔洗客氣~   

我仔仔讀主流班呀! 返左5日學, 無喊喎! 仲話返學好開心呀! 我都好突然, 因為仔仔從來未試過單獨1個人, 今次竟然無喊, 仲同我地講" bye bye"喎~     

英文堂每日都有外籍老師教, 有教Phonic架, 普通話就1星期2日, 半日學費$2017, 全年雜費約$5000, 分2次比, 初初我都覺得貴架, 有次我同我朋友果間(啟x, )比較下, 佢果間仲貴, 無外籍老師, 無教phonic, 普通話都唔知有無喎~ 相對之下, 又覺ok喇!

德寶我都覺係d"谷"既學校喎, 下星期做功課喇, 做d線條囉, 你有無參觀過校舍呀? 睇左鐘唔鐘意先決定啦, 係呢, 你住邊頭架! 係咪我地將軍澳居民呢?    

嘩~ 乜籃田佛教金麗咁勁架, 要通宵排隊咁犀利, 我唔知喎!    

fifi, 我講得o岩唔o岩呀~      

     

bbaa

wing530,

因時間問題，現在才回應你，好多謝你和fifi的意見，讓我知道更多德寶的資料．

你仔仔返學習慣了吧！５日就無喊，好叻仔呀！除英文堂外，其他時間老師和學生是怎樣溝通，是以廣東話還是英文呢？

但我還沒有報名，還是心大心細，因我住廣明苑，如果讀德寶，仔仔要搭校車去籃田親戚家，因沒人照顧仔仔．好煩惱！唔好意思，又麻煩你．