究竟發生乜事呢？

aaron_mama

囝囝升上中一後 (band 1) ，常常忘記帶書漏功課，上學期已被記缺點，改善了幾星期之後現在又開始。而且又唔溫習令到小測成績好差，我以為佢成績跟唔上，所以請補習比佢，但老師話佢個低 ok 喎，只是唔上心。好驚佢要留班呀！究竟發生乜事呢？

HPChingchingma

原帖由 aaron_mama 於 09-2-10 13:44 發表
囝囝升上中一後 (band 1) ，常常忘記帶書漏功課，上學期已被記缺點，改善了幾星期之後現在又開始。而且又唔溫習令到小測成績好差，我以為佢成績跟唔上，所以請補習比佢，但老師話佢個低 ok 喎，只是唔上心。好驚佢要留班呀！究竟發生 ...

我諗仔仔已到反叛期.
我個仔 F.1 都係咁.

我要佢上補習社, 只係跟功課果的.
就係唔想手冊咁花 . 無耐 .....
F.2 都仍有好多缺點, 不過希望去唔到2, 3 個小過 , 或大過而已. 我自己個小朋友就有跟老師, 社工三方傾過,  情況未去到我諗的那麼壞. 都係你果句 < 唔上心 > ,  當我地跟得佢的野貼一些 , 就有改善.  

上了F.3 都仲有少少問題 . 可能開始要揀科 . 開始有自己的想法了. 而家好似好左好多老師, 主任也讚佢.

努力的 , 慢慢來,  有時不單在學習態度的反叛 , 連性格, 行為也有好大的轉移 ,  跟父母關係是比較例差. 我諗過了這個時間, 大家會好好的. 但千祈唔好<蚊陣 > 而出手 ...

aaron_mama

明白，就係初頭會鬧下佢，但情況更衰，所以唔敢鬧啦！ 但每次收到佢學校電話投訴都好驚架！

sukkiu

我諗你要跟一跟,我個囝間學校既老師,話要跟一年,我跟足一年,睇功課,執書包,真係救命,完全唔上心,到而家中二好少少,但佢唔鐘意我跟,我唯有放手,係有時提下佢.

HPChingchingma

原帖由 aaron_mama 於 09-2-10 14:32 發表
明白，就係初頭會鬧下佢，但情況更衰，所以唔敢鬧啦！ 但每次收到佢學校電話投訴都好驚架！

對呀!

aaron_mama 真要跟貼的.

不過, 有時見佢地有問題 , 不要直接話佢地.

舉例個案  ......
亞仔在沖涼時,  等意在門口跟爸爸對話 , 如果亞仔係呢個月沒有漏做功課 , 書包企理 ,  係話獎甚麼畀亞仔好呢 ??

[ 本帖最後由 HPChingchingma 於 09-2-11 12:13 編輯 ]

littleyan

我個仔已經F.2,他說前幾天老師稱讚他.
我馬上好開心咁問他老師怎樣稱讚他.

Answer : 老師讚我,是在欠交功課冊上竟然
         沒有我個名,真是好少有!

davidmimi

好多家長有個錯誤的想法,係上到中學就是大人,不需管教了...實在是錯得很呀.

中一係好重要的適應期,無論是英中或中中,科目及程度均較小六艱深,同時,中學老師不會再當學生是小朋友,很多事情均要求學生自主自理,若果家長們同時放手,即係叫個小朋友自行適應這個艱辛期,成功固然恭喜你啦,但失敗亦是正常的.

家長應該協助子女適應中學的大人生活,例如:要子女自己做功課,溫習,執書包等...父母就私下作檢查,若有錯漏,便要她檢查及找出錯誤...

不要想我們以前比較,要知現在個個是小寶寶來的,要逐步逐步放手,一般中二會真的成為大人了.

loksun

有時小朋友上了中學後, 他們也有自己的擔憂, 但又不知怎樣表達出來給父母知, 例如他們在功課上, 環境上以及朋輩上都有不多不少的問題, 我們做父母一定要有耐性去問他們, 或者, 起初他們樣樣都說沒問題, 但我們做父母如見到他們有異樣, 就要多加問問他們在學校的生活怎樣, 和同學相處開心與否, 這樣才可維繫一段良好的關係, 多了解他們, 這樣才可幫他們解決問題

ninmum

贊成以上2位媽咪的意見!

aaron_mama

多謝各位媽媽的寶貴意見，我會重新跟進囝囝的功課。真是好多謝你地。

小鹿斑比

完全同意呢位媽咪所講。小朋友升上中學，佢地都要適應，等於我地返新工一樣，環境 / 同學 / 老師 / 學科都同小學吾同，所以做父母一定要多加留意。

原帖由 loksun 於 09-2-11 16:14 發表
有時小朋友上了中學後, 他們也有自己的擔憂, 但又不知怎樣表達出來給父母知, 例如他們在功課上, 環境上以及朋輩上都有不多不少的問題, 我們做父母一定要有耐性去問他們, 或者, 起初他們樣樣都說沒問題, 但我們做父母 ...

petunia

小朋友升上中學，升上花花世界，升上一個新的考評規則，難免會摸不到學習的方法。

如果你的小朋友步入了反叛期，你就要在他還未識到壞朋友之前管住他，不妨跟他多談論有關人生道理的問題，慢慢滲一些大道理給他。小朋友在這個階段一定要學習守住底線。只要過到這一關，小朋友就會平安渡過反叛期。

成績退步在中一級是非常常見的現象，主要是因為小學和中學對於學科的要求有很大的分別。「我中文考得唔好？睇睇分卷的要求，哦...原來中學要求寫多d字的詳解」「上歷史堂阿sir講果d故事我都記得架，點解考得咁差？哦....原來歷史是比較著重年份、事件同埋影響，果d故仔只是引起興趣.....」等等。

至於小朋友，沒有一個小朋友不會為成績退步而傷心，你要相信個個小朋友都想得到好成績。他們只是不懂得表達他們的傷心。你要好好安慰他，跟他一起討論新學校對「評核遊戲」的不用玩法。

祝小朋友學習有所成就！

aaron_mama

原帖由 petunia 於 09-2-15 11:16 發表
小朋友升上中學，升上花花世界，升上一個新的考評規則，難免會摸不到學習的方法。

如果你的小朋友步入了反叛期，你就要在他還未識到壞朋友之前管住他，不妨跟他多談論有關人生道理的問題，慢慢滲一些大道理給他。小朋友在這個階 ...

好多謝你的解釋，現在明白點玩這個新遊戲了。

ZoeJoey

happyvalley

係咪男同女都一樣！

慧妮會員

原帖由 petunia 於 09-2-15 11:16 發表
小朋友升上中學，升上花花世界，升上一個新的考評規則，難免會摸不到學習的方法。

如果你的小朋友步入了反叛期，你就要在他還未識到壞朋友之前管住他，不妨跟他多談論有關人生道理的問題，慢慢滲一些大道理給他。小朋友在這個階 ...

ZZdaphne

好同意咁多家長的意見，
F.1真正小朋友的重要轉捩點，
父母真的要加倍留意，
但又不可以嘮叨，
又不可以像小學生般照顧，
家長都好像上了人生一課。

johnmon

[quote]好多家長有個錯誤的想法,係上到中學就是大人,不需管教了...實在是錯得很呀.— 是，在家長會中，校方表明不要一次地放開所有，而是要慢慢的。

中一係好重要的適應期,無論是英中或中中,科目及程度均較小六艱深,同時,中學老師不會再當學生是小朋友,很多事情均要求學生自主自理,若果家長們同時放手,即係叫個小朋友自行適應這個艱辛期,成功固然恭喜你啦,但失敗亦是正常的.

家長應該協助子女適應中學的大人生活,例如:要子女自己做功課,溫習,執書包等...父母就私下作檢查,若有錯漏,便要她檢查及找出錯誤...— 我會盡量嘗試在兒子反叛期間盡量作出平衡。既要協助和提點他，亦要他接受。


不要想我們以前比較,要知現在個個是小寶寶來的,要逐步逐步放手,一般中二會真的成為大人了. —太好了，但我個人則認為小兒要到中三或以後，因他像本人較遲熟。希望在明天[/quote]

johnmon

至於小朋友，沒有一個小朋友不會為成績退步而傷心，你要相信個個小朋友都想得到好成績。他們只是不懂得表達他們的傷心。你要好好安慰他，跟他一起討論新學校對「評核遊戲」的不用玩法。

贊成，因他們也希望獲得自己在意的人的認同和讚賞來確定自己的位置。

wah183

中学和小学是完全不同的教育模式，上了中学，科目多了，课堂上的知识点也多了很多，教学进度自然就快了。而且中学的教育不象小学讲得详细，而是以启发思考为主了，要中一的学生一下子适应很困难，所以，作为家长，一定要帮助他们踏好呢关键的一步，做好中小学的衔接，使他们更快地适应。
不论在学习上、生活中、甚至连情绪都应该密切留意他的变化，多沟通，了解他的想法，及时帮他分析解决问题。教会他有效的学习方法，提升自信心。
可以说，中二开始，是龙是虫已经基本知道的了。所以，中一是很关键的一年。