☆屯門聖公會青山聖彼得堂(兆麟苑)家長請進~

LongLong_ma

YY,Ding,

咁就是......搭校車的確方便d又比自己搭車平.......不過聴落好似青山個邊的學車公司好d
上個星期五開始教書啦......我有d 老鼠拉龜  都唔知要唔要同仔仔温習........同佢温......佢又唔睬我......我講東佢講西.......就是不合作......我試過用幾個方法...... 佢都是唔理我.......都唔知點好......妳地是點教仔/囡呀???指教下我呀   

YYMom

LongLong_ma, 我仔k1的時候, 我好少同佢温習, 只係耐唔中同佢認吓字(英文書同中文認字簿), 我諗全年都無十次 . 上學期開始時佢好多中文都唔認得, 只係認得英文 到後期開始認得中文, 但其實佢係記住幅圖畫 返而有時佢係街或報紙見到啲字, 會自己同我地講呢個係咩字, 咁我地就睇吓係四周有冇啲字係佢有學過, 再問吓佢認唔認得 .

原先我諗住讀幼稚園係唔使温書架 有次家長座談會先知原來有啲k2的家長有同佢啲小朋友温習, 咁我今年都有同仔仔温習, 不過都係weekend, 因為經過一星期係學校多次重複, 佢係星期尾會熟悉好多. 特別係兒歌 LongLong_ma, 你仔仔先剛開始返學, 我諗都唔使咁心急同佢温習嘅 ,可能每日同佢傾吓計都好夠

係呢LongLong_ma,你仔仔係唔係參加過仁愛堂個playgroup?對適應k1有幚助嗎?我諗住俾細仔明年直入k1, 所以今年想帶佢玩吓playgroup先, 希望佢到出年正式返學可以喊少啲

LongLong_ma

YYmon,

聽完妳講......真係鬆晒. ......原來佢地會係學校重複學習o架???.....我以為教完一課就等我地家長幫佢地温.......所以我先咁緊張.......咁我都可以一星期先温一次.......多謝妳話過我知呀  
咿  .....妳點知我仔仔返過仁愛堂o既 ......我係咪識妳架?? ......其實我响仁愛堂玩都有一年啦........大家媽咪都覺得我地的小朋友的確返學時出現情緒問題比較少........所以我諗都有幫助.......妳都可以比妳仔仔返呀.....反正都只係毎星期返一日........比佢體験少少學校生活都好呀.......又平又低玩


今日唔見加加媽咪既 .......係咪好忙呢  

Ding

LongLong_ma

我同YYMom一樣..星期尾先同佢地溫一次..平日就會叫個仔攞d功課俾我睇..(都係d畫畫..油顏色) .. 睇下教咩 ..同埋問下今日老師同佢玩咩唱咩 .. 有時個仔會叫我一齊睇書..叫我講故仔俾佢聽.. 我就用d兒歌集或者主題書同佢一齊睇...其實佢衣家學d英文宇同埋數目字..以前n1都學過..所以佢都認得.. 係中文字對佢黎講難d.. 我會試下用 YYMom個方法..睇下佢係咪真係記得 ..

而家暫時都唔洗太擔心.. 好好享受多一兩年罷..   

加加媽咪

Hello 各位媽咪...

今日返工好忙, 所以都冇時間上嚟留言. 嘩, 原來今日你地有咁多留言既, 真係覆唔切添.....  

今晚放工返屋企途中收到老師的電話話有功課要做, 啱啱先同囡囡做完功課 (只是油顏色) 再同佢唱吓歌仔, 講故事, 其實今次係我第一次同囡囡做功課,  囡囡都好有反應同好開心, 佢仲一邊唱"排排坐", 一邊做動作, 又識話 "中秋節, 月亮圓, 月餅甜, 月餅圓又甜..." 老師話依家每日大約會有一至兩樣功課要做, 其實我都冇諗過咁快就要做功課, 不過都係好簡單既, LongLong_ma, 今晚你有冇同仔仔一齊油顏色呀, 你唔洗太擔心既, 我諗你仔仔好快都會投入架.   .....

係呀, 多謝你呀, 囡囡係10號生日架, 星期五開完生日會返嚟佢好開心呀, 仲收到禮物同印咗成班同學仔同老師既名既生日咭, 唔知幾時有相睇呢...??

YYMom

LongLong_ma, 學校每星期尾都會派下個星期的綱要(學校網頁都有得下載), 同埋教完的老師會在課本蓋"已授"印, 你可以留意返個進度.

其實我應該係其他屯門媽咪/幼稚園的topic見過你, 見你地討論過仁愛堂的playgroup. 之後我去仁愛堂的website揾唔到個playgroup, 再上來問, 好似係你答我係在仁愛堂的幼稚園 ?我已經同我兩個仔報左名.其實大仔可以唔使, 不過細老去, 佢又要去 係呢, 又想問吓唔知嗰時你地係唔係要帶多對鞋?唔知拖鞋得唔得?定要買對"白飯魚"?      

Ding

尋晚我睇緊報紙時諗起YYMom嘅方法..我即刻叫個仔問下佢報紙上面有無個人字呀 .. 佢睇左一陣就指左個"人"字..仲指左幾個俾我睇.. 後來佢又問番我轉頭..叫我指個"人"字..我專豋指錯..佢即時話唔係..仲指番個岩嘅宇添... YYMom唔好以為佢地認公仔.. 原來佢地真係認得d中文架..你個方法真係好好.. 唔該晒 ..    

加加媽咪

Ding,

你仔仔開始有功課做未呀? 係唔係油顏色呀 ??

Ding

加加媽咪

有啦.. 都係連線同油顏色..不過有d唔同以前..佢地而家會油一d字..例如英文字.. 數目字..以前只係油公仔多..你果邊係咪咁呀? 收到興趣班d資料未 ?

加加媽咪

Ding,

囡囡要做的功課叫"連線練習", 係要小朋友在圖畫上點上沙粒, 但係冇寫明要油顏色, 不過囡囡拿起支顏色筆亂咁油....... 第二日返學時見到課室貼咗果張圖有油顏色, 原來真係要油既, 昨天同前天的圖畫是一樣的, 不過係兩本內容一樣的練習.

仲未收到有興趣班的資料, 我諗"兆麟"依邊K2先有......

YYMom

Ding 寫道:
... YYMom唔好以為佢地認公仔.. 原來佢地真係認得d中文架..你個方法真係好好.. 唔該晒 ..    

唔使唔該    睇住佢地到嘢真係好開心架   

加加媽咪

YYMom,

以後大家有咩好既教仔教女心得同方法, 真係要同我哋Share 吓喇......   

YYMom

加加媽咪, 大家多啲分享吓 我都有好多嘢要學 有好多嘢我都係上bk請教各位架, 可以話得益良多    

Ding

YYMom

加加媽咪講得岩呀..我都覺得你識好多教仔心得 .. 對學校又熟.. 我都喺你度學左好多野.. thx ..  

LongLong_ma

Ding,YYmon,加加媽咪,

我都係咁話......係bk 真係學到好多o野(都要多得d 媽咪唔吝惜......肯同人分享)所以大家有好o野真係要攞出黎.....大家分享下(包括 心得/美食)

囝囝做左兩日功課......我就覺得幾好玩......第一日陪住仔仔做功課......都幾感動.......好大個仔咁......真係唔同返playgroup 個陣(完全唔正經).......點完沙沙同油埋顏色.......佢重响個海加多一條魚同一隻船(當然係抽象個隻)(即係妳唔問佢係o麥.....妳呢世都估唔到個種)     

YYMON,

妳教的方法.....我都試下先......雖然仔仔都未識字.....但我諗俾佢睇得多都會好D!!!返仁愛堂帶拖鞋都可以......其實無所謂.......只要個對鞋乾淨就OK.....如果妳唔記得帶......仁愛堂都有拖鞋(只要妳唔介意)!!


加加媽咪,

唔好意思......計錯數添....原來係10號呀......我仔仔做陪o個
個都咁開心.....妳囡囡就一定開心啦    我地唔知幾時有機會見面呢??

ding,

我地無興趣班喎 .....真奇怪......同一名下幼稚園都會有唔同的標準     

加加媽咪

我認為YYMom 的經驗應該比我哋多, 因為她已經係2個小朋友的媽咪嘛.....     

其實我都好佩服你架 YYMom, 又要返工, 又要照顧屋企同兩個小朋友, 依家我放咗工返去呀媽度食埋飯先帶埋囡囡返屋企, 又唔洗我煮飯洗碗, 食完就走人    返到屋企同囡囡做一陣功課同溫習吓, 想坐係梳化度睇吓電視的時間都冇, 都已經好倦..... 依家都唔係多功課做喇, 遲d多起上黎都唔知點.....   

LongLong_ma,

睇住仔仔有改變真係好開心同安慰, 不過你話仔仔: ".......佢重响個海加多一條魚同一隻船(當然係抽象個隻)(即係妳唔問佢係o麥.....妳呢世都估唔到個種) " 真係好搞笑 , 我囡囡琴晚就算好眼訓都一定要我同佢一齊油顏色, 仲要油埋"阿華田填色比賽"張 Form 先肯訓覺, 你仔仔交咗未呀?.... 囡囡琴晚仲有唱歌俾我聽, 佢一面唱一面做動作, 不過唔知佢唱咩, 我估係英文歌, 只係聽到到佢唱: ".... say....????say...???" 我問佢係咪英文老師教架, 佢話: "係呀.... 黑MonMon果個呀 !!" 真係俾佢激死, 不過佢之前都好怕"黑人", 見親都話: "e~~好肉酸呀... 黑MonMon既??..."   

我諗我哋最快都要11月份既親子旅行先有機會見面喇, 你話係唔係? 你會唔會去呀??

加加媽咪

LongLong_ma & YYMom,

你哋有冇上學校個網呀? 最近upload 咗d新相片喎, 睇吓有冇影到你哋既小朋友.   

Ding

LongLong_ma, YYMom, 加加媽咪

大家交流日常揍仔心得真係好開心..我見囝囝一日一日大..又有另一種感覺..小朋友學野真係好快.. 見佢返學咁開心.. 自己都開心.. 個工人同我講佢一落校車就好開心話.."今日食香蕉..酸味味架" .. 自從返左學佢真係學識好多野 .. LongLong_ma..我個仔油顏色時又係鍾意加d野上去.. 我都無阻止..(唔好防礙佢地創作精神... ) .. interview時個老師都係咁講.. 叫我由佢自己畫...

我乳bk好多媽咪好想仔女讀名校..但自己就唔想 .. 咁細個就要佢"質"咁多野落個腦度.. 好可憐 .. 童年應該開開心心過 .. 個小朋友係讀得書嘅.. 去邊度讀都一樣 .. 當然間學校唔係太差個隻啦 .. 佢唔讀得書.. 就算入名校..亦無幫助.. 唔知你地點睇呢   

iris_yu_him

大家好,

我的小朋友依家2歲, 預備報幼稚園, 請問大家的選校意見 (我都是住係屯門).

Thks!

YYMom

LongLong_ma, 唔該晒你的資料, 我地明天就開始上playgroup了 !

加加媽咪, 其實我好少理家務, 煮飯清潔洗衫等都係印印攪掂.放工返到屋企, 食完飯同佢地玩吓傾吓, 都差不多時間要睡覺, 睇報紙都無時間!電視更加少睇, 都係睇新聞同有時睇"皆大歡喜"!我都唔知第時細仔返埋學, 或大仔讀小學, 點同佢跟功課?我一個朋友就送佢啲仔女去補習班做埋功課先返屋企, 話唔使勞氣,傷害親子關係喎   ! 有兩個小朋友都唔敢話經驗夠, 不過辛苦就肯定夠啦 !希望佢地將來生性做人, 唔好行差踏錯, 咁就心滿意足啦!同埋佢兩個性格, 體質都唔同, 係揍細仔的時候我都有好多新問題架!

Ding, 我都好同意不用刻意追求名校, "讀得書嘅.. 去邊度讀都一樣 .. 佢唔讀得書.. 就算入名校..亦無幫助". 我覺得校風純樸就好了, 同埋唔好咁多功課, 等小朋友可以嘗試多啲唔同嘅嘢, 唔好"讀死書" .   

係呢, 大家都會參加親子旅行同家長觀課嗎?我仔舊年去完旅行好開心, 提起"彭福公園" (去年的旅行地點), 佢就好開心咁話"我旅行去過啦".家長觀課佢都好開心, 不過第一次佢就有點緊張(老師話俾我聽 ).同埋可以知多啲學校嘅教學情況, 聽吓其他家長的問題, 都學到嘢架 (我指我自己 )