☆屯門聖公會青山聖彼得堂(兆麟苑)家長請進~

加加媽咪

麟麟媽咪歡迎你呀!!

兆麟個邊既面試的形式同 Ding 講青山村果邊大致一樣, 唔洗太擔心架, 到時即管攞表格幫小朋友報名面試啦, 我囡囡上年面試時都唔係太主動玩玩具, 不過都入到.
  

加加媽咪

Ding,

呢個星期都冇派新書呀, 仔仔返到屋企多唔多同你講學校既事呀??

情情媽咪

加加媽咪 & 大家好 :

好耐冇上綱 , 因為囡囡巳返N1 在正校,環境好好, 我囡囡都開心. 而且 校方安排N1 & K1試座校車, 我覺得學校好好. :  
加加媽咪你囡囡座校車怎樣呢?

Ding

加加媽咪

我個仔有時會講佢向學校d野..有時無端端唱歌跳舞..   不過每日我都會問下佢架 ..
尋日佢派左本主題書啦 .. 不過未有英文書 ..我個仔都搭校車架..記得第一日搭完後佢好開心講.. 搭車車返學 ..有好多小朋友..

情情媽咪..你囡囡又係讀青山村果間嗎?

加加媽咪

情情媽咪,

我囡囡依家冇搭校車, 諗住遲d先俾佢搭, 所以想問多d有俾小朋友搭校車的媽咪的意見. 原來你囡囡返N1喇, 囡囡返得開心時做媽咪既你更加開心啦, 係咪!!!  

Ding,

返到屋企先知囡囡學校今日派咗本英文書, 你講既主題書係咩黎架?? 係中文定英文呀???
囡囡有時都會無端端唱下歌架, 不過唔知佢唱咩!! 有時我仲會攞佢學校本歌書彈琴同佢一齊唱架, 仲會問吓佢今日食咩茶點, 因為學校個網有上載埋每日食咩野, 有時都會講錯.~~

Ding

加加媽咪

我都未派英文書,而主題書係”開開心心上學” 中文黎架. 尋日派左好多課外興趣班俾小朋友選手參唔參加..有晝班..跳舞……我揀左逢星期六上 4Q 堂..你地有無收到通告呀?

情情媽咪

Ding,

係呀, 我囡囡在青山村正校讀N1上午班, 你仔仔呢?


加加媽咪

唔怕啦 , 你可以比囡囡常試座半個月先, 再決定.   

加加媽咪

Ding,

你講既中文主題書同課外興趣班資料仲未收到呀, 等我今晚放工返去睇吓有冇先... 4Q 堂係咩黎架?? 我仲以為K1未有得參加課外興趣班添.

情情媽咪,

唔知道 "兆麟" 同  "青山村"的校車係唔係同一間公司呢? 兆麟係 "慧記", 都冇聽過佢講話有得試坐.....   

Ding

情情媽咪

我個仔讀 K1 lu...咁你囡囡第一日返學有無喊呀 ?

加加媽咪

似乎兩間真係有d唔同... 4Q班..係教小朋友EQ,IQ .. 仲有兩Q唔記得喇    .. 係用遊戲,畫畫,音樂教小朋友點控制情緒..學集中精神 .. 之類嘅課程..10堂..上到12月架 ... 其他有日文班.."心珠算班"..不過要4歲以上先收 .. 如果你收到就慢慢睇下邊樣你囡囡鍾意玩.

青山村果邊唔係用"慧記"..佢地用"佳景"..我個仔都係搭校車架...佢好鍾意添..因為等車時一班同學仔可以向平台玩 ..

YYMom

加加媽咪, 我仔上個星期已經收到興趣班的資料, 我同佢報左武術同eq班 . 今年都係第一年參加興趣班, 去年都無參加, 因覺得佢去年都仲係細   

加加媽咪

Ding,

聽落果個4Q班好似幾好喎, 因為可以教小朋友點控制情緒同埋集中精神, 係咪係學校上堂架? 每堂幾耐同埋幾錢呀?? 唔知兆麟依邊有冇呢?   

原來係唔同既校車公司, 咁你住邊到架, 平時要幾點出門口等校車呀?? 收幾錢一個月?? (    又係同錢有關......)

加加媽咪

hello YYMom,

你都同仔仔報咗名參加課外興趣班喇....係平日放學後定係星期六上堂架?? 幾多$$ ??      唔知囡囡今年有冇得報名參加呢? 因為仲未收到表格..... 可能學校覺得佢地K1太細喇.......

Ding

加加媽咪

都唔係太細丫..我個仔都係k1..你應該遲d會收到掛.
""又係同錢有關......""你唔好咁咁講啦..而家個個都係想慳d洗架啦.. 我見個4Q興趣班係$560 + $50材料費.. 上到12月..每堂都係$60幾..比起出面果d要仟仟聲EQ堂真係好抵..所以俾個仔去參加..每個星期六返學校上一個鍾 .. ok啦唔太辛苦...希望對佢有幫助..因為見佢平時唔係咁集中精神 .. 不過玩puzzle時又好集中玩喎 .. 激死.

校車方面因為我地係尾程..(碼頭區)..所以唔洗太早.. 每日8:45am落樓就可以 .. 架車上到平台接學生 ..好方便...每個月$270...仲平個叫工人接送 ....又唔洗過馬路 .. 落大雨又唔怕     ...

係呢..你住邊頭呀? 近唔近兆麟學校? 你有無做野呀?

YYMom

加加媽咪, 啲興趣班好似全部(就算唔係都大部份係)都係放學後, eq班$445/8堂, 星期五4:40-5:40pm, 明天開始啦. 武術班$160/4堂, 我地報星期一12:45-1:00pm. 另外仲有口風琴, 舞蹈,英文班等 .

Ding, $270係來回?咁坐校車又幾抵!同埋可以係平台上落, 都幾安全!我個人覺得青山村個校車好商量啲,佢可以車到我樓下, 但而家個校車只去到閘口. 不過我住咁近(行20分鐘), 都要40分鐘先返到, 所以都無搭.

仲有明天開生日會, 記得著運動衫   !

加加媽咪

Ding,

係呀, 依家市面有咁多興趣班同playgroup 梗係要計過條數先參加啦~~   由細到大用係小朋友讀書同學野的錢都唔少架.

嘩, 你地校車的收費平咁多既!! 我住置樂果邊要$340呀, 已經係最平喇, 最貴係$600 去到小欖.     8:45am 先落樓等校車咁好, 你仔仔咪可以睡耐d ? 如果囡囡要行番學校大約10-15分鐘啦.

原來你住係碼頭區果邊, 我有返工架, 返寫字樓, 你呢??


YYMom,

如果我冇記錯你仔仔應該係返上午班架, 咁星期五返eq班咪要放學返咗屋企4點幾又要返學校囉???....... 你有冇返工架? 係咪你帶仔仔返學??  

係呀, 聽日開生日會要著運動衫, 我囡囡都係 "主角" 之一呀!!
    

YYMom

加加媽咪, 係呀, eq班要下午再返去, 係煩啲, 不過我覺得我仔要學習吓控制情緒. 其實我都好需要上eq    .我要返工, 所以會係婆婆或工人帶佢返去.朝早我就帶左佢返學後去返工 .

我都覺得呢面校車貴啲, 去兆麟苑都收$340 !同埋我見係停車場落車行返去學校, 無青山村般係後門落車咁方便. 唯一好處係較早返到學校, 青山村啲校車要差不多9時才返到.

LongLong_ma

加加媽咪,DING,YY,各位媽咪,

好耐無上黎啦.........妳地講緊課外活動呀??係呢.......點解我地無既........4Q.......我都好想俾仔仔上喎.......我仔仔既專注能力都是比較差的.......唔知係佢地太細......還是我們要求太高呢
其實.....如果可以自己同仔仔返學放學.....我就唔想俾佢搭校車......成8:45 分先到碼頭區接返學(尾站)......返到學校好急咁就要上堂.......放學又要早人10-15分鐘......即係遲到早退........同埋架保毋車公司真是毫無交帶.......今個星期已正常放學都没有通知幾點接小朋友......要自己打電話問佢先慢慢諗........而且今個星期1-5 都遲到......叫我地12:45分接小朋友......要成1點先到.......幾日都係咁......我咪打電返學問是不是時間唔夾......需唔需要改1點啦......何主任話會幫我反影......但到今日都無消息......校車依然繼續遲.......唉  :evil:
DING 媽.......原來妳都是住碼頭區呀?點解妳會揀青山村既?

加加媽咪.....係喎.....妳囡囡今個月生日喎(9月6日????)......祝聰明伶俐.......聽教聽話    
我仔仔都話今日有3個姐姐生日呀.......唔知有無影相呢?
我仔仔11月出世......所以未夠3歲........妳囡囡會唔會主動同妳講學校生活呀???我仔仔就一問一答......最近好D.....開始講多小小.......希望佢學識同人分享內心世界啦   

情情媽咪

Ding,

我囡囡第一日返學無喊,不過第二日就喊左兩聲:cry: ，你仔仔呢？



加加媽咪

校車試座係我同兩個家長向校長提出，校長再跟"佳景"向生安排。 我囡囡星期一會開始座，車費$320.00 ，8:30校車到兆麟出面小巴站上車，希望囡囡可以喜歡啦。到時情況怎樣我再話你知。   

YYMom

LongLong_ma, 其實可以自己接返學放學就真係最好, 不過對要返工的媽媽來說, 都有一定的困難 :cry: 我之前都一直心大心細, 唔知坐唔坐校車好, 因為放學行20分鐘返屋企, 都好熱, 同埋辛苦左婆婆 :cry: 最後都係我媽決定話佢接放學, 因為坐校車太耐了...

可能路線唔同, 我見有啲校車~8:40己經返到 :exclaim: 放學我就見太約早5分鐘出來, 不過我諗其他唔坐校車的小朋友, 呢個時間都係已經準備好放學, 坐校車的都唔算早退

你仔仔識得同你一問一答都好叻仔啦 我仔同你仔仔一樣係細仔, 佢仲讀左一個學期n1, 去年佢k1時我問佢今日老師教左那個英文字, 有冇唱歌, 佢都係答"我唔知呀" 不過我唔問佢嘅時候, 佢又可能唱吓學到的歌, 同埋話老師教左啲乜

Ding

YYMom

似乎兩間幼稚園都有好大分別咁..青山果邊4Q班係10堂..校車真係$270來回...確實好抵..

LongLongma

其實我住新屯門中心..青山村好近我住果度..個仔8:45落樓搭車..返到學校都係 9:00..雖然好似好趕咁..但係佢地返學都係好輕鬆..唔似小學咁 ... 如果我自己接送..一日車錢要$20..20日都就要$400 .. 又要過馬路..落大雨大風又危險..而且問過d老師..佢地話搭校車學生唔會早走..全部都係11:55分一齊走...唔搭校車嘅就向活動室度等家長接放學...
青山村果邊校車又幾好喎..就算遲都係10分鐘咁上下..仲好少遲添..(其他媽咪講我知架).. 如果有事佢地會續個家長通知 ..
生日會有影相架...學期尾會派番俾個學生 .. (青山村係咁)

加加媽咪

我向地盤office做嘅... 今次個site喺元朗..咁多年都未試過咁近架..

情情媽咪

你個囡囡都好叻...可能我俾個仔遲一年入學..所以佢無喊 ..