☆屯門聖公會青山聖彼得堂(兆麟苑)家長請進~

choyke

HELLO,

本人正準備替女兒找尋合適幼稚園.  聖彼得堂好嗎?  因我住於南浪海灣, 比較方便.  但欠缺對此幼稚園的認識.

請幫忙

加加媽咪

choyke,

你可以先去以下網址睇吓或者喺8月31日去學校參觀, 因為果日除咗係新生參觀日同時都開放俾其他家長睇.

http://www.spckg.edu.hk/siulun/siulun.html

加加媽咪

.

雨霖鈴媽媽

加加媽媽~
thx~不過$500都算好貴,我老公d朋友做褓姆車都係收$300左右一個月...

shirley~
係架~我住掃管笏架...so我好想bb小學讀鄭任安(全日)
因為真係好近,但要bb出去讀就遠lu~要撘一程小巴先去到愛琴

cindyma

雨霖鈴媽媽 寫道:

係架~我住掃管笏架...so我好想bb小學讀鄭任安(全日)

鄭任安夫人千禧小學今年小一開 5 班, 兆麟苑聖彼得已經佔了一班 (學校網頁顯示有31人, 還未計算叩門成功那些學生)! 還有派去何日東上下午校合共 48人呀!

加加媽咪

雨霖鈴媽媽,
$500我都覺得貴咗d, 都唔知d 收費係點定, 因為小欖海琴軒要收$600, 兩個點都唔係相差好遠, 但係就收貴$100, 真係犀利.
我住置樂果邊$320都可以接受, 不過仲考慮近俾唔俾囡囡搭校車.

加加媽咪

雨霖鈴媽媽,
你話你住掃管笏的圍村, 係唔係即係小秀村, 因為褓母車的喺小秀村巴士站有得上落, 收費係$450.

zoemum

咁知唔知去咖啡灣收費呢? 及知否全日班是否已爆滿呢?

cindyma

加加媽咪 寫道:
雨霖鈴媽媽,
$500我都覺得貴咗d, 都唔知d 收費係點定, 因為小欖海琴軒要收$600, 兩個點都唔係相差好遠, 但係就收貴$100, 真係犀利.
我住置樂果邊$320都可以接受, 不過仲考慮近俾唔俾囡囡搭校車.

加加媽咪,

如果可以唔搭就唔好搭校車, 又要早起身返學, 又唔係早d返到學校喎, (次次都要九點前), 又要提早十分鐘放學, 如果你送返學的話, 又可以與其他家長聯繫, 會知多好多關於學校的事情, 以及將來選小學的問題, 邊間小學好呀等等, 還有仲可以在學校出面看到小朋友上早會, 唸主禱文, 唱歌做早操等, 特別係 k1 的小朋友企的位置會面向家長, 多數會看到你囡囡上早會做早操, 千祈唔好錯過呀! 這些就係搭校車的家長無的。  

加加媽咪

hello zoemum 歡迎你
張收費表到冇列到咖啡灣幾多$$, 不過海景花園閘口收$350, 黃金海岸就收$450.~~~
使唔使我pm份資料及聯絡人電話比你??

你個小朋友準備幾時入學呀?? 幾大個呀???
全日班好搶手架, 你不如打電話問吓學校啦.
:  

加加媽咪

hello cindyma 您好,

多謝你的意見, 我會再詳細考慮吓.
係呢, 你係咪有小朋友讀緊 st.peter 架? 讀緊咩班呀?
如果係的話可唔可以交流一下小朋友的校園生活如何?? :  :

雨霖鈴媽媽

cindyma,
係呀!正正因為呢個原因,我諗住bb讀st.peter囉
本來我考慮緊oscar,不過有媽咪話oscar保安好差,
而且入oscar都係讀國際班好d,但好貴,
我又驚bb中文會唔好,諗諗下都係st.peter好~
兆麟而家又有個新公園,
我想同bb去玩下嘛~~

加加媽媽,
我呢度叫掃管笏村,都唔太近小秀村
o岩o岩晌愛琴海岸後面再入,
如果我搭專線小巴送出送入都係$500左右,
但要落車後行好遠,我老公諗住搵村d人揸褓姆車的,
問下價先~佢話會平d喎,
anyway,thx~~

angeline,
我諗住等個仔大d,問下佢要唔要媽咪陪
唔駛咪搵野做囉

加加媽咪

係呀, 兆麟依家整緊個公園, 好似幾規同幾大架, 如果囡囡知道果度有個新公園, 第時放咗學之後就實係成日話要去玩喇 :wink:

雨霖鈴媽媽

弊~st.peter有無份加價架?
有d仲加好多添架?

情情媽咪

加加媽咪 :

我想幫囡囡報讀屯門聖公會青山聖彼得堂(兆麟苑), 請問這間學校好嗎?

  

加加媽咪

雨霖鈴媽媽,

早排睇報紙都知道有d幼稚園加價加得好厲害，以我所知siu lun st.peter 04-05年度上/下午班的學費同上年的都係$1,365 (共收11期), 不過唔知到你小朋友適齡入學時會唔會加價呢.~
  

加加媽咪

hello 情情媽咪,

你問我 siu lun st.peter 好唔好, 我梗係話好啦, 因為我都幫囡囡揀咗依間學校咯...........
    

我個人黎講都係比較鍾意間學校的環境及設施, 有足夠的地方俾小朋友學習同活動, 同區黎講校舍比較新, 口碑也不錯.

其實係擇學校時, 我有三間比較心儀:
1. 佳寶  
2. 梁李秀娛  
3. 兆麟聖彼得
面試完後, 三間都收, 不過最大問題係"佳寶"同"梁李秀娛"都係舊屋苑內, 附近的環境不太理想, 學校內的活動空間比較細, 連我自己都不太喜歡, 何況我那個冇時停喜歡四圍走的囡囡....
很多人揀梁李秀娛因為有直屬的小學, 功課比較多, 升小一時不會太難適應, 但我始終希望囡囡係開開心心的學習環境下讀書. (以上純粹個人意見)

情情媽咪，你小朋友幾大呀??
如果你對依間學校有興趣, 我建議你可以先去參觀吓, 實地睇清楚d.

雨霖鈴媽媽

加加媽媽

希望佢唔會加啦~因為我已經疊埋心水出年去st.peter報名,
st.peter又唔係唔好,無謂諗咁多啦~
反而諗緊好唔好趁囝囝入學前生多個bb,
一來可以申請多d津貼,二來可以有人陪bb玩同讀書,
而且我本來都plan生兩個,只係諗緊幾時...
唉~~~~~~~   

情情媽咪

加加媽咪:

謝謝妳的意見 ! 我囡囡現在兩歲, 9月入 讀門聖公會青山聖彼得堂幼兒中心(N1).所以我都會考慮囡囡揀屯門聖公會青山聖彼得堂(兆麟苑). 而且我都係往起兆麟苑.上午班係唔係好難入?

希望以後大家可以多多指教.

加加媽咪

情情媽咪,

原來你囡囡9月會入讀聖公會青山聖彼得堂幼兒中心, 咁我諗你入siu lun st.peter 都唔係十分困難, 因為你囡囡讀過nursey嘛, 不過上午班實會多人揀d, 你最緊要留意幾時派表同報名。 我上年報名時指明要上午班, 唔會考慮下午班架, 因為我個人黎講始終都覺得上午班好d.........   

如果下年你囡囡入到就好啦, 住得咁近, 車錢都慳番唔少, 就算打風落雨都唔會好麻煩.

得閒記得多d 入嚟傾吓計呀!
:wink: