應該是我的錯吧

IRON

唔記得k2/k3邊一個暑假, 我仔仔學左6堂小提琴, 每堂我都一齊學, 返黎我就睇/教/督佢練, 堂上佢係領會得最慢既一個, 但返黎操完, 下一堂返去係得佢一個可拉完成首歌, 我仲話佢知可以將勤補拙, 但操既過程佢又受得, 我覺得無問題, 6堂落黎, 佢竟然拉到6首歌, 我好開心.

暑假過後, 我諗住幫佢正式搵個單對單導師, 我問佢係唔係真係好鍾意拉琴丫, 我好記得佢講.......媽咪, 妳想我拉我咪拉囉........我好愕然, 再問佢, 乜原來你唔鍾意架?? 佢話.......我拉到首歌您就好開心, 我想見您開心.......果一刻, 我即時知道自己錯晒, 之後無再叫佢拉, 而家個琴放係度, 有時都見佢無聊會自己拎出黎拉下.

再回想, 查實好多野係自己想, 個仔真係好抵鍚, 宣傳講得岩.......爸爸媽媽請您停一停, 聽下我地既心聲.

p.s. 我個仔志願都係飛機師

[ 本帖最後由 IRON 於 08-12-3 22:01 編輯 ]