校園暴力

onetiger

Rachel 話今天Miss Mui, Miss Mok,Miss Wu 在早會同Christy 相談件事 , 好似件事又有新版本。

小樹熊

原帖由 onetiger 於 08-11-6 17:17 發表
Rachel 話今天Miss Mui, Miss Mok,Miss Wu 在早會同Christy 相談件事 , 好似件事又有新版本。

我相信呢個新版本對我嚟講係震驚o既新版本......

頭先3:45pm準時接我囡放學，係校門一見成叔佢就話：妳個囡一早出咗嚟o架喇，轉頭跟老師返咗入去"

就係咁等多 10 分鐘終於見到我個囡行返出嚟，只係幾步呢頭接過個書包，就連 lunch bag 都未拎定我囡囡就話有野同我講：" 媽咪~ 其實我冇比人打o架，係我講大話咋~"

我聽到佢咁講叫佢慢慢嚟上咗車先至慢慢講，但一上車佢D眼淚就湧出嚟然後猛咁講：" 媽咪~ 係我貪玩講大話，係我講大話呃人......"

我車都冇開停係度抱住佢等佢喊夠先至問究竟乜野事，佢只係得一句重覆又重覆咁講：係我講大話咋....

當時我同佢講："之前妳講果D妳依家話係講大話，咁究竟我依家信唔信妳係講真話好呢??"

佢答我："Miss Miu 會打比妳同妳講o架喇~"

因為我車內仲有病假o既細囝，我都要返幼稚園拎功課，所以車就直駕去幼稚園，去到時都只係四點十幾分未夠放學時間，我係出面等時再同我囡囡傾，但係佢我反應係喊，同埋重覆又重覆講係自己講大話......

我自己重來未試過個囡講大話呃我，莫話今次佢重要咁多 details 位，我只係諗一個六歲o既小朋友如果事件冇發生過o既，點可能係呢幾日我同埋 hubby 問佢o既時候講法差不多一樣??? 果D細節仲係星期五一返嚟O既時候已經講咗出嚟，並唔係後尾再問時加上去的，就在我想入幼稚園時 (約 4:30pm) 我 hubby 打比我話 Miss Miu 打咗比佢同佢講成件事係我囡囡講大話引起o既，我 hubby 同佢講要了解咗先至再抎 Miss.

我最後決定帶 Christy 入去幼稚園抎教咗佢三年最信任o既老師，但係入去前 Christy 扯住我隻手話："求吓妳! 媽咪，唔好再講喇，唔好傳開去喇，我唔想再比人問我呀..."

但我叫佢點都要面對o架，入到去我同佢以前老話講咗發生乜野事之後，老師都覺得好奇怪，跟住願意同 Christy 傾，佢地入咗去以前個班房傾咗好耐，到出返嚟之後老師的睇法係，依家根本冇可能係佢身上再問到任何野，Christy 只係一直話係自己講大話，而且依家見佢喊得咁厲害都好都係等佢心情平穩返先，過一排問佢會比較好......。

對我嚟講老師同 Christy 今日o既講法對我造成困擾，我完全唔明如果係我個囡編一個咁詳細o既故事，仲要呃咁多人，而且仲係要牽涉咁多第三者、第四者o既動機係乜?? 就係如佢依家講因為佢貪玩???

暫時我都係抱住觀察情況發展o既心態，依家似乎 "真相" 係乜都唔重要，點解?? 由我頭先接咗個囡之後除咗同佢傾過呢件事之後，佢返到嚟都冇同我講多幾句野，呢個肯定唔係平日開朗囡囡o既表現，依家我要處理咗o既係佢情緒去到幾壞，呢件事肯定對佢都造成很大困擾......

onetiger

我聽完後都覺得很奇怪。但學校應該有深入地去查過件事。這種事情不能夠馬虎了事。希望這事能夠就此平息。孩子們可以斷續開開心心上學去。

helloeveryone

原帖由 小樹熊 於 08-11-6 20:33 發表


我相信呢個新版本對我嚟講係震驚o既新版本......

頭先3:45pm準時接我囡放學，係校門一見成叔佢就話：妳個囡一早出咗嚟o架喇，轉頭跟老師返咗入去"

就係咁等多 10 分鐘終於見到我個囡行返出嚟，只係幾步呢頭接過個書包，就 ...

Hi! When I saw it. I so worry about your daughter and you.I feel sad also. I think you need take care yourself first. And talk to her later.(After few days or more)

wawaliluk

看小樹熊最新的回應, 我只能說好震驚, 心情好沉重。

大家作為小朋友的家長, 相信對自己的孩子有一定的了解和認識, 小孩細說自己發生過事情, (尤其是發生如christy 所受遭遇) 我相信家長亦能即時判斷事情真偽。

我不明白為何事件演變成羅生門, 這件事情結果, 最受傷害係christy, 假若christy是說謊的話, 學校即日已可查清楚, 不用拖拖拉拉, 幾日後才覆。

現希望christy早日平復心情, 再現歡顏。

budbud1

原帖由 wawaliluk 於 08-11-7 10:10 發表
看小樹熊最新的回應, 我只能說好震驚, 心情好沉重。

大家作為小朋友的家長, 相信對自己的孩子有一定的了解和認識, 小孩細說自己發生過事情, (尤其是發生如christy 所受遭遇) 我相信家長亦能即時判斷事情真偽。

我 ...

我 也 看 完 小 樹 熊 的 回 應 ﹐ 都都 覺 得 很 不 開 心。

看 過 之 前 的 發 表 ﹐ 有麼 多 人 見 到 事 情 的 發 生 ﹐ 怎 可 能 是 小 朋 友 講 大 話 呢 ??? 這 根 本 就 不 合 情 理 !!!!

我 覺 得 事 態 很 嚴 重 ﹐ 小 樹 熊 不 要 再 等 了 ﹐ 應 該 立 刻 約 見 學 校 的 有 關 人。 當 然 不 要再樣 女 兒 知 道。 自 己 和 妳 hubby處 理 好 了。 亦 要 學 校 不 要 講 給 妳 女 兒 知 道 。

在 這 希 望 Christy 快 快 忘 了 這 件 事 ﹐ 不 會 留 下 陰  影 。

choimum

...咪巳經有同學仔見到件事既發生囉...咁細個囡又點會講同作得出d咁既大話呀...
如果係我就一定會即時約哂d老師校長傾,依家係傷人喎....唔係一般投訴個案......
陰謀論黎睇,覺得係校方"兇"個小朋友再提議改劇本為"講大話",再話比個小朋友知只有咁樣先至會happy ending....
even真係真係"講大話",now攪到咁大件事...校方都一定會向家長"投訴"架....

晴晴的媽媽

原帖由 小樹熊 於 08-11-6 20:33 發表


我相信呢個新版本對我嚟講係震驚o既新版本......

頭先3:45pm準時接我囡放學，係校門一見成叔佢就話：妳個囡一早出咗嚟o架喇，轉頭跟老師返咗入去"

就係咁等多 10 分鐘終於見到我個囡行返出嚟，只係幾步呢頭接過個書包，就 ...

小樹熊，

聽見你所講的真係驚訝！
點解會係christy自己編個故仔呀?
grace 話昨天早會，見到三位老師同christy傾計，之後就聽到中文老師好大聲話christy講大話！
不過，無論事件係點，而家最重要是安慰番christy，等佢唔好禁唔開心，唔好影響佢上學的心情為先！

晴晴的媽媽

ycdy

小樹熊：

這件事真係令我擔心Christy嘅情緒，在學校要面對嗰三位老師，幼稚園畢業了嚟到小學，兩個月到，會否真係講一個影響到自己咁大嘅謊言，一個小女孩要比人逼講大話，真係很悲哀，為人師表不是去查出真相，而是去教導自己學生講大話，簡直過份 ，在此希望Christy快些回復常掛笑容開朗快樂的女孩子.

webjen

原帖由 onetiger 於 08-11-4 22:43 發表
今日聽倒Rachel講Christy比一個高年班學生打左一巴 , 希望沒有什麼大外 , 這種校園暴力一定要制止。

呢位同學 Rachel 都講得出件事,點會係大話呀!

我對呢間學校又要重新估計

Chirsty mami,你一定要支持囡囡,一定要相信自己囡囡!
一開學就發生呢 d 事真係好影響佢!唉!

[ 本帖最後由 webjen 於 08-11-7 13:06 編輯 ]

wawali_C6

原帖由 小樹熊 於 08-11-5 14:33 發表
各位家長,

其實上個星期五果日放學時 Christy 已經即刻講咗比我知道喇，佢所講o既情況係堂時小息佢同Rachel同埋Grace一齊，係佢前面見到個大哥哥，Christy 以為係風紀，咁就埋去同佢傾計，誰不知 Christy 只講完一句說話，那個 ...

Read all post, do Grace MaMi ask for Grace what that day happen. If Grace give the same Rachel description. I think Christy MaMi should see "Princpal" to clarify the story and complaint the school.
我本人一向是相信小朋友的,(當然亦相信他們有能力作估仔,但同時三小朋友說一大話機率很少)

[ 本帖最後由 wawali_C6 於 08-11-7 20:38 編輯 ]

amychoi

小樹熊

發生這事很難過, 妳要多多保重身體, 知妳很忙碌, 又粗身大細, 又要照顧一對寶貝, 但都一定要好好開解囡囡, 我怕這事對她有影響, 我都希望妳能深入了解這件事, 我覺得作為當事人家長是有權知道的, 才可以知道用咩方法來安撫囡囡的, 希望妳能盡快解決這問題.

[ 本帖最後由 amychoi 於 08-11-7 13:56 編輯 ]

wawaliluk

原帖由 晴晴的媽媽 於 08-11-7 12:48 發表


小樹熊，

聽見你所講的真係驚訝！
點解會係christy自己編個故仔呀?
grace 話昨天早會，見到三位老師同christy傾計，之後就聽到中文老師好大聲話christy講大話！
不過，無論事件係點，而家最重要是安慰番christy，等佢 ...

點解三位老師同christy傾計的安排, 沒有christy的家長一同在場?  一個小朋友面對多位老師質詢時, 實會感到很驚慌和無助, 學校至少應安排社工在場, 是次的"傾計", 已覺得學校安排失當, 對小孩不公平。

onetiger

原帖由 webjen 於 08-11-7 13:05 發表


呢位同學 Rachel 都講得出件事,點會係大話呀!

我對呢間學校又要重新估計

Chirsty mami,你一定要支持囡囡,一定要相信自己囡囡!
一開學就發生呢 d 事真係好影響佢!唉! ...

Rachel是沒有親眼目到事發經過。是Miss Mui 在放學後問Rachel & Grace 有沒見到什麼 , Rachel 先知道這事。

[ 本帖最後由 onetiger 於 08-11-7 15:05 編輯 ]

waiwai108

從整個事件看來，疑點太多：
1.      1.Christy只有6歲，是否可以這麼詳細說出整件事情及所有人嘅對話呢？
2.      2.原來Rachel是沒有親眼目到事發經過，但之前Christy媽媽卻言之鑿鑿，
3.      3.Grace是否親眼目到事呢？抑或是以訛傳訛呢？
4.      4.校園暴力是嚴重罪行，Christy媽媽為何不直接找校長問淸楚事情，只是在網上指控呢？


我們家長是否需要思考一吓

hkangel89

我同意直接向長查詢，得個明白。

全職媽咪

agree

小樹熊

原帖由 waiwai108 於 08-11-8 11:24 發表
從整個事件看來，疑點太多：
1.      1.Christy只有6歲，是否可以這麼詳細說出整件事情及所有人嘅對話呢？
2.      2.原來Rachel是沒有親眼目到事發經過，但之前Christy媽媽卻言之鑿鑿，
3.      3.Grace是否親眼目到事呢？抑或是 ...

首先多謝各位家長對小囡呢件事o既關注，而我琴日 (星期五) 亦已經約好老師及校長係星期四會面，希望係大家可以坐低落嚟討論一吓當中究竟發生個什麼事，係邊部份出過問題，而導致依家呢個局面。

但我有以下幾點要澄清一吓：

1) 此標題並不是本人所開的；而事件發生後亦都沒有向任何其他爸媽私下透路過，直至 5/11 進入 BK 時才發現已有其他家長在討論所以才進來將小囡告知的在此交待一下；

2) 前文所說 " Christy 媽媽卻言之鑿鑿 " ，我本人並不認同，首先我已提過事發後隨了在 3/11 (星期一) 晚上約 6、7點時接到 Miss Miu 電話與她簡述過事件後，根本本人並沒有向其他有小朋友在李宗德就讀的家長提及過小囡有關的任何事，而由我囡囡口中得知事發時她是與 Grace 及 Rachel 一起的，本人只是將小囡陳述的在此提及過，我將小囡經歷的轉述出來，也不是什麼言之鑿鑿罷，我覺得各位有心人有時用字小心一點可以對當事人造成的困擾及傷害可以減到最少吧!

3) 我並不希望拖其他小朋友落水，自己及女兒所飽的的困擾也不希望其他小朋友及家長受牽連，所以一直以來我從沒開口叫人來做証或幫忙什麼，我抱著的熊度是尊重班老師，首先也是聯絡班老師希望由她去了解及回答本人，我不選擇首先去校務處直接找校長，因為我不希望 by pass 咗班老師的角色，本人認為咁做比較洽當，難道不問因由、不由分說就走去校內大吵大吵嗎?? 我還希望小囡可以留在李宗德讀書，那選用一個比較溫和的方法有錯嗎??

其他家長對小囡關心的問候，本人萬二分感激，本人一直都是抱著將小囡及本人與老師對話內容陳述出來，而且我還處於困擾及了解階段，我想這件事除了要保障校譽、校長及老師外，我小囡也應該得到保障吧?? 是嗎??

我不想最後攪到騎虎難下，要小囡受著其他人注視下學習還是要她繼續被呢件事纏擾下去??

我還是那一句自己是一個講道理的人，在不影響小囡學習的情況下願與學校相談，而我一直採取的方法也是與班老師尋求協助幫助了解事件。

網絡世界咁大，我因李宗德而與各位相遇、亦因為咁小囡得到各位的關心，在此謝過，但暫時希望大家比小小空間及時間本人及小囡，希望與校長及老師直接會面後可以消除本人心中疑慮，本人亦希望此事盡快平息所以就在 #22 留言後都不回，真的不希望再沒完完了的說下去，如果是這樣下去我深信最終的受害者仍是小囡 Christy。

helloeveryone

原帖由 小樹熊 於 08-11-8 15:00 發表


首先多謝各位家長對小囡呢件事o既關注，而我琴日 (星期五) 亦已經約好老師及校長係星期四會面，希望係大家可以坐低落嚟討論一吓當中究竟發生個什麼事，係邊部份出過問題，而導致依家呢個局面。

但我有以下幾點要澄清一吓：
...

小樹熊   見到你的回應真的慶幸李小有這樣有修養的家長,處理問題亦非常冷靜.不但沒有緊張地走到學校,亦非常中立地談論事情.真是佩服.剛剛收到班主任來电,說囝囝在學校有同學跟他開玩笑時,可能他生氣了.竟然咬了同學的手仔.但對方的家長竟然說"唔緊要,小朋友有時會咁做."那家長和你一樣,非常有修養.亦明白小朋友相處時必定存在爭執或爭吵.在此對該家長說聲謝謝!亦說聲對不起!等囝囝回來再給他一点訓話.你都一齊加油呀!（１Ｄ班家長）

lnlnmum

為免對當事人有更大影響及破壞李小形象, 可否請BK delete此標題?

亦請各家長們先行了解事情真相,不要亂示所有不實/虛實之行為.