有冇媽咪冇比狄士尼美語DVD,但又學到英文..

qqbig

好想買呀,不過真係好貴,請問真的值得嗎?

kakaloklok

呢套碟都有買齊全套, 真係有用嫁 ....

雖然我地係純chinese, 但亞仔由五個月開始使用, 佢依家英文叫做唔差 (係學校攞英文學科獎), 佢講中文好好笑, 好似鬼仔講中文咁...

當然啦, 越大個就要配合唔同的tools啦...
雖然係貴咗啲 當年買四萬五千幾, 但依家亞仔有咁既結果, 睇起嚟都係值既...

pigletmom

我真係好唔同意你個DWE顧問嘅講法, BB最多接觸嘅人係父母, 有咩理由唔應該講/教英文, 唔通要科學家先可以教科學lu 喎, 佢咁樣講只係想你地依賴晒佢嘅教材唧!
我好多朋友都用過DWE, 不過多數都唔recommend我買, 佢地話套教材可幫到佢地講英文, 但由BB至長大對睇字都冇咩興趣, 因為成日睇公仔, 冇咩專注力! 咁你地話呢個年代, 係咪淨係識 "講"英文就得!  
其實買教材唔應該淨係睇名牌效應及以為買左一套貴嘅教才就係幫左BB, 其實坊間已經有其他更好更有效嘅教材! 第日BB冇專注力 或者 唔鍾意睇書, 你地唔好怪佢地, 又唔好怪BB用左你咁多錢, 因為唔係佢選擇架!

原帖由 mama0108 於 08-12-22 14:17 發表
真係唔該晒你地回覆..

請問你地在家會否同BB講英文..(你地係唔係NATIVE..)..因為我DWE顧問話千其唔好同BB講英文, 因為會學左我地香港口音..除非你係NATIVE喎..



...

kiki1016

其實大家可否具體說說做做什麼train bb 的 language? 另外你們在家會同bb玩什麼以培育他們? 很想多些了解呀....

謝謝

chumamma

我就係成功例子, 我家姐就是失敗例子。

家姐買了很多名版教材比仔仔,家姐佢好有滿足感, 佢覺得個仔可以學到嘢。買很多, 但懶用, 無用, 日日都係帶仔出街吹喝玩樂買名牌衫, 最後幾套材料比晒我。我就花時間用晒。

我個人覺得, 套套教材差不多, 最緊要係媽媽有心機教小朋友, 小朋友就會得益, 至於是否 DWE, English Time, GC, 等教材, 與圖書館借的差不遠。

學 phonics, 圖書館大把, 有 cd , 有書, 效果同 GC 一樣。

學 單子, 句子, 圖書館大把, 有 cd , 有書, 效果同 English Time, DWE  一樣。

不過, 無可否認, DWE 真係吸引我小朋友, 不停地睇書本。

學語言, 最緊要是有【語言環境】, 我就是自己提供囡囡【聽講讀寫】等環境。

(1) 給 CD 比佢聽
(2) 盡量自己同佢講多些, 有錯不要緊, 最緊要放膽講
(3) 配合 CD 一齊讀
(4) 練習作業也有配合 CD 一齊寫。

我囡囡英文同普通話都是全班之冠!

為何咁多媽咪要比小朋友在外面學英文 / phonics 等, 我相信你們各位個個都可以自己教。

上個月, 我姑且試下搵個鬼婆一對一教我囡英文, 上了一個小時, 我即 stop, 隻鬼好搵笨, 求奇讀完本英文書就算, 佢自己拿著本chapter 書讀得咁快, 我囡都唔知佢讀度邊, 本書不是向著我囡, 又不指著讀到邊行。 我寧願播 CD 比佢聽, 指著讀到邊行, 囡囡仲跟得好好。

通常無 CD 的書, 我會自己先錄好給囡囡一邊聽一邊睇, 我就留意邊個字佢唔識就圈著比她留意, 同一時間, 我用手指將要讀的一行指著, 目的是想她比較專心。

[ 本帖最後由 chumamma 於 09-3-9 11:04 編輯 ]

kimsbb

STCC,
咁請問你有冇用什麼教材呢?

方麗娟

講返少少背景先:
1. 坊間的語文教材, 我只買了GC閃卡(中/英/數/百科), 用了10個月. GC READER則未開始用.
2. BARNEY DVD, 1 SET 7 DVDS $140. 逢一至五每日睇1-2次, 每次15-30分鐘不等. 每隻碟睇5日, 而家睇到第3 round.
3. 家中語言係廣東話為主, 第二係英語.
bb 16個月大.

成效:
首先, bb對英語可能感到有親切感, 因此教佢閃卡時一些英文(我會做動作)如listening, clapping等佢識做返; head, nose, hair等亦能指出, 但用中文講就未必全部做到.

雖然bb未識講嘢, 但見到佢對"英語"和外國人(金髮)唔會陌生. 我身邊冇外籍親友, 亦冇上過外籍老師PLAYGROUP, 相信係bb睇咗barney dvd入面的演出者(外籍小朋友)而唔覺陌生.

開頭用中文同佢講"三隻小豬"(一路睇住圖書), 唔到2頁就想合埋本書, 我已經扮唔同聲音嚟講, 都好似冇乜興趣. 後來用英文講, 竟然可以順利完成全個故事.

方麗娟

可能對好多人而言會覺得"唓, 好多BB都做到啦", 唔係咩"成效". 但我重點係想帶出:
(1)冇用過數萬元的教材
(2)母語是廣東話
(3)親人朋友無一個係外籍人士
情況下, 都能培養到BB對英語的興趣.

其實用教材人, 當然相信教材好處和成效. 所以我絕對唔係針對乜嘢, 希望大家唔好誤會, 純粹交流下心得. 歡迎賜教.

[ 本帖最後由 方麗娟 於 09-4-7 18:09 編輯 ]

方麗娟

原帖由 stccmc 於 09-4-8 01:41 發表
教材只有不同的圖書和多點跟她講和讀。無教材比得上父母的心血和時間。

言簡意駭, 講得好啱.
我會同bb一齊睇barney(當然唔可以次次都係, 我都要做家務), 我學咗d歌平時會唱返比佢聽.
而閃卡, 真係好花心血和時間:
心血--開頭都容易, 順序跟住嚟閃; 而家就多咗準備功夫, 又要諗下算式和教學方法, 點樣先吸引到bb去睇, 唔可以齋閃. 唔係expect佢識計數, 而係想比個概念佢;
時間--唔係多少問題, 而係能否堅持每日特定時段(早午晚), 有時都未必得.

bb對中文好似興趣冇英文咁大--其實都唔擔心, 因為我哋身處圈子, 佢一定學到中文/廣東話.

方麗娟

我想補充下, 唔係sell教材, 其實字卡唔一定要買邊一間出, 自製都可以~ 反正字卡數量有限, 要補充生字/句子的話都要自己整.
本來都諗住自己整, 慳返d錢, 不過自己湊bb一腳踢冇時間才買現成的.

hehoa

wow !you 100% dad, but i so busy , can i have easy form to teach my kids? thanks