對不起, 囝囝........ - 小一選校

Rank: 3 Rank: 3


	268

21^#

發表於 08-10-28 09:42 |只看該作者

loy211,

有同你一樣的感覺, 比你好一點兒, 就是阿仔入到英華2nd round, 不過好怕最後唔得, 要抽獎. 你那個是不是細仔?

原帖由 loy211 於 08-10-28 09:25 發表
讀了你的message,我有些想喊,我都係一次又一次收到reject信,不過我們的孩子仍是最smart,只不過每個小孩也是獨特,個個性格不同,短短十多分鐘,又如何能辨別孩子的實力?我們面試見工都緊張,何況他們只有5歲.
我都有失望 ...

胡桃媽

Rank: 5 Rank: 5


	2516

22^#

發表於 08-10-28 09:50 |只看該作者

很感動,眼淚已經忍不住

原帖由 囝囝爸 於 08-10-28 02:16 發表
 http://hk.youtube.com/watch?v=Hy_tA4Trxnc&feature=related

0203Ma

Rank: 5 Rank: 5


	1782

23^#

發表於 08-10-28 09:50 |只看該作者

All,
我去年也是要發癲的家長之一, 期間有另一家長分享她於前年考小一的經驗, 看了也很有感受.
本想 search 條 link 給大家看, 但 BK 轉了版後, 唔識點 search topic.
這篇文章太好, 所以我 save 起了, now 拿出又與今年的媽媽分享, 希望那位原著媽媽不要介意, 多謝你當年的分享.

孩子考小一（去年2006投考小學的分享）
前言

自己的小朋友去年投考小一，
和一眾家長一樣，在選校時心裡很坦剔．
在直資和官津小學，也曾徘徊疑問，
在等候結果的時候，一樣心急焦慮．
（後來證實，是多慮的啊－
因為還未報名己經想著點選好，當然是多慮咯．）

孩子投考的雖然並沒有被收取，
但神又好有恩典，好有帶領，
早早給孩子就安排了一間合適的學校！
在此還真要再三感謝神的恩賜！

因為曾經經歷，曾和大家一樣焦慮
去年已決定把感受記錄下來，
好留給各位心裡焦急、徬徨的家長作為一個參考．
但隨著安頓孩子的畢業禮、畢業旅行、
升小入學手續、升小前準備．．．
寫到一半的記錄都給丟下來了．．．

昨天路經見到家長對面試的提問，
不禁想起去年自己的經驗，下定決心找回先前的記錄，
重整一下，放上來給大家好好分享．

這個記錄只是個人的分享．
也許會有錯誤，
也許次序會有點混亂．
也許個人觀點感受不是每個人都接受／認同．
但．．．．我只是真心給大家一個分享．
希望大家能包容，客觀討論，論性分析．

最後都衷心希望
願神給每位小朋友都安排一間合適的好學校．
1

因著望子成龍的心，
因著自我的好奇心，
因著父母的虛榮心，
決定給孩子一試那所－
嚮付盛名的直資名校咯！

雖然在交報名表前！也曾掙扎猶疑！
但在同學仔媽咪的催促下，
（在此可要多謝一下那位家長對我的一番話：
因為她，明知孩子都不是該校的一杯茶，
但還是給他安排這次面試的機會．
當中也真有不少得著的啊）

還是花了一個半小時，為孩子交回報名報！
沒錯，只是為了交一份報名表，
我呆等了一個半小時！

呆等中途也曾想過放棄，
特別在看著自己與其他家長一同站在操場外發呆之際，
望著那條前方的長龍，
望著每名家長臉上的茫然，
三番四次，我問自己值得嗎？
很有想掉頭就走的意思．
還好，等了二十分鐘後，我與各家長如獲大赦的，
給引領到二樓課室內繼續等待！
2

0203Ma

Rank: 5 Rank: 5


	1782

24^#

發表於 08-10-28 09:51 |只看該作者

續.........

在校方工作人員有條理的安排下，
約45分鐘便得以完成交表程序．
坦白而言，收表者效率很高，態度也算不錯，
縱然有點冷冷似的，但臉上總算是掛著招牌笑容．
比傳聞和想像中已算不錯啦．

交報名表時，偷偷看到其他家長帶來的履歷表，
嘩！真的乖乖不得了，原來大家都很用心去做－
這有可能影響孩子一生的第一份履歷表！
自己還聽校長在簡報會所說的話，
交了份不太花錢，只有幾頁黑白紙便作罷，
這時真是有點後悔把那份親自設計，
充滿孩子個性色彩，
輯錄很多由孩子親手作的畫的
那份履歷放在書枱的櫃桶啦！

想著想著，自己好像是有點笨！
雖然知無論履歷表做得如何精美．
孩子表現不好，對結果都未必有很大影響．
但反正已做好，也不明自己何以決定不帶來交啊．
反正既成事實，也不多花時間責怪自己啦！

功夫完畢後走著那條長長的樓梯”下山”，
想著想著，孩子以後的路，
可要靠神的預備和孩子他自己的造化啦！
3

同校有幾位同學仔先後報名，
各人都被安排在不同的時段面試！
恰巧孩子的時間較其中一位同學仔後一天，
同學仔媽咪早已答允待面試完畢後，
會給我們尚未面試的媽咪來過報料，
好待孩子們能有較好的心理準備．
（可要感謝該位家長無私的心，
雖然知道面試形式／內容，
沒有為孩子換來入選的機會，
但當時總算令担心的我放下了一點焦慮！）

由於我只志在給孩子參予，並無特別給孩子加強訓練．
只會閒時叫他講講自己的名字、年齡、住址．．．
考考他一些事情應付方法．．．

到面試前一晚我提醒孩子明天要面試－去和老師／小朋友玩，
孩子竟然對我說：「媽咪，到時我可能會喊喎！」
（當時一聽，是有點後悔替他報名面試．．．．．．）
唯有安撫孩子：「不過是去跟老師見見面，參觀一下學校吧了！」
因之前也有安排孩子參觀過其他小學．
只有叫孩子放輕鬆點，到時和其他小朋友一齊玩玩吧！

但其實內心有是有點不舒服的，
反問自己是否在無形中給予孩子太大壓力呢！？

當晚12時許，報料媽咪便將情況告訴我．
我記下幾項重點，準備待仔仔明早起身後告訴他，
好給他一個心理準備！
4

面試安排在星期六中午，當天早上我們還要上興趣課，

在叫孩子起床時，
沒想到孩子張眼第一句便問：「可是去面試啦？」
我笑笑搖頭答他：「不是啦，待上完興趣課才去嘛！」
孩子卻一面換衣服一面說：「我好心急，好想快些面試啦！」
我心裡面想：「究竟自己是否無形中已給了孩子一些心理壓力呢！」

完成上午的興趣課，就由爸爸帶我們”上山”
誰知到達山腳，才發現任何車輛都不可以上山，包括的士．
校方也不鼓勵家長留在校內，
所以到達山腳後我和孩子便要下車，
跟其他家長／小朋友一樣，一齊慢慢行上山囉！
（當時心裡想，真是有點”攞苦來辛的感覺！）
但見整條長樓梯都擠滿晒大大小小的朋友，
瑒面又幾可愛下喎！
5.
終於”爬”完條長樓梯！枱頭一看－
原來已經有一條人龍等候登記囉
只有快快拖著孩子到隊尾，
我們可要找了一會才找到在右面大樓後山上的隊尾啊！！！

排著隊時，我四方打量，看到不同的小朋友不同的家長，
各有特色．有些小朋友走來走去，
有些小朋友不停埋怨點解咁耐，點解咁熱．
但有些小朋友都好乖好有禮的耐心等候著．
當時我心想，究竟大家所為何來呢？

因早有準備，已帶備了本孩子最愛的昆蟲書仔
預備給孩子作不時之需．果然孩子接過書後．
一路排隊等一路好專心看，沒有半點不耐煩！！！
（如果面試計埋呢ｄ分，我想孩子都會有機入第二次試嫁！
但當然收生標準不是如此啦．．．．）
6.
當正等候為孩子登記時．孩子突然大叫起來：
媽咪英文老師呀！我連忙問他在那兒？
當時我和其他家長都誤會了他看到認識的老師，
了解下才發現原來他是詫異有位外籍老師在登記處喎

明顯孩子是有點担心啊！
我只好跟他說，這為老師應不是跟你面試的
只是為我們登記吧，我提醒孩子等一會，
老師可能會問下他的名字吧！
孩子茫然咁點下頭，到我們時，一如我所講，
外籍老師真是問孩子的名字，當時孩子點頭說：YES！
（重識反應喎！）

之後，老師示意孩子到他身後的長椅等候．．．
應該是上課室吧．．．在我依依不捨的同時，
我看到孩子已跟旁面一個”好憂心”的小朋友交談啦，
我連忙說：你們兩個好好照應，
緊記要聽話啦，他倆一起答我：知道啦！
我便捨的走出去，再回頭望下時，
看見孩子好開朗的跟我說：bye-bye！

我的任務暫時結束，就下山閒逛去也．．．．．
7.
坦剔不安的一個小時，平日好喜歡逛街的我．
根本沒有丁點兒逛街的喜悅．只是心不在焉的四處踱步，
想應該都未到一小時，我已經在走回山上的路程中啦．

實在太多小朋友，我跟爸爸足足係孩子面試一小時後
再多等半句鐘先見返孩子．
當見到他跟其他並不認識的小朋友一齊排隊，好得意！
而且望落去個個著得差唔多
（大部份都係短裇衫長褲仔
－個個好似好型仔咁－場面好得意）

每位家長都好心急想接返個仔，
因為真係等得太耐啦，部份家長都已表現不滿．．．
但接仔仔場面係好溫馨嫁＊.＊
（可惜我無帶DV，唔係拍左放上youtube都幾經典
"香港父母望子成龍篇"  ）

一接返孩子，我立刻抱起佢，（原來我真係好掛住孩子！.！）

以下幾段對話因為想生動ｄ，
我決定用返當日我跟他口語節錄
8.
仔仔：       媽咪，原來好好玩，我地幾時再去面試！！！
媽咪：       好玩咩，但我地無報另外個ｄ學校啦，
　　　　看看老師會唔會再叫你返去玩啦！
仔仔：       老師無整古我地喎，
　　　　係面完試先播movie比我地看
　　　　（因同事仔仔去年面試時是先比小朋友看movie，
　　　　叫佢地看完自己過去面試，
　　　　所以佢提我要叫仔仔小心比老師整古
　　　　以至失去面試機會囉！）
媽咪：       係咩！你又話會喊？都無喊
仔仔：       我話左我可能會喊啫喎．
媽咪：       熱唔熱？
仔仔：       好熱，但我忍住無除衫
媽咪：       我咪提左你若熱就自己除衫囉
仔仔：       咁我費事麻煩嘛，咪忍住囉！
　　　　（好在佢忍住，唔係裇衫入面係件圓領tee
　　　　就好似無咁型啦）
媽咪：       但我上次交表時等待個房好凍喎！
　　　　　所以我怕你凍先比你著兩件咋
仔仔：       但老師帶我上去個到好似天台咁熱的地方
　　　　－真係好熱嫁喎
媽咪：       下，做咩帶你上天台
仔仔：       唔係，我係話好似天台咁熱啫，
　　　　係一個課室，唔係天台
媽咪：       咁老師問左你咩
仔仔：       唔知啦，你唔好再問啦，我想訓覺．．．
媽咪：       ．．．．．．
9.
過左一會，daddy抱住佢繼續行，我見佢重眼仔碌碌
又忍唔住八掛起來．
媽咪：       老師考你咩，不如你考下我啦！
仔仔：       ．．．佢比一張圖我，叫我寫返ｄ野出來囉！
媽咪：       咁你識唔識
仔仔：       我識，但唔知寫得岩唔岩喎！
媽咪：       寫，唔係畫圖便可以啦咩
      （因同學仔仔媽咪前一晚已打電話比我通水，
      咁我已大約講比佢知程序係點，
      其中會比幅圖叫佢看後畫返見到ｄ咩出來）
仔仔：       係寫喎，我寫CAR囉，但唔知岩唔岩喎
媽咪：       咁你串比我聽下，我會知你岩唔岩嫁
仔仔：       C A R
媽咪：       啱喎，又幾叻仔喎（因佢平时成日搞錯CAR & CAT））
      重有咩？
仔仔：       比幅圖叫我個故事啦
媽咪：       咩圖，你又講咩
仔仔：       我想講架單車fly左上星球，但我講錯左
媽咪：       講左咩
仔仔：       我話單車係單車徑到囉！
媽咪：       都岩喎，無問題！重有咩
仔仔：       重有的士嫁，不過我無講啦
媽咪：       哦，唔緊要啦
仔仔：       媽咪，個到有個外籍老師講ｄ唔係好正的廣東話，
      不過我都識聽
媽咪：       咁你明唔明，驚唔驚
仔仔：       明，都唔驚
媽咪：       係咪有畫畫？（因我等孩子時，看到有一些小朋友
      手持一幅幅畫好的卡通畫－例如：最近好受歡迎的軍曹
仔仔：       係，我本來想玩砌圖，但太多人，我咪去畫畫囉
媽咪：       畫左咩
仔仔：       我用唔同color-pen寫左好多個自己個名囉，
      不過寫錯晒嫁
媽咪：       吓，點錯法
仔仔：       好似個ｘ字，我加多左個ｘ囉（ｘｘｘ）
媽咪：       吓
仔仔：       個ｘ字無咩野，但唔靚囉！
媽咪：       哦，咁．．．唔緊要啦！
仔仔：       個ｘ字，因為個月字我寫都好肥，又無擦膠，
      我咪加個字同係上面佢減肥囉！
媽咪：       咁都得．．．．重有呢？
仔仔：       重有４隻甲蟲
媽咪：       咁你幅畫呢？我見好多小朋友拎走幅畫嫁喎
仔仔：       我未畫完嘛，無得拎走，比老師收左囉．
媽咪：       係咪個個小朋友都要收
仔仔：       唔係嫁，有ｄ無收嫁
媽咪：       重有咩
仔仔：       唉，我比老師同ｄ哥哥點來點去，
      一陣個哥哥叫我坐呢度，一陣個老師叫我另一度
媽咪：       哦．．．．
（我估計係ｄ老師有ｄ搞錯，
一係就因為小朋友面試要一路向前排，即係幾個見完，
另外排在後面的幾個便要向前坐，
佢地唔係好明，所以感到好麻煩，好奇怪囉）
．．．．
10.
跟住一路直到返屋企都唔好肯講啦！
到晚上訓覺時！我地傾傾下計，我又發功啦！

媽咪：       究竟面試做ｄ咩嫁？
仔仔：       唉！（無奈地諗左一陣，
      同我討價還價一輪佢先肯再講．．．）
      ．．．．嗱，先先係成群小朋友去晒一個課室到，
      有砌圖，我都想砌，
      但太多人，佢地好嘈，所以我無砌，咁我咪畫畫囉．
媽咪：       哦，無得玩lego咩？
仔仔：       （呢句唔記得佢答咩啦．．．）
媽咪：       咁你畫左咩．．．．
仔仔：       咪名同甲蟲囉．．．
媽咪：       你有無去洗手間
仔仔：       有
媽咪：       你舉手？叫老師帶你去？
仔仔：       唔係，我直接同個哥哥講，佢咪帶我去囉
仔仔：       跟住個外國人老師叫我地個名，
      我地就去左個個好熱的地方看住故事書等面試，
      之後有位老師帶我過去面試
媽咪：       男定女，中國人定外國人
仔仔：       女老師，中國人，佢一路行一路問我叫咩名，係那處讀書．
媽咪：       重有無問其他問題？
仔仔：       有．．．．但我唔記得晒啦．．．
媽咪：       比左幅圖我看
仔仔：       之後叫我寫返有咩出來，咁我寫左CAR囉
媽咪：       咁幅圖重有咩？
仔仔：       有的士，有ｄ字，但唔識係咩囉
媽咪：       點解你唔寫車，會寫CAR？
仔仔：       佢ｄ字上面有CAR，我記得咪寫囉．
媽咪：       點解唔寫下其他，好似的士
仔仔：       我只係想寫CAR咋喎
媽咪：       哦，之後呢
仔仔：       咁咪看完幅圖再講單車囉
      （事後先知，原來老師係比四幅圖小朋友看，
      叫佢地組成一個故事講返出來，
      所以佢只講左其中一幅！）
媽咪：       咁老師點
仔仔：       佢望住我笑囉
媽咪：       哦，笑你？
仔仔：       唔係，係我答完，望住我笑，
      跟住部故事機講左個做事，關於
      （呢度我唔得左，佢係講左咩幾種動物我聽．．．
      好似有白兔／wolf．．．）
      老師問我．．．（我唔記得仔仔講咩）
      我答．．．．（我又係唔記得仔仔講咩）
      重有幾個，我唔記得，總之答岩啦．．．
      跟住我以為走得啦，點知叫我去左看movie
媽咪：       咩movie?
仔仔：       Barney
仔仔：       Barney，不過看左一半咋，跟住咪走囉！

－　完　－
後記

一如所料，孩子沒有被取錄，
連第二輪面試的機會也沒有！
在熱鬧過後難免有點失落，但沒有失望．
因為一直很了解自己的孩子，
不會是該校會選的目標學生．
但始終有點感嘆！

每個孩子在父母心中，
都是最精靈乖巧，總有他的長處！
不過為著社會的教育制度，
父母的無法不把自己的心肝寶貝
放在陌生人的手上評量．
幾歲的人仔就要單獨面對陌生人的挑戰考驗，
實在不無感慨！

所以好想好想各位家長明白．
無論小朋友成功與否，都值得為他們鼓掌．
都要給他們好好奬勵．
不要因為他們落敗而嬲怒
不要因為他們表現不好而給他們冷言冷語
畢竟這只是人生一個很小很小的階段．
一直深信只要父母能用愛心耐心對孩子加以栽培，
無論孩子在那所學校都一定會有所成．

衷心祝福每位孩子，每個家長．
能開心面對今年或以後的考驗！
請緊記並相信神必為每一位孩子
準備一所合適好學校.
其實都只因當年太有感慨，
心內一直好唔明點解小朋友咁細個，
家長（包括自己）就要佢地面對咁大的考驗．
昨晚突然好有感動，好想講出自己當年的心聲，
想令一眾担心憂慮的家長明白他們的經歷不是唯一，
也不會是孤獨的．
其實不難．想一想當初孩子哇哇降臨．
我們對他的承話是什麼？
都是想孩子健康快樂吧！

我們深愛孩子不為他的成就
正如神愛我們不論我們的優劣

想一想好好給孩子來個擁抱
給他知道，你是何等的愛他．
無論他做得好與否．

我的孩子在神的恩典保守下，
幸運地在自行收生已入選到一間心儀的小學
所以好感謝神－我是少數無須經過苦等這關的人！

但就在那短短個多月的等候中，
我仍感受那份壓力，憂心，
所以好想藉此機會給大家加油！

記著神必保守！大家加油囉
其實我自己都是由K2開始，
就替孩子留意心儀的小學．
從幾個校網的選，到選定心頭幾間．
到決定從一而終．．．經歷超過一年的時間．
（究竟甲校好定乙校好？
究竟選甲校會開心Ｄ定乙校成績好Ｄ？
丙校校風好似差Ｄ，千其咪一個唔好彩中奬．．．
跨區究竟搏唔搏好呢？．．．
這些我都一一感受過．）

填表前一星期，還是按奈不住心中的徬徨．
不住向神祈求．想肯定替孩子的選擇是否正確．
也還幸有祂的扶持．心才叫心安靜下來．

但到揭曉前那天，跟大家一樣睡不穩，心不定．
所以從來就好明白叫大家平常心是很難很難的事．
只有叫大家明白，日子總會過！

記得自己當天看到孩子的名字出現在心儀小學報告版上，
我真不敢相信自己的幸運，不暪你們說，
在看到孩子的名字後，離去／回頭再看一共有三整次，
才敢肯定，自己沒看錯！

成功的喜悅，令我掉下淚兒！
但回看身旁其他家長失落的眼神與無奈．
心裡實不無痛心！苦思何解政府的政策，
會令一眾家長飽受苦難似的呢．

（這裡順便一提，自行收生揭曉那天，
可準備一份孩子的履歷表，萬一未能入選．
試把它交到心儀學校的校務處．
當然校方不一定肯收，交了也不一定有用，
但準比什麼都沒準備好．至少心安！）

也許有人說，都是你們自找吧了．
這也著實沒有說錯，但若當時人有天親身經歷，
會明白箇中苦況與無奈！

其實來到BK升小／幼稚園這幾版的，
想大多是關心子女成績生活的家長．
既然家長肯付出時間精神比小朋友，
相信小朋友一定會有所成就．
這就是我一直說：「只要家長願意付出愛心關心，
無論孩子到那一間學校都會有所成的原因．」
相反，不要以為入到了”名校”
便可以放開手待校方好好栽培孩子．
要緊記沒有不勞而獲的事情．
儘管孩子是天才也好資優也好，
總要有能付出時間與精神的父母！
方可成才！

就讓大家一同努力，
好好陪伴孩子經歷這些成長的步伐，
無論他們是天才也好，平凡也好，
讓他們知道，自己並不孤單！
至少有父母支持嘛！

願神都給大家好好保守！

barre

民房

Rank: 1


	11

25^#

發表於 08-10-28 10:00 |只看該作者

Pls enjoy the game no matter win or loss. Sometimes, I have precious moment with my daughter when we faced difficulties together!

loy211

Rank: 5 Rank: 5


	1118

26^#

發表於 08-10-28 10:25 |只看該作者

lemonred :
我個仔是大仔,一般應對無問題,亦算淡定大方,唯一亦是死穴是英文對話,因家中只有印印,他聆聽英語問題不大,但說話方面詞匯認識不多,我又要返工,即使晚上用英語講故事時間亦有限,我相信以前兩間也是敗於此.

susanl

Rank: 4


	827

27^#

發表於 08-10-28 10:31 |只看該作者

禍福難料

因為自己懶，只幫仔仔報名一間直資名校。權當給他一個見識的機會。如果失敗了，就等著大抽獎及叩門。他覺得面試很新奇，是一個蠻好的體驗。

pearjadema

Rank: 4


	518

28^#

發表於 08-10-28 10:53 |只看該作者

原帖由 susanl 於 08-10-28 10:31 發表
因為自己懶，只幫仔仔報名一間直資名校。權當給他一個見識的機會。如果失敗了，就等著大抽獎及叩門。他覺得面試很新奇，是一個蠻好的體驗。

DEAR ALL,

我其實都幫個女報左幾多學校, 我地冇比太大壓力, 之前巳經同佢講左會帶佢D好學校参觀同埋同老師玩問答遊戲, 所以佢都真係當玩, 昨晚問佢鍾唔鍾意去D學校 INTERVIEW (玩), 好彩佢話鍾意, 講真 IN 就 IN 左結果係點真係冇人知隨緣啦, 讀咩學校唔緊要最緊要係唔好學壞, 今年冇理想既學校收唔緊要我會每年考插班緊會有一天成功既, 咁多位加油呀

lemonred

Rank: 3 Rank: 3


	268

29^#

發表於 08-10-28 10:59 |只看該作者

我明白的, 我都是要返工, 不過, 你真的要比多d時間操下佢, 一定得. Hope you kid can get a place soon.

原帖由 loy211 於 08-10-28 10:25 發表
lemonred :
我個仔是大仔,一般應對無問題,亦算淡定大方,唯一亦是死穴是英文對話,因家中只有印印,他聆聽英語問題不大,但說話方面詞匯認識不多,我又要返工,即使晚上用英語講故事時間亦有限,我相信以前兩間也是敗於 ...

YankeeMa

Rank: 4


	569

30^#

發表於 08-10-28 11:04 |只看該作者

Dear 0203Ma,

Million thanks for your sharing and encouragment which is as sweet as the words from God!

May we and our kids try our best and leave the rest to Him!

Yankeema

0203Ma

Rank: 5 Rank: 5


	1782

31^#

發表於 08-10-28 11:41 |只看該作者

yankeeMa,
我每次看到以下那幾句, 都

, 多謝那位媽媽就真.
0203Ma

父母的無法不把自己的心肝寶貝
放在陌生人的手上評量．
幾歲的人仔就要單獨面對陌生人的挑戰考驗，
實在不無感慨！
無論小朋友成功與否，都值得為他們鼓掌．
都要給他們好好奬勵．
想一想當初孩子哇哇降臨．
我們對他的承話是什麼？
都是想孩子健康快樂吧！
我們深愛孩子不為他的成就
正如神愛我們不論我們的優劣
想一想好好給孩子來個擁抱
給他知道，你是何等的愛他．
無論他做得好與否．

[ 本帖最後由 0203Ma 於 08-10-28 11:43 編輯 ]

sandrawun

禁止訪問


	342

32^#

發表於 08-10-28 11:48 |只看該作者

提示: 作者被禁止或刪除內容自動屏蔽

mymelody2003

Rank: 5 Rank: 5


	1931

33^#

發表於 08-10-28 14:20 |只看該作者

我也有感而發, 一個剛5歲既囝囝, 我覺得佢巳經盡最大的努力去做, 無論結果怎樣對我來說真的不重要, 小一面試用哪一個準則收生根本取決於老師, 無人知的, 但我諗應該"大仔" 機會率效高吧, 再者小朋友聰明與否家長最清楚, 所以囝囝說他可以完成整個面試巳經很好了 :loveliness:

囝囝既面試巳完, 幸好巳有一間取錄他, 希望他喜歡這學校吧! 望子成龍每個父母都想, 但希望在過程中小朋友也得到快樂!

Coletteli

Rank: 3 Rank: 3


	190

34^#

發表於 08-10-28 16:33 |只看該作者

so sentimental !!

MommyCynCyn

Rank: 4


	524

35^#

發表於 08-10-28 17:03 |只看該作者

原帖由 mymelody2003 於 08-10-28 14:20 發表
我也有感而發, 一個剛5歲既囝囝, 我覺得佢巳經盡最大的努力去做, 無論結果怎樣對我來說真的不重要, 小一面試用哪一個準則收生根本取決於老師, 無人知的, 但我諗應該"大仔" 機會率效高吧, 再者小朋友聰明與否家長最清 ...

Absolutely agreed. They all did a very great job - even though they're succeeded in getting your heart's desire school P1 place OR NOT! FRANKLY, I AM VERY GLAD OF ANY OUTCOME!!

JustinJustin

Rank: 3 Rank: 3


	272

36^#

發表於 08-10-28 17:06 |只看該作者

Good. Very good.

原帖由 mamimummy 於 08-10-27 23:15 發表
孩子你知道嗎?....其實最幸福的孩子不一定是在最好的學校中找到, 而是在一個溫暖快樂的家庭中生活及成長..

Juho

Rank: 4


	547

37^#

發表於 08-10-28 17:29 |只看該作者

蘇穎智牧師 always says....

Try our best and let God takes care of the rest!

COP

Rank: 3 Rank: 3


	305

38^#

發表於 08-10-28 18:58 |只看該作者

在段日子, 對於愛子女的父母來說, 實在不易過!!!!!我們實在需要互相舒發一下感愛, 釋放一下情緒, 彼此支持......樓主及各位父母們, 你們的分享, 對於近來信心動搖的我, 實在是很大的支持, 多謝你!

百厭仔